Праваабарончы цэнтр «ВЯСНА»

Навіны за Сакавік 2017

10.03.2017 Усіх траіх анархістаў перазатрымалі ў Брэсце

Як стала вядома, адзін з асуджаных на 5 сутак анархістаў за удзел у "Маршы недармаедаў" у Брэсце не выйшаў сёння з ІЧУ.

10.03.2017 Акцыя супраць Дэкрэта №3 у Маладэчне

10 сакавіка ў Маладэчне праціўнікі прэзідэнцкага Дэкрэта №3 выйшлі на цэнтральную плошчы горада, дзе, пасля сустрэчы з старшынёй райвыканкаму, агучылі сваю рэзалюцыю і рушылі маршам да будынка падаткавай інспекцыі.

10.03.2017 У Брэсце асуджаны яшчэ адзін удзельнік "Маршу недармаедаў"

Андрэя Марача абвінавацілі ва ўдзеле ў несанкцыянаваным масавым мерапрыемстве і асудзілі на пяць сутак арышту.

10.03.2017 Затрыманага актывіста Зміцера Паліенку асудзілі на 7 сутак

10 сакавіка ў мінскім Доме правасуддзя затрыманы сацыяльны актывіст Зміцер Паліенка, які прыйшоў на абвяшчэнне прысуда суда Першамайскага раёна па так званай справе антыфашыстаў.

10.03.2017 Зміцер Дашкевіч асуджаны да арышту на трое сутак

Пасля затрымання абаронцу Курапатаў Зміцера Дашкевіча даставілі ў суд Савецкага раёна Мінска. Высветлілася, што на Дашкевіча складзена ажно пяць адміністратыўных пратаколаў.

10.03.2017 Наталля Папкова звярнулася ў СК па факце прымусовага змяшчэння ў псіхбальніцу

Актывістка “Маладой Беларусі” Наталля Папкова накіравала заяву ў Бресцкі міжраённы аддзел Следчага камітэту аб здзейсненным злачынстве ў адносінах да яе – незаконным памяшчэнні ў псіхіятрычную бальніцу.

10.03.2017 У Мінску затрымалі Зміцера Дашкевіча

Апоўдні 10 сакавіка ў Мінску, непадалёк ад Управы БНФ, людзі ў цывільным затрымалі абаронцу Курапатаў Зміцера Дашкевіча. Людзі ў цывільным звезлі актывіста на белым мікрааўтобусе.

10.03.2017 Гарадзенскія ўлады абмеркавалі Дэкрэт №3 з прадстаўнікамі грамадзянскай супольнасці

У Гародні гарвыканкам запрасіў на сустрэчу 10 сакавіка прадстаўнікоў грамадскасці, каб абмеркаваць палажэнні Дэкрэту №3 “Аб папярэджанні сацыяльнага ўтрыманства”. На сустрэчы прысутнічаў праваабаронца Віктар Сазонаў.

10.03.2017 Бярозаўскі суд пакараў Аляксандра Кабанава арыштам

Суд Бярозаўскага раёна разгледзеў адміністратыўныя справы “каардынатара” брэсцкага “Марша недармаедаў”, актывіста АГП Аляксандра Кабанава і прызнаў яго вінаватым у арганізацыі і ўдзеле ў несанкцыянаваным масавым мерапрыемстве.

09.03.2017 Новыя затрыманні анархістаў у Брэсце

Як стала вядома Праваабарончаму цэнтру "Вясна", увечары 9 сакавіка ў Брэсце былі затрыманыя актывісты анархісцкага руху.

09.03.2017 У Бабруйску адбыўся ператрус на сядзібе АГП

Увечары 9 сакавіка ў Бабруйску на сядзібе Аб’яднанай грамадзянскай партыі адбыўся ператрус. Тры чалавекі ў міліцэйскай форме, якія не прадставіліся, паведамілі актывістам, што прычынай іх візіту стала тэлефоннае паведамленне пра тое, што ў гэтае памяшканне заносілі падазроныя пакункі.

09.03.2017 Лукашэнка пагражае вярнуць у турму арганізатараў вулічных акцый пратэсту

Аляксандр Лукашэнка даручыў міністру ўнутраных спраў Ігару Шуневічу жорстка рэагаваць на дзеянні арганізатараў вулічных акцый супраць дэкрэта № 3 "Аб папярэджанні сацыяльнага ўтрыманства", піша БелаПАН.

09.03.2017 Маладзечанскі актывіст расказаў падрабязнасці свайго затрымання з улёткамі на Марш недармаедаў

Гарадскога каардынатара БХД Рамана Ганчарова затрымалі ў Маладзечне ўвечары 8 сакавіка.

09.03.2017 У Смаргоні праваабаронца Алесь Дзергачоў абскардзіў у суд незаконнасць Дэкрэта №3

Праваабаронца Алесь Дзергачоў накіраваў у суд Смаргонскага раёна скаргу на дзеянні інспекцыі Міністэрства па падатках і зборах па Смаргонскім раёне, якая патрабуе выплаты збору паводле Дэкрэта №3, паведамляе “Гарадзенская Вясна”.

09.03.2017 Імплементацыя Дарожнай карты рэфармавання вышэйшай адукацыі адбудзецца ў Мінску

Грамадскі Балонскі камітэт, Праваабарончы цэнтр "Вясна", Братэрства арганізатараў студэнцкага самакіравання, Цэнтр развіцця студэнцкіх ініцыятыў запрашаюць прыняць удзел у семінары (міні-канферэнцыі) на тэму "Акадэмічныя каштоўнасці ў беларускім вышэйшай адукацыі. Імплементацыя Дарожнай карты рэфармавання вышэйшай адукацыі ў Рэспубліцы Беларусь".