Праваабарончы цэнтр «ВЯСНА»

21.02.2014 Валянцін Стэфановіч : “Мы вернемся да дыскусіі адносна абмежавання доступу да сайта spring96.org у судзе”

Валянцін Стэфановіч накіраваў прыватную скаргу ў Калегію па грамадзянскіх справах Мінскага гарадскога суда на вызначэнне суда Цэнтральнага раёна аб спыненні вытворчасці па справе ўнясення у “чорныя спісы” сайта spring96.org.

21.02.2014 Права на адукацыю: ці могуць інваліды рэалізаваць яго ў поўнай меры?

Офіс па правах людзей з інваліднасцю даследаваў беларускае заканадаўства і практыку ў сферы адукацыі.

21.02.2014 У Бярозе зарэгістраваны 46 кандыдатаў у раённы савет і 3 – у абласны

Не быў зарэгістраваны адзін прэтэндэнт -- прадстаўнік Аб’яднанай грамадзянскай партыі Яўген Кабанаў. Ён не адзначыў у дэкларацыі аўтамабіль “Жыгулі”, які лічыцца за ім, хаця прададзены па даверанасці 3 гады таму. Таксама ён не прадаставіў дакумент па адукацыі і не падаў копію працоўнай кніжкі.

21.02.2014 За 40 дэпутацкіх месцаў у Брэсцкім гарсавеце будзе змагацца 121 кандыдат

З прычыны нібыта недакладнасці звестак, указаных у дэкларацыях, гарадскі тэрытарыяльны выбаркам адмовіў у рэгістрацыі тром прэтэндэнтам ад дэмакратычнай супольнасці. Найбольшая колькасць кандыдатаў-партыйцаў зарэгістравана ад Беларускай сацыял-дэмакратычнай партыі ( Грамада) - 8, Беларускай партыі левых “Справядлівы свет” - 7, Партыі БНФ - 6.

21.02.2014 У Варшаве ўручылі праваабарончую прэмію імя Віктара Івашкевіча

Лаўрэатамі сталі палітвязень Уладзімір Яроменак, журналіст Андрэй Пачобут, эколаг Таццяна Новікава і Свабодны тэатр.

21.02.2014 «Правы чалавека «на пальцах» прыедуць у Гродна 26 лютага!

Правы Чалавека — што гэта і для каго? Чым насамрэч займаюцца праваабаронцы? Хочаце ведаць, як абараніць сябе ад несправядлівасці і чаму праваабаронцы — гэта не апазіцыя? Падавайце заяўкі! Дэдлайн 25.02 уключна.

20.02.2014 На 40 мандатаў Гомельскага гарсавету прэтэндуюць 108 чалавек

Адмовы атрымалі 16 чалавек, у тым ліку не прайшлі дэмакратычныя кандыдаты (5 – ад АГП, 1 – са «Справядлівага свету»). Таксама атрымалі адмову грамадскія актывісты Кастусь Жукоўскі (кааліцыя «Наша альтэрнатыва»), Галіна Краўчанка (ініцыятыва «Гомельскі дэмакратычны форум»). Ішлі яны шляхам збору подпісаў.

20.02.2014 Мазыр: на 40 месцаў у райсавеце — 41 кандыдат

Было пададзена 45 заяў прэтэндэнтаў на 40 выбарчых акруг, зарэгістраваны 41 кандыдат. Чатыром прэтэндэнтам, у тым ліку траім ад Руху «За свабоду» па розных прычынах адмовілі ў рэгістрацыі. Толькі на адной акрузе (Паўднёвай №28) будуць два кандыдаты: дырэктару Мазырскага аўтобуснага парка №2 будзе канкурэнтам качагар Міхаіл Караткевіч.

20.02.2014 Зэльвенская раённая камісія не зарэгістравала кандыдатам Яўгена Скрабутана

Яму патлумачылі, што падставай такога рашэння ёсць нібыта пісьмовыя тлумачэнні тых, хто падпісваўся за вылучэнне Скрабутана пры зборы подпісаў, пра напісанне даты нібы не сваёй рукой. . Па словах Яўгена Скрабутана, прозвішчы людзей, што нібыта няправільна падпісаліся, камісія назваць адмовілася, спаслаўшыся на канфідэнцыйнасць інфармацыі.

20.02.2014 “Праваабаронцы за свабодныя выбары” запрашаюць на прэс-канферэнцыю

24 лютага каардынатары кампаніі незалежнага назірання падвядуць вынікі па рэгістрацыі кандыдатаў у дэпутаты мясцовых Саветаў дэпутатаў 27-га склікання. Прэс-канферэнцыя адбудзецца ў офісе ПЦ “Вясна” і пачнецца аб 11-й гадзіне.

20.02.2014 Яраслаў Берніковіч пабыў кандыдатам у дэпутаты 4 гадзіны

20 лютага ў 11 гадзін раённая выбарчая камісія ўручыла актывісту кампаніі "Гавары праўду" пасведчанне кандыдата ў дэпутаты Глыбоцкага райсавету. А ў 15 гадзін з камісіі патэлефанавалі з папярэджаннем, што ягоную рэгістрацыю анулююць.

20.02.2014 Грамадскі кантроль за дзейнасцю пенітэнцыярных установаў: абмежаванні ў заканадаўстве

Што азначае ўключаная ў тэкст нормы Крымінальна-выканаўчага кодэкса, якая дае грамадскім аб'яднанням права кантролю за дзейнасцю пенітэнцыярных установаў, агаворка: «на падставах і ў парадку, прадугледжаных заканадаўствам»? Ці можна кантроль ГНК лічыць эфектыўным?

20.02.2014 Гомель: два прэтэндэнты ад апазіцыі не прайшлі рэгістрацыю кандыдатамі ў дэпутаты Палаты прадстаўнікоў

Кандыдатамі ў дэпутаты сталі Уладзімір Няпомняшчых (АГП), Віктар Хоміч («Справядлівы свет»), загадчыца тэрапеўтычнага аддзялення паліклінікі Алена Астапюк, заўгас дзіцяча-юнацкай спартыўнай школы Мікалай Шкірэеў і настаўніца сярэдняй школы №2 Вольга Судакова.

20.02.2014 Бабруйск: Блогеру пагражаюць ужо чатыры крымінальныя справы

У Бабруйску працягваецца супрацьстаянне Алега Жалнова і супрацоўнікаў міліцыі і ДАІ. За апошні год, кажа блогер, на яго было заведзена 14 спраў: адна грамадзянская, дзевяць адміністрацыйных, пагражаюць чатыры крымінальныя. Яшчэ адна крымінальная распачата ў адносінах да сына Алега - Аляксея Жалнова.

20.02.2014 Ілля Дабратвор абскарджвае рашэнне аб адмове ў рэгістрацыі кандыдатам у дэпутаты

Выбарчая камісія Заводскага раёна Мінска 19 лютага адмовіла ў рэгістрацыі кандыдатам у дэпутаты Менгарсавета Іллю Дабратвору. Вылучэнец ад Менскай гарадской партыі БНФ збіраўся балатавацца па Ахоцкай выбарчай акрузе №1.