Праваабарончы цэнтр «ВЯСНА»

Навіны за Ліпень 2015

14.07.2015 Праваабарончая праграма “Вясна” на Беларускім Радыё Рацыя

"Падзея": Кампанія "Праваабаронцы за свабодныя выбары" акцэнтуюць увагу на дыскрымінацыйным падыходзе ЦВК. Госць рубрыкі "Асоба" - Юры Чаўсаў, юрыст Асамблеі дэмакратычных няўрадавых арганізацыяў Беларусі.

14.07.2015 Беларускія валанцёры ў Харкаве: колькасць тых, хто прыходзіць па дапамогу ўпершыню, паступова змяншаецца

Праца валанцёраў “Беларускай Праваабарончай Гуманітарнай Місіі ва Украіне” ідзе сваёй чарадою: 13 ліпеня ў новай змены беларусаў прайшоў першы працоўны дзень на “Станцыі Харкаў”.

13.07.2015 Мікалай Дзядок. Горкі прысмак калоніі ў Горках

Два месяцы, як Мікалай Дзядок знаходзіцца ў папраўчай калоніі г. Горкі. За гэты час палітвязень быў змешчаны ў штрафны ізалятара 5 разоў і агулам за 50 дзён адсядзеў там 42 сутак. Зараз М. Дзядок пераведзены у памяшканне камернага тыпу на 6 месяцаў.

13.07.2015 Блог Валянціна Стэфановіча: Быў месяц чэрвень

Пачатак чарговай прэзідэнцкай выбарчай кампаніі і летняя спёка нагадалі мне пра далёкія падзеі чэрвеня 1994 года – пра першы тур першых у гісторыі незалежнай Беларусі прэзідэнцкіх выбараў. Чытаў я шматлікія ўспаміны тагачасных кандыдатаў і падумаў - а я ж таксама сведка тых гістарычных падзеяў, нават непасрэдны ўдзельнік, можна сказаць. Быў я тады малады і вясёлы, а на небе ярка свяціла сонейка…

13.07.2015 Арыштны дом у Баранавічах: як утрымліваюць зняволеных

Былы зняволены адзначыў, што камера была і сталовай, і ўмывальнікам з прыбіральняй, і сушылкай з пральняй. Прыбіральня сталінскага часу – дзірка ў палозе, адкрытая на камеру. Па словах Бяльчука, прыходзілася прасціну неяк мацаваць – людзі ж побач.

13.07.2015 Прэмію італьянскага фэстывалю атрымала стужка пра Бяляцкага і іншых праваабаронцаў

«Сэрца, якое ніколі не памрэ» (A Heart That Never Dies) — тэлесэрыял з шасьці частак, зьняты рэжысэрамі Эрлінгам Боргенам і Томам Хейнэманам, атрымаў прэмію на фэстывалі «Кіно за мір» ў Італіі.

13.07.2015 Інфармацыйных плакатаў, прысвечаных прэзідэнцкім выбарам, у Баранавічах няма

На вокнах вялікіх і малых крамаў, як звычайна, паўсюль ёсць камерцыйная рэклама аб коштах на харчовыя, прамысловыя тавары і на розныя паслугі, але няма аніякай вонкавай прадукцыі, якая б нагадвала жыхарам горада, што хутка адбудуцца прэзідэнцкія выбары.

13.07.2015 Мінскі аблвыканкам: правы беларускамоўных грамадзян не парушаюцца

Салігорскія праваабаронцы назвалі звычайнаю адпіскай адказ Мінскага аблвыканкаму на вынікі дакладу аб выканні правоў беларускамоўных грамадзян у рэгіёне. З адказу чыноўнікаў вынікае, што моўныя правы ў Рэспубліцы Беларусь абсалютна не парушаюцца.

13.07.2015 УУС Магілёўскага аблвыканкама праводзіць праверку ў сувязі з публікацыяй на сайце «Вясны»

Прычынай праверкі стаў артыкул «Магілёўскага актывіста начальнік РАУС абвінаваціў у спробе дачы хабару".

13.07.2015 Падатковая інспекцыя адмовілася ад дэкларацыі праваабаронцы

Падатковая інспекцыя Савецкага раёна Гомеля адмовілася ад свайго патрабавання атрымаць дэкларацыю аб даходах і маёмасці гомельскага праваабаронцы Леаніда Судаленкі.

13.07.2015 Хоцімск: перадвыбарчай актыўнасці не адчуваецца

У гарадскім пасёлку Хоцімск і ў Хоцімскім раёне, які размешчаны на самым усходзе Магілёўскай вобласці, пакуль амаль не адчуваецца пачатак кампаніі па выбарах прэзідэнта Рэспублікі Беларусь.

12.07.2015 Аналітычная тыднёвая справаздача па выніках назірання: 6-11 ліпеня

Назіранне за выбарамі Прэзідэнта Рэспублікі Беларусь ажыццяўляецца актывістамі РПГА «Беларускі Хельсінкскі камітэт» і ПЦ «Вясна» ў рамках кампаніі «Праваабаронцы за свабодныя выбары».

12.07.2015 Баранавічы: на сайце афіцыйнай газеты гарвыканкама -- выключна патрабуемыя ЦВК матэрыялы пра выбары

На сайце афіцыйнай газеты Баранавіцкага гарвыканкама “Наш край” няма ўласных матэрыялаў пра пачатак кампаніі па выбарах прэзідэнта Рэспублікі Беларусь.

12.07.2015 “Народная Воля” – унікальная з’ява ў беларускай журналістыцы

11 ліпеня незалежная газета «Народная воля» адзначыла сваё 20-годдзе. Старшыня ПЦ “Вясна” Алесь Бяляцкі і калектыў праваабарончага цэнтра даслалі на адрас газеты віншавальную паштоўку, у якой, высока ацаніўшы унёсак “Народнай волі” ў фарміраванні дэмакратычнага грамадства, жадаюць калектыву выдання энергіі, крэатыўнасці і аптымізму.

12.07.2015 Гродна: некалькі дзён чыноўнікі не рэгіструюць прадстаўніка БХК на паседжанне па ўтварэнні тэрытарыяльных камісій

З 8 ліпеня накіраванне знаходзіцца ў Алега Бялінскага, кіраўніка справамі Гродзенскага гарвыканкаму, які адказны за арганізацыю і правядзенне выбараў, а на дадзеным этапе за ўтварэнне ТВК. Колькі яшчэ дзён накіраванне будзе ў чыноўніка на руках – невядома.