Праваабарончы цэнтр «ВЯСНА»

29.05.2014 Суд над Андрэем Мялешкам прызначаны на 30 мая

У пятніцу ў Кастрычніцкім судзе Гродна прызначаны разгляд адміністратыўнай справы супраць незалежнага журналіста Андрэя Мялешкі. Журналіста вінавацяць у незаконны вырабе прадукцыі СМІ.

29.05.2014 Праваабаронцы ўдзельнічалі ў канферэнцыі па Беларусі ў Жэневе

У Жэневе, дзе ў хуткім часе будзе прадстаўлены даклад спецдакладчыка ААН па Беларусі, адбылася канферэнцыя з удзелам міжнародных і беларускіх праваабаронцаў, журналістаў, сваякоў палітвязняў і прадстаўніка ЕС у ААН.

29.05.2014 Юрыя Рубцова шпіталізавалі пасля месячнага зняволення

Сёння раніцай актывіста Юрыя Рубцова вызвалілі з гомельскага ізалятара часовага ўтрымання, але адразу даставілі ў Чыгуначны раённы аддзел міліцыі для размовы. Калі Рубцова адпусцілі з пастарунку, сваякі адвезлі яго ў лякарню, бо мужчына кепска сябе адчуваў.

29.05.2014 Бабруйск: пра праверку адносна распаўсюду “Новага часу” Бузінаеў даведаўся пост-фактум (дакументы)

"Вельмі цікавы выпадак, бо я нават не ведаў, што па нейкіх маіх дзеяннях праводзіцца праверка, - здзіўляецца Віктар Бузінаеў. - Калі б не гэты ліст, я б і не здагадаўся, што маёр Рудзько працягвае сачыць за маім жыццём".

29.05.2014 Тыдзень Даступнасці-2014: ад даступнасці да роўнасці

У Беларусі пачынаюцца мерапрыемствы ў межах Тыдня Даступнасці, прысвечанага пытанням ўсіх відаў даступнасці для людзей з інваліднасцю. Ініцыятарам падзеі выступае Офіс па правах людзей з інваліднасцю.

29.05.2014 Міністар у «зоне гасьціннасьці»: «Узяць!»

Батарэі жаночых шпілек калі дзьвярэй камэр, побач «сядзіць» чэмпіён Беларусі ў адзінаборствах, а менскія наркаманы штодня зарабляюць на дробных крадзяжах два мільёны рублёў – Андрэй Ткачоў, 28-гадовы інструктар па фітнэсе і івэнт-мэнэджар, распавёў Радыё Свабода, як ён адбыў 15 сутак у Цэнтры ізаляцыі правапарушальнікаў на Акрэсьціна.

29.05.2014 Прэзідэнт падпісаў указ аб рэарганізацыі папраўчых калоній

Ліквідацыю, рэарганізацыю і стварэнне шэрагу арганізацый крымінальна-выканаўчай сістэмы і лячэбна-працоўных прафілакторыяў (ЛПП) прадугледжвае падпісаны 28 мая ўказ прэзідэнта № 242 «Аб удасканальванні дзейнасці крымінальна-выканаўчай сістэмы Міністэрства ўнутраных спраў».

28.05.2014 Магілёўская міліцыя не змагла знайсці інтэрнэт-паклёпнікаў

Па словах Валерыя Каранкевіча, ён плануе і найдалей абараняць сваю гонар і годнасць. “Міліцыя не можа знайсці інтэрнэт-паклёпнікаў і распісваецца ў сваім бяссіллі, як жа яны тады хакераў і шпіёнаў лавіць будуць?" - задае рытарычнае пытанне Валерый Каранкевіч.

28.05.2014 Гомельскія міліцыянеры «згубілі» рэчы, забраныя ў актывістаў пры затрыманні

У РАУС Цэнтральнага раёна ў актывістаў забралі фотаапарат, носьбіты інфармацыі, у прыватнасці, флэш-карту, магніты на лядоўню, стужкі і маску Гая Фокса. Пры гэтым быў складзены «пратакол выняцця», які быў далучаны да адміністрацыйнага пратаколу.

28.05.2014 У Магілёве грамадзяне выступаюць супраць чарговага ўшчыльнення

На праспекце Дзімітрава сетка крам “Еўраопт” плануе будаўніцтва чарговага гандлёвага аб’екта побач са шматпавярховымі дамамі. Як стала вядома, дзве ініцыятыўныя групы грамадзян незалежна адна ад адной пачалі самастойны збор подпісаў супраць чарговага ушчыльнення.

28.05.2014 Мінгарвыканкам адмовіў Партыі БНФ: ля помніку Шаўчэнкі «іншае перапрыемства»

Мінгарвыканкам у чарговы раз адмовіў Партыі БНФ у правядзенні мітынга салідарнасці з народам Украіны. Намеснік старшыні Партыі БНФ Ігар Лялькоў прасіў мінскія ўлады дазволіць правядзенне мітынгу 28 мая з 18 да 19.30 гадзінаў ля помніку Тарасу Шаўчэнку.

28.05.2014 Аляксандр Ярашук пераабраны віцэ-прэзідэнтам Міжнароднай канфедэрацыі прафсаюзаў

Лідар Беларускага кангрэсу дэмакратычных прафсаюзаў Аляксандр Ярашук пераабраны віцэ-прэзідэнтам Міжнароднай канфедэрацыі прафсаюзаў. Ён таксама ўпершыню стаў членам Генеральнага савета арганізацыі. Такое рашэнне прынялі дэлегаты III з'езда МКП у Берліне.

28.05.2014 Амапавец збіў 16-гадовага падлетка на рок-канцэрце

Паход на рок-канцэрт у менскі Палац спорту для Паўла Панамарэнкі скончыўся на бальнічным ложку. Лекары дыягнаставалі ў яго страсенне мозгу. Павел сцвярджае, што яго ўдарыў спецназавец. Бацькі напісалі заяву, патрабуючы пакараць вінаватага.

28.05.2014 Брэсцкія актывісты АГП патрабуюць аднаўлення ў горадзе трансляцыі украінскіх тэлеканалаў

Нагодай для заявы стала тое, што аператары тэлевізійных кабельных сетак Брэста прыпынілі вяшчанне украінскіх тэлеканалаў “1+1” і “Інтэр”, спаслаўшыся на пастанову Савета Міністраў РБ.

28.05.2014 Алеся Залеўскага пакаралі штрафам за журналісцкую дзейнасць

Аўтара і вядоўцу праграм “Людскія справы” ды “Рэпартаж Залеўскага” на тэлеканале “Белсат” пакаралі штрафам у 30 базавых велічыняў за нібыта незаконны выраб і распаўсюд прадукцыі СМІ.