Праваабарончы цэнтр «ВЯСНА»

Навіны за Жнівень 2016

10.08.2016 Праваабаронцы прызналі Уладзіміра Кондруся палітычным зняволеным

Мы яшчэ раз падцвярджаем сваю пазіцыю, якая заключаецца ў тым, што дзеянні Уладзіміра Кондруся не могуць быць кваліфікаваныя па арт. 293 КК Рэспублікі Беларусь, а тэрмін даўніны па іншых артыкулах КК, па якіх яны маглі б быць кваліфікаваны, сыйшоў.

10.08.2016 Суды за салідарнасць з Дзмітрыем Паліенкам

У судзе Маскоўскага раёна Менска пачаўся разгляд адміністрацыйных спраў удзельнікаў акцыі салідарнасці з Дзмітрыем Паліенкам, якая адбылася каля сцен следчага ізалятара на вуліцы Валадарскага 17 ліпеня.

09.08.2016 Бацька Уладзіміра Кондруся: «Мы ў шоку. Сын – напалову труп»

9 жніўня бацькі Уладзіміра Кондруся, новага фігуранта справы аб масавых беспарадках, упершыню за два месяцы арышту атрымалі спатканне з сынам у мінскім СІЗА-1.

09.08.2016 Праваабаронцы ўзялі ўдзел у сустрэчы з дэлегацыяй ПАСЕ

9 жніўня ў Мінску дэлегацыя Парламенцкай асамблеі Савета Еўропы, у складзе якой працуе спецдакладчык па Беларусі Андрэа Рыгоні, правяла сустрэчу з прадстаўнікамі грамадзянскай супольнасці.

09.08.2016 Ад Руху "За свабоду" ёсць зарэгістраваны кандыдат у дэпутаты

Як паведамляе афіцыйны сайт Руху “За свабоду”, першага намесніка старшыні Руха Юрася Губарэвіча зарэгістравалі кандыдатам у дэпутаты па Каліноўскай акрузе №108 у Мінску.

09.08.2016 Шэсць прэтэндэнтаў з сямі зарэгістраваныя кандыдатамі па Партызанскай акрузе

Як паведамілі назіральнікі кампаніі “Праваабаронцы за свабодныя выбары”, 8 жніўня ў Партызанскай акрузе №110 у Мінску прайшла рэгістрацыя кандыдатаў у дэпутаты Палаты прадстаўнікоў шостага склікання.

09.08.2016 Місія БДІПЧ АБСЕ сустрэлася з "Праваабаронцамі за свабодныя выбары"

Падчас сустрэчы, якая адбылася 8 жніўня ў офісе Праваабарончага цэнтра "Вясна", абмяркоўваліся розныя аспекты бягучай парламенцкай кампаніі, а таксама асобныя крокі ў працы ЦВК і нацыянальных незалежных назіральнікаў.

09.08.2016 Праваабарончая праграма “Вясна” на Беларускім Радыё Рацыя

У рубрыцы "Падзея" - стала вядома пра затрыманне новага фігуранта справы аб беспарадках пасля прэзідэнцкіх выбараў 2010 года. У рубрыцы "Каментра" - гісторыя гвалтоўнага затрымання АМАПаўцамі маладых людзей на вуліцы Зыбіцкай.

09.08.2016 Максіма Вінярскага будуць судзіць за акцыю салідарнасці з Паліенкам

Каардынатар «Еўрапейскай Беларусі» Максім Вінярскі атрымаў чарговае СМС-паведамленне з суда Маскоўскага раёна Менска аб тым, што 10 жніўня адбудзецца разгляд адміністрацыйнай справы за ўдзел у масавым мерапрыемстве.

09.08.2016 Глуск: з’явілася першая інфармацыйная прадукцыя пра выбары – не без памылак (фотафакт)

Праўда, у вывешаным над вуліцай Кірава паблізу райвыканкама транспаранце мясцовыя ідэолагі ўмудрыліся зрабіць памылку ў тэксце надпісу, якую выправілі толькі праз некалькі дзён.

08.08.2016 Віцебскі абласны суд не задаволіў касацыйную скаргу звольненага актывіста СПБ Міколы Шараха

Мікалай Шарах звяртаўся ў абласны суд, працягваючы змаганне за сваё аднаўленне на працы. Больш за 30 гадоў ён адпрацаваў на “Шкловалакне”.

08.08.2016 Праваабаронца: “Віцебская міліцыя кепска ведае выбарчае заканадаўства”

Праваабаронца Павел Левінаў прысутнічаў падчас апытання ў Кастрычніцкім РАУС прэтэндэнтак у кандыдаты Алены Шабуні і Таццяны Севярынец.

08.08.2016 Міхаілу Жамчужнаму вынесена першае спагнанне

Міхаіл Жамчужны таксама паведаміў, што атэстацыйная камісія не пацвердзіла ягоны ранейшы статус “асобы, якая стала на шлях выпраўлення”.

08.08.2016 Алесю Лагвінцу адмовілі ў рэгістрацыі кандыдатам у дэпутаты

Прадстаўніку Руху “За свабоду” Алесю Лагвінцу 8 жніўня адмовілі ў рэгістрацыі кандыдатам у дэпутаты Палаты прадстаўнікоў шостага склікання.

08.08.2016 Прызначаная дата суду над Жалновым-малодшым за ўхіленне ад адбыцця пакарання

На 16 жніўня ў судзе Наваполацка прызначаны разгляд крымінальнай справы, заведзенай на сына бабруйскага блогера Алега Жалнова — Аляксея Мілюкова, які адбывае трохгадовае пакаранне ў Наваполацку на «хіміі».