Праваабарончы цэнтр «ВЯСНА»

Навіны за Чэрвень 2015

02.06.2015 Сітуацыя з правамі чалавека ў Беларусі. Травень 2015

На працягу месяца пазітыўных зменаў у галіне правоў чалавека ў Беларусі не назіралася.

02.06.2015 Баранавіцкі актывіст заяўляе, што яго збілі міліцыянты

Баранавіцкага актывіста “Маладога Фронту” Кірыла Лукшу пасля акцыі пратэсту збілі міліцыянты. Пра гэта ў сацыяльных сетках паведаміў сам пацярпелы.

02.06.2015 Праваабарончая праграма “Вясна” на Беларускім Радыё Рацыя

“Падзея”: Вынесены прысуд Юрыю Рубцову сведчыць пра працяг падвышэння ціску на палітычых зняволеных у Беларусі. "Асоба": ПЦ "Вясна" ініцыяваў правядзенне гуманітарнай місіі на Украіне з мэтай дапамогі ўкраінскім перасяленцам з зоны канфлікту. Госць рубрыкі: каардынатар місіі – Зміцер Салаўёў.

02.06.2015 На інтэрнэт-сайце газеты “Вечерний Могилёв» з’явіўся чарговы гомафобскі артыкул

30 траўня інтэрнэт-сайт газеты “Вечерний Могилёв» размясціў артыкул Андрэя Сакалова “РАКОВАЯ ОПУХОЛЬ СОВРЕМЕННОГО ОБЩЕСТВА”, у якім аўтар у абразлівай форме выказаўся пра прадстаўнікоў сэксуальных меншасцяў.

02.06.2015 Мікалай Аўтуховіч абскарджвае запазычанасць па страхавых ўзносах за час знаходжання ў турме

Запазычанасць у памеры 1 мільён 836 тысяч рублёў нібыта ўзнікла за перыяд з 27 лютага па 31 снежня 2014 года. Прычым, частку гэтага тэрміну Аўтуховіч знаходзіўся у турме, а пасля вызвалення, у пачатку чэрвеня быў працаўладкаваны.

02.06.2015 Баранавічы: пададзена скарга ў Вярхоўны суд па справе аб забароне пікета

Праваабаронца Сяргей Гоўша накіраваў наглядную скаргу ў Вярхоўны cуд на рашэнні судоў, якія адмовілі ў задавальненні яго скаргі на дзеянні Баранавіцкага гарвыканкама аб забаране правядзення пікета ў Дзень правоў чалавека.

02.06.2015 Брэст: у Дзень абароны правоў дзіцяці – пра праблемы дзяцей

У Брэсце адбыліся мерапрыемствы, з нагоды Міжнароднага дня абароны правоў дзіцяці. У прыватнасці, гарадская арганізацыя БСДП (Грамада) зладзіла адмысловы семінар, каб нагадаць, што дзяржава далёка не заўсёды выконвае свае абавязкі.

01.06.2015 Бярозаўскія чыноўнікі ў салідарнасці з палітвязнямі зноў пабачылі “распальванне нацыянальнай варожасці”

Бярозаўскія праваабаронцы і грамадскія актывісты зноў пазбаўлены магчымасці публічна агучыць сваю нязгоду наконт падатку на беспрацоўных і наяўнасці палітвязняў у краіне. Пікет з адпаведнымі мэтамі не дазволены.

01.06.2015 Брэст: на незалежных журналістаў здзейснілі напад, а пасля забралі ў пастарунак

Інцыдэнт здарыўся ўвечары 1 чэрвеня, калі мясцовыя журналісты Алесь Ляўчук і Мілана Харытонава рыхтавалі сюжэт пра шкоду палення ў адным з брэсцкіх гандлёвых цэнтраў.

01.06.2015 Вольгу Чайчыц і Сяргея Краўчука аштрафавалі на 30 базавых велічыняў

Суд Дзяржынскага раёна (суддзя Шайко) прыняў рашэнне аштрафаваць журналістку Вольгу Чайчыц за парушэнне арт. 22.9 ч.2 КаАП на 30 базавых велічыняў - 5 млн 400 тыс. рублёў. Сяргея Краўчука таксама аштрафавалі на 30 базавых велічыняў

01.06.2015 Суд над Міхаілам Жамчужным распачаўся ў закрытым рэжыме

1 чэрвеня ў 10-й раніцы распачаўся суд над заснавальнікам арганізацыі «Платформ інавэйшн» Міхаілам Жамчужным. Працэс праходзіць у Віцебскім абласным судзе ў закрытым рэжыме.

01.06.2015 На гомельскага журналіста-фрылансера Кастуся Жукоўскага міліцыя склала яшчэ два пратаколы за «незаконны выраб прадукцыі СМІ»

Складанне пратаколаў па артыкуле 22.9 Кодэксу аб адміністрацыйных правапарушэннях (незаконны выраб прадукцыі СМІ) у дачыненні гомельскага журналіста-фрылансера Кастуся Жукоўскага міліцыя паставіла на канвеер.

01.06.2015 Баранавічы: пададзена касацыйная скарга па справе аб забароне першамайскага пікета

Рыгор Грык падаў касацыйную скаргу ў Брэсцкі абласны суд на рашэнне суда Баранавіцкага раёна і горада Баранавічы, які 21 траўня прызнаў неабгрунтаванымі яго патрабаванні на дзеянні гарадскіх уладаў па забароне першамайскага пікету.

01.06.2015 1 чэрвеня будуць судзіць журналістку Вольгу Чайчыц

У судзе Дзяржынскага раёна Мінскай вобласці 1 чэрвеня будуць судзіць журналістку Вольгу Чайчыц.

01.06.2015 FIDH і ПЦ “Вясна” занепакоены пагаршэннем сітуацыі з палітычнымі зняволенымі ў Беларусі

Міжнародная федэрацыя за правы чалавека (FIDH) і яе сяброўская арганізацыя ў Беларусі Праваабарончы цэнтр “Вясна” глыбока занепакоеныя з нагоды пагаршэння ўмоваў утрымання Юрыя Рубцова, Мікалая Статкевіча, Мікалая Дзядка і Ігара Аліневіча і заклікаюць улады Беларусі неадкладна і безумоўна вызваліць палітвязняў.