Праваабарончы цэнтр «ВЯСНА»

Навіны за Травень 2015

06.05.2015 Юры Рубцоў: “У выпадку закрытага судовага разбіральніцтва абвяшчу сухую галадоўку”

Палітвязень Юры Рубцоў даслаў ліст у Праваабарончы цэнтр “Вясна”. У ім ён піша, што паранейшаму трымае галадоўку і не збіраецца яе прыпыняць.

06.05.2015 Эўразьвяз называе «вартым шкадаваньня» ўзмацненьне пакараньня Статкевічу

Эўразьвяз расцэньвае як вартае шкадаваньня рашэньне суду аб пераводзе экс-кандыдата ў прэзыдэнты Беларусі палітвязьня Міколы Статкевіча з папраўчай калёніі ў турму за парушэньне правілаў унутранага распарадку.

06.05.2015 Другі раўнд UPR: рэкамендацыі Беларусі ад краінаў-удзельніц ААН (відэа)

Падборка рэкамендацый уладам Беларусі ад нацыянальных дэлегацый у межах другога раўнда Універсальнага перыядычнага агляду (UPR), якія адлюстроўваюць асноўныя праблемы ў галіне правоў чалавека ў нашай краіне.

06.05.2015 Праблемы ромаў - што рабіць?

Адна з актуальных праблем для ромаў, негледзячы на высілкі ўлады, – непісьменнасць. Прыкладна палова ромаў – непісьменные, ці маюць, у лепшым выпадку, адукацыю пачатковай школы, што, канешне, не можа не адбівацца негатыўна на якасці жыцця беларускіх ромаў.

06.05.2015 Другі раўнд UPR: улады vs праваабаронцы (відэа)

Каб зразумець, што ўлады Беларусі ў чарговы раз паспрабавалі адмахнуцца ад дыялогу па сутнасці, дастаткова суаднесці некаторыя тэзісы выступу афіцыйнай дэлегацыі падчас Універсальнага перыядычнага агляду (UPR) ў Савеце па правах чалавека ААН з адпаведнымі пунктамі альтэрнатыўнага дакладу праваабарончых арганізацый.

06.05.2015 КПЧ ААН: Беларусь у чацверты раз парушыла права на жыццё

Камітэт ААН па правах чалавека ўстанавіў парушэнне права на жыццё асуджанага 14 мая 2010 года Гарадзенскім абласным судом да смяротнага пакарання Алега Грышкаўцова.

06.05.2015 Павел Сапелка: Маё права прысутнічаць у адкрытым судовым паседжанні на тэрыторыі калоніі абмежавана

4 траўня на выязное судовае пасяджэнне ў Шклоўскай папраўчай калоніі №17, дзе разглядалася пытанне аб змене рэжыму ўтрымання асуджанага Мікалая Статкевіча, супрацоўнікамі міліцыі не былі дапушчаныя на суд прадстаўнік Еўразвязу, праваабаронцы, журналісты. прадстаўнік Еўразвязу, праваабаронцы і журналісты. Юрыст Павел Сапелка ўгледжвае ў гэтых дзеяннях парушэнне Закона Рэспублікі Беларусь "Аб органах унутраных спраў Рэспублікі Беларусь».

05.05.2015 У Шклове круглы стол мясцовыя ўлады палічылі “масавым мерапрыемствам”

Чальцы грамадзянскай ініцыятывы “Шклоўскі магістрат” і Магілёўскай абласной арганізацыіТБМ накіравалі ў Шклоўскі райвыканкам ліст з прапановай аб сумесным правядзенні круглага стала аб ролі мясцовага самакіравання і гісторыі Магдэбурскага права на шклоўскай зямлі.

05.05.2015 Алесь Бяляцкі: Пагаршэнне ўмоў утрымання палітзняволеных вельмі цесна звязана з перадвыбарчай сітуацыяй у краіне (відэа)

Старшыня Праваабарончага цэнтру “Вясна” Алесь Бяляцкі, каментуючы судовае рашэнне адносна пераводу ў "крытую" турму Мікалая Статкевіча адзначае, што для ўзмацнення ціску на палітвязняў выкарыстоўваюцца часам дробныя прычыны, якія і парушэннямі назваць даволі цяжка.

05.05.2015 Драздоўскі: Мы настойваем, каб Беларусь далучылася да Міжнароднай канвэнцыі аб правах інвалідаў

5 траўня ў сьвеце адзначаецца Міжнародны дзень барацьбы за правы інвалідаў. Свабода пагутарыла з гэтай нагоды з каардынатарам арганізацыі «Офіс па правах людзей з інваліднасьцю» Сяргеем Драздоўскім.

05.05.2015 Пяць прычынаў, чаму Статкевіч у турме

Палітвязень Мікола Статкевіч мусіць сядзець у турме, у «крытцы», у пагоршаных умовах 1 год, сем месяцаў і 15 дзён да канца 6-гадовага тэрміну зьняволеньня. Статкевіча прызнали вінаватым у парушэньні правілаў унутранага распарадку калёніі. Але ў «крытцы» ён будзе зусім не за гэта.

05.05.2015 Праваабарончая праграма “Вясна” на Беларускім Радыё Рацыя

"Каментар Эксперта": праваабаронца Наста Лойка - пра вынікі маніторынгу і спецыфіку "Чарнобыльскага шляху 2015". “Па-за межамі”: 4 траўня ў Жэневе Беларусь другі раз прайшла Універсальны перыядычны агляд у ААН. Прадстаўнікі афіцыйнай дэлегацыі сканцэнтраваліся на пазітыўных тэзісах пра сітуацыю ў Беларусі, абмінуўшы рэчаіснасць.

05.05.2015 Генеральная пракуратура спыніла перапіску з былым кандыдатам у дэпутаты

Валерый Каранкевіч не здзіўлены. “Я раней безвынікова прайшоў са сваімі скаргамі чатырнаццаць розных інстанцый, і ўся “вертыкаль” пракурорскага нагляду нашай краіны не змагла ўбачыць у дзеяннях хоцімскіх супрацоўнікаў міліцыі парушэння маіх канстытуцыйных правоў".

05.05.2015 Наглядная скарга праваабаронцы не задаволена

Старшыня Брэсцкага абласнога суда Тамара Сучок не задаволіла наглядную скаргу праваабаронцы Сяргея Гоўшы па справе аб забароне пікета да Дня правоў чалавека. Сітуацыя вакол забароны пікета і рашэнні судоў 2-х інстанцый сапраўды выглядаюць абсурднымі.

04.05.2015 Жыхары Мікашэвічаў скаргамі хочуць адвучыць міліцыю ад грубасці

Жыхары 10-га мікрараёна звярнуліся у Лунінецкі РАУС са скаргай на нетактоўныя паводзіны супрацоўніка Мікашэвіцкага ГАУС капітана Басманава. Падставай для звароту стаў звычайны побытавы інцыдэнт.