Праваабарончы цэнтр «ВЯСНА»

02.01.2014 Лідзія Ярмошына: новых выбараў не будзе

Старшыня ЦВК Лідзія Ярмошына адмовілася праводзіць новыя выбары дэпутата Палаты прадстаўнікоў НС РБ у Крычаўскай выбарчай акрузе № 83. Падставай для адмовы паслужыла тое, што паўнамоцты Уладзіміра Краўцова, абранага дэпутатам Палаты прадстаўнікоў ад гэтай выбарчай акругі, не спынены.

02.01.2014 Брэст: пададзена заяўка на правядзенне пікета супраць ўвядзення пошліны на аўтамабілі

З гэтай ініцыятывай да мясцовых уладаў звярнуліся брэсцкія сябры Аб'яднанай грамадзянскай партыі. Сам пікет плануецца правесці 12 студзеня на плошчы Леніна каля галоўнай елкі горада. У пікеце мяркуюць браць удзел каля 20 чалавек.

31.12.2013 Магілёўская міліцыя шукае другога арганізатара акцыі «Стоп падатак»

Пра гэта стала вядома з рапарта маёра Зайцава, які быў накіраваны на імя палкоўніка міліцыі Кавальчука. Копія рапарта патрапіла да магілёўскіх праваабаронцаў. З яе вынікае, што акрамя актывіста АГП Антона Касцова каардынатарам групы «Стоп падатак» (паводле міліцыі) выступае Аляксандр Сімановіч.

31.12.2013 Праваабарончая праграма “Людзьмі звацца!” на Беларускім Радыё Рацыя

“Хроніка пераследу”: пераслед актывістаў у Мінску і Слуцку, умовы ўтрымання зняволеных у Беларусі, змаганне прадпрымальнікаў з сертыфікацыяй тавару ў сувязі з далучэннем Беларусі да Мытнага саюзу. “Асоба. Дзяржава. Грамадства”: госця рубрыкі - старшыня Рады Згуртавання беларусаў свету “Бацькаўшчына” Ніна Шыдлоўская.

30.12.2013 Бярозаўскія грамадзяне абскарджваюць адмову ўключэння ў камісію іх прадстаўніка

10 бярозаўскіх грамадзян не пагадзіліся з тым, што ў раённую тэрытарыяльную выбарчую камісію не абралі іх прадстаўніка -- сябра Партыі БНФ Ігара Меншыкава, які мае вышэйшую адукацыю. 29 снежня яны накіравалі заяву ў суд Бярозаўскага раёна.

30.12.2013 Першае пасяджэнне Баранавіцкай ТВК: у кіраўніцтве надзейныя асобы

Па прапанове загадчыцы арганізацыйна-кадравай работы Наталлі Кучур старшынёй выбарчай камісіі адзінагалосна была абрана Тамара Шукала. Падчас парламенцкіх выбараў 2012 года Тамара Шукала ўзначальвала акруговую камісію Баранавіцкай-Усходняй акругі № 6.

30.12.2013 Справаздача па выніках назірання за фарміраваннем тэрытарыяльных выбарчых камісій

Назіранне за выбарамі дэпутатаў мясцовых Саветаў дэпутатаў Рэспублікі Беларусь дваццаць сёмага склікання ажыццяўляецца актывістамі РПГА «Беларускі Хельсінкскі камітэт» і ПЦ «Вясна» ў рамках кампаніі «Праваабаронцы за свабодныя выбары». У назіранні ўдзельнічаюць 29 доўгатэрміновых назіральнікаў.

30.12.2013 Гродна: штраф за запіс на інтэрнэт-форуме пра “Стоп-падатак”

Аляксандар Іваноў размясціў інфармацыю на “Гродненском форуме”, у якой напісаў, што 27-га снежня збіраюцца аўтамабілісты, неабыякавыя да ўвядзення новага падатку на аўтамашыны. У выніку Іванову патэлефанавалі з міліцыі і паведамілі, што на яго складзены пратакол – яго абвінавацілі ў арганізацыі несанкцыянаванага мерапрыемства.

30.12.2013 У Бярозе перад святамі нагадалі пра палітвязняў (фота)

У найбольш наведваемых месцах гораду з’явіліся плакаты з выявамі палітвязняў і надпісам “Свабоду палітвязням”. Плакаты даволі вялікія, таму звярталі на сябе ўвагу грамадзян. У Бярозе перыядычна нагадваюць, што ў нашай краіне існуе такая ганебная з’ява, як палітвязні.

30.12.2013 Бяроза: кіруюць камісіяй выканкамаўскія супрацоўнікі

Старшыня камісіі Аляксандр Неліповіч - былы супрацоўнік выканкаму, намеснік старшыні Аляксандр Крагель – начальнік аддзелу ідэалагічнай працы, сакратар Алена Муратава – вядучы спецыяліст аддзелу арганізацыйна-кадравай працы выканкаму.

30.12.2013 Індывідуальныя прадпрымальнікі будуць бараніць свае правы

Увядзенне абавязковай сертыфікацыі тавараў лёгкай прамысловасці для індывідуальных прадпрымальнікаў перанеслі на 1 студзеня 2015 года.

30.12.2013 Валянціна Аліневіч: «Сапраўдныя рыцары і сапраўдныя змагары ў Беларусі — гэта жанчыны»

Будучыня Беларусі — у жаночых руках, перакананая Валянціна Аліневіч, маці палітвязьня Ігара Аліневіча, засуджанага на восем гадоў за анархісцкія перакананьні.

30.12.2013 Незалежных адвакатаў і судзьдзяў у Беларусі няма, — праваабаронцы

Установа «Плятформа інавэйшан» прэзентавала другую штогадовую маніторынгавую справаздачу «Захаваннье ў Рэспубліцы Беларусь нормаў міжнароднага і нацыянальнага права ў сфэрах свабоды ажыцьцяўлення адвакацкай дзейнасьці, дасудовага перасьледу, арышту і затрыманьня, выканання мераў крымінальнай адказнасьці ў месцах пазбаўленьня і абмежаваньня волі, а таксама грамадзкага кантролю за выкананьнем правоў зьняволеных у 2012 — 2013 гг.»,

30.12.2013 У Жодзіне сфармавана 36 выбарчых акругаў

На першым паседжанні Жодзінскага гарвыбаркама, якое адбылося 27 снежня было абранае ягонае кіраўніцтва и зацверджаны прапанаваныя выканкамам межы выбарчых акругаў.

30.12.2013 Баранавічы: пікет супраць размяшчэння расійскай авіябазы забаронены

Грамадская актывістка Анжаліка Камбалава 28 снежня атрымала заказны ліст за подпісам намесніка старшыні Баранавіцкага гарвыканкама Дз. Касцюкевіча, у якім паведамляецца, што ўлада не дае згоды на правядзенне пікета 30 снежня супраць размяшчэння расійскай авіябазы ў Баранавічах.