Праваабарончы цэнтр «ВЯСНА»

Навіны за Жнівень 2015

11.08.2015 У Лунінцы на “Палессеэлектрамашы” пашпартныя дадзеныя для падпісных лістоў узялі з асабістых спраў работнікаў

Як распавялі грамадскаму актывісту Віталю Каліноўскаму рабочыя лунінецкага прадыпрыемства “Палессеэлектрамаш”, да іх на працоўных месцах падыходзілі іх начальнікі і прапаноўвалі паставіць подпісы за Аляксандра Лукашэнку ў падпісных лістах.

11.08.2015 Бабруйск: назіральніку не паведамілі пра паседжанне ТВК па вызначэнні ўчасткаў для галасавання

Сябры тэрытарыяльнай выбарчай камісіі Першамайскага раёну Бабруйску не паведамілі назіральніку ад БХК Віктару Качану пра час правядзення паседжання па вызначэнні ўчасткаў для галасавання.

11.08.2015 Юрыя Рубцова перавялі ў бабруйскую калонію

Пра перавод ПЦ "Вясна" стала вядома 11 жніўня. Былы палітвязень папраўчай калоніі №2 Алесь Бяляцкі кажа, што Юрыю Рубцову там будзе не проста праз прэсінг з боку адміністрацыі, які ён спазнаў на сабе.

11.08.2015 У раёнках Магілёўскай вобласці – асвятленне выбарчай актыўнасці ініцыятыўнай групы толькі Аляксандра Лукашэнкі

Уласных інфармацыйных матэрыялаў пра іншых прэтэндэнтаў у кандыдаты ў прэзідэнты РБ і пра дзейнасць іх ініцыятыўных груп на старонках дзяржаўных раённых газет Магілёўскай вобласці так і не з’явілася да гэтага часу.

11.08.2015 Баранавічы: першы раз віншавальную тэлеграму Статкевічу прынялі без пярэчанняў і дадатковых кансультацый

"Раней тэлеграмы Мікалаю Статкевічу зусім не хацелі браць, сцвярджаючы, што ў турмы віншавальныя тэлеграмы не прымаюцца, аднак пасля скаргі прынялі. Другі раз таксама не хацелі прымаць на беларускай мове, але ўсё ж прынялі, бо запатрабаваў кнігу скаргаў і прапаноў".

11.08.2015 Салігорская раёнка раскрытыкавала назіральніка за ацэнку працэсу стварэння раённай камісіі

Выканкамаўская газета “Шахцёр” нядоўга трымалася перадвыбарчага нэйтралітэту. Адказная сакратарка выдання Наталля Паўленка вырашыла даць бой невядомым “агалцелым” грамадзянам, каторыя “строчаць артыкулы ў сетцы інтэрнэт і спрабуюць дэзінфармаваць салігорцаў”.

11.08.2015 Праваабарончая праграма “Вясна” на Беларускім Радыё Рацыя

Каментар Эксперта": Пра вопыт міжнароднай салідарнасці распавядае віцэ-прэзідэнт FIDH, старшыня ПЦ “Вясна” і былы палітвязень Алесь Бяляцкі. Госць рубрыкі “Асоба”: Ева Гукалава, кіраўніца і стваральніца арганізацыі дапамогі перасяленцам “Станцыя Харкаў”.

11.08.2015 На Кубе ізноў затрымалі “Жанчын у белым”

ЗША выказалі глыбокую занепакоенасць у сувязі з затрыманнем 90 дысідэнтаў з праваабарончай групы "Жанчыны ў белым" на Кубе на мінулых выходных.

10.08.2015 Білборды з напамінам пра палітвязняў ля беларускай мяжы

Каля ўсіх буйных аўтамабільных памежных пераходаў на тэрыторыі Польшчы, на мяжы з Беларуссю, з’явіліся білборды з выявамі беларускіх палітычных вязняў.

10.08.2015 Праваабаронца падаў скаргу аб невыкананні старшынёй ТВК закона

Магілёўская абласная выбарчая камісія парушае закон “Аб зваротах грамадзян і юрыдычных асоб”. На беларускамоўныя звароты старшыня камісіі Валерый Берастаў адказвае па-руску.

10.08.2015 У Магілёве зафіксаваны прымусовы збор подпісаў за Аляксандра Лукашэнку на прадпрыемствах «Стужка» і «Магатэкс»

У абодвух выпадках людзей, якія першапачаткова адмаўляліся падпісвацца за Лукашэнку, прымушалі гэта зрабіць пад ціскам – аразу ўзгадвалі пра працоўныя кантракты, якія могуць быць не працягнуты.

10.08.2015 У Бярозе з’явіліся налепкі з заклікам да байкоту выбараў (фотафакт)

У нядзелю зраніцы жыхары Бярозы змаглі пабачыць налепкі “Байкот” у розных месцах горада. Прайшло больш за суткі, але да гэтага часу многія налепкі знаходзяцца на сваіх месцах, у тым ліку -- на прыватных крамах, прыпынках, слупах каля жылых дамоў.

10.08.2015 У Брэсце подпісы збіраюць “памочнікі сябраў ініцыятыўнай групы” А. Лукашэнкі

Парушэнні, звязаныя з працэсам збора подпісаў на пікетах у падтрымку А. Лукашэнка, зафіксаваў назіральнік з Брэсту.

10.08.2015 Выбарчага прэцэдэнту не атрымалася

Вярхоўны суд Беларусі 10 жніўня адмовіў у скарзе шэрагу грамадзян Берасьця, якія зьвярнуліся сюды па выбарчай справе.

10.08.2015 Аналітычная тыднёвая справаздача па выніках назірання: 3 - 9 жніўня

Назіранне за выбарамі Прэзідэнта Рэспублікі Беларусь ажыццяўляецца актывістамі РПГА «Беларускі Хельсінкскі камітэт» і ПЦ "Вясна" ў межах кампаніі "Праваабаронцы за свабодныя выбары».