Праваабарончы цэнтр «ВЯСНА»

Навіны за Чэрвень 2015

04.06.2015 У Канстытуцыйным судзе магілёўскаму праваабаронцу прапанавалi сабраць 50 тысяч подпiсаў

Барысу Бухелю прыйшоў адказ намесніцы старшыні Канстытуцыйнага суда Вольгi Сяргеевай, якая разглядзела яго зварот па факце наяўнасцi прабелаў, калізій і прававой недакладнасці ў дзеючым заканадаўстве.

04.06.2015 Незалежную журналістку аштрафавалі на 60 базавых велічынь

Агулам 60 базавых велічынь штрафу – такі прысуд агучыў суд Ленінскага раёну Берасця ў дачыненні да журналіста-фрылансера Аліны Літвінчук.

04.06.2015 Гомель: Праваабаронца просіць прызнаць яго пацярпелым па крымінальнай справе

13 чэрвеня мінае 2-х месячны тэрмін з дня ўзбуджэння крымінальнай справы па факце распаўсюджвання з узломанай паштовай скрыні гомельскага праваабаронцы Леаніда Судаленка парнаграфічных матэрыялаў.

04.06.2015 ЕФЖ выступіла з заявай у абарону беларускіх фрылансераў

2 чэрвеня дэлегаты Штогадовага сходу Еўрапейскай федэрацыі журналістаў адзінагалосна падтрымалі заяву ў абарону беларускіх фрылансераў.

04.06.2015 Арганізацыя Freedom House асудзіла пагром офіса праваабаронцаў у Чачні

У сувязі з пагромам офісу "Камітэта супраць катаванняў" у Грозным (Чачня) праваабарончая арганізацыя Freedom House выступіла с заявай.

04.06.2015 У судзе Крычаўскага раёна распачаўся паўторны суд над выдаўцом газеты “Вольны горад”

У судзе Крычаўскага раёна 3 чэрвеня распачаўся паўторны разгляд адміністрацыйнай справы па абвінавачванні ў паклёпе на оперупаўнаважанага ГБЭЗ Крычаўскага РАУС Аляксандра Дзямешку з боку выдаўца газеты “Вольны горад” Уладзіміра Кудраўцава.

04.06.2015 Баранавічы: Ядвіга Рубцова наведала свайго мужа ў СІЗА

"Юрый трымаецца бадзёра і паведаміў, што адчувае сябе лепш пасля спынення галадоўкі і рыхтуецца абскарджваць у Брэсцкім абласным судзе прысуд, які лічыць несправядлівым", – паведаміла Ядвіга Рубцова.

04.06.2015 Усё, што вы хацелі ведаць пра правы чалавека: семінары ў Магілёве, Гомелі і Віцебску!

Пра Правы Чалавека вы, хутчэй за ўсё, не пачуеце ва ўніверсітэтах і каледжах. Калі хочаце даведацца пра іх больш, пазнаёміцца з такімі ж як і вы і пачаць па-троху змяняць гэты свет — прыходзьце на семінар у сваім горадзе! Магілёў — 11 чэрвеня. Гомель — 18 чэрвеня. Віцебск — 9 ліпеня.

04.06.2015 Віцебск: Упраўленне юстыцыі адхіліла кандыдатуру праваабаронцы ў склад назіральнай камісіі

Паўла Левінава вылучыла ў склад абласной грамадзкай назіральнай камісіі РПГА «Беларускі Хельсінскі Камітэт». Адпаведны ліст просьбай зацвердзіць кандыдатуру прадстаўніка БХК быў накіраваны ва ўпраўленне юстыцыі абласнога выканкаму.

03.06.2015 Былыя палітвязні застаюцца аб’ектамі ўвагі спецслужбаў

Перад прэзентацыяй кнігі “Чарвяк” маладафронтаўца Змітра Дашкевіча ў Ваўкавыску за былымі палітвязнямі і гасцямі імпрэзы сачылі некалькі людзей у цывільным.

03.06.2015 Напад на праваабарончыя арганізацыі ў Грозным

У Грозным 3 мая невядомымі быў разгромлены офіс праваабарончай арганізацыі "Камітэт супраць катаванняў". Супрацоўнікі офіса змаглі выбрацца праз вокны. Зараз невядомыя бяруць штурмам офіс “Зводнай мабільнай групы”.

03.06.2015 Інваліды-вазочнікі са Светлагорску прапанавалі правесці круглы стол

Група інвалідаў-вазочнікаў паставілі свае подпісы пад зваротам да кіраўніцтва Светлагорскага райвыканкаму з прапановай правесці круглы стол з адказнымі за стварэнне безбар'ернага асяроддзя.

03.06.2015 Генпракуратура: У "псіхушку" Вас даставілі прымусова, але далейшае лячэнне праводзілася дабраахвотна

Жыхар вёскі Вялікая Гаць Івацэвічскага раёна Валянцін Кавальчук некалькі год запар намагаецца аспрэчыць дзеянні мясцовых медыкаў і супрацоўнікаў мясцовай міліцыі, якія ў кастрычніку 2013 года гвалтоўна і незаконна накіравалі яго на прымусовае псіхіятрычнае лячэнне.

02.06.2015 Праваабронцы распачынаюць гуманітарную місію ва Украіне

Мэта гуманітарнай місіі – дапамога ўкраінскім перасяленцам з зоны канфлікту, якіх у адным толькі Харкаве налічваецца каля 100 тысяч чалавек. Распачаць кампанію плануецца менавіта ў Харкаве, пазней праца місіі распаўсюдзіцца на Чарнігаў, Львоў, Чаркасы ды Адэсу.

02.06.2015 Ці дапаможа Вярхоўны суд зрабіць адкрытымі “адкрытыя” суды ў калоніях?

Юрыст Павел Сапелка просіць Вярхоўны суд Беларусі растлумачыць парадак доступу грамадзян у выязныя судовыя пасяджэнні на тэрыторыі месцаў пазбаўлення волі.