Праваабарончы цэнтр «ВЯСНА»

Навіны за Сакавік 2015

03.03.2015 Магілёў: “недаабраахвотнае дармаедства” Аляксея Паўлоўскага

Аляксей Паўлоўскі ўжо некалькі гадоў не можа знайсці сабе працу. Неаднаразова праз Магілёўскі гарадскі цэнтр занятасці насельніцтва ён атрымліваў накіраванні на працаўладкаванне ў будаўнічыя арганізацыі горада, аднак як толькі да іх прыходзіў, яму казалі, што ў яго паслугах ім няма патрэбы.

03.03.2015 Пасля сустрэчы з Севярынцам прадпрымальніцу выклікаюць у КДБ

Пасля сустрэчы 2 лютага з сустаршынём аргкамітэту па стварэнні партыі "Беларуская Хрысціянская Дэмакратыя” Паўлам Севярынцам у Ваўкавыску ў доме прадпрымальніцы Вольгі Кавальчук яе выклікалі ў КДБ.

03.03.2015 На пасяджэнні Магілёўскага аблсавету могуць трапіць толькі тыя СМІ, якія захоча запрасіць яго старшыня

Гэта вынікае з адказу, атрыманага з аблсавету магілёўскім журналістам, які ня можа патрапіць на пасяджэнні.

03.03.2015 Савет па правах чалавека павінен узяць на сябе адказнасць за становішча з правамі чалавека ў Беларусі

Міжнародная Федэрацыя за правы чалавека (FIDH) выступіла з заявай напярэдадні 28-й Сесіі Савета па правах чалавека ААН, якая 2 сакавіка адкрылася ў Жэневе, звяртаючы ўвагу аўтарытэтнага міжурадавага органа на пагаршэнне сітуацыі ў Беларусі.

03.03.2015 Грамадскі актывіст з Хоцімска сцвярджае, што ўлады ўжо пачалі фармаваць выбарчыя камісіі

У свой час Валерый Каранкевіч працаваў першым намеснікам старшыні Хоцімскага райвыканкама, у мясцовым аддзеле ЖКГ, узначальваў сельскагаспадарчыя прадпрыемствы ў Магілёўскім і Хоцімскім раёнах і, па яго словах, у яго захаваліся добрыя кантакты з прадстаўнікамі адміністрацыйнай вертыкалі.

03.03.2015 Брэст: акцыя салідарнасці з палітычным зняволеным Мікалаем Дзядком (фота)

Падчас акцыі мясцовыя анархісты змясцілі вялікія плакаты з партрэтам Мікалая Дзядка на розных гарадскіх пляцоўках. Такім чынам рабілася спроба прыцягнуць увагу грамадскасці да лёсу палітычнага вязня, асуджанага 26 лютага ў Магілёўскай турме да дадатковага году зняволення.

03.03.2015 Берасцейца абвінавачваюць у паклёпе на кіраўніка Беларусі

Мужчына з Берасця больш за 10 гадоў вёў адмысловы палітычны блог на сваім плоце. Увесь гэты час гарадскія ўлады шукалі магчымасць спыніць непакорнага.

02.03.2015 Алеся Макаева затрымала міліцыя, адбыўся суд (абноўлена)

Cуддзя Вікторыя Шабуня вынесла рашэння аб пакаранні Алеся Макаева штрафам у 50 базавых велічынь.

02.03.2015 Фатографу забаранілі прайсці з фотаапаратам у Глыбоцкі райвыканкам

Зміцер Лупач, незалежны журналіст і прыватны прадпрымальнік, кіраваўся ў аддзел эканомікі, каб перадаць дакументы па сваёй прадпрымальніцкай дзейнасці. У сумцы меў фотаапарат "Nikon", які і стаў прадметам прэтэнзій дзяжурнага міліцыянера.

02.03.2015 Паўлу Левінаву не ўдалося аспрэчыць забарону пікета

Судовае пасяджэнне праходзіла ў незвычайным фармаце – у выглядзе канферэнцыі па скайпе. Віцебскі праваабаронца спадзяваўся, што намесніца кіраўніка адміністрацыі Першамайскага раёна Вольга Гурчанка дасць свае каментары он-лайн, каб не адрывацца ад службовых спраў. Але яна не стала ўдзельнічаць у судовым працэсе.

02.03.2015 Мэрам Вільні стане чыноўнік, які «здаў» Бяляцкага?

У Літве падводзяць першыя вынікі муніцыпальных выбараў. Паводле наяўных дадзеных, у Вільні і Коўне лідзіруюць кандыдаты ад апазыцыі, у Клайпедзе на першым месцы — дзейны кіраўнік гораду.

02.03.2015 Баранавічы: лідэра мясцовых прадпрымальнікаў выклікаюць у пракуратуру (дакумент)

Лідэра баранавіцкіх прадпрымальнікаў Мікалая Чарнавуса выклікаюць у Баранавіцкую міжраённную пракуратуру для дачы тлумачэнняў на 4 сакавіка. Гэта стала вядома з позвы, якую грамадскі актывіст атрымаў за подпісам старэйшага пракурора ўпраўлення ўласнай бяспекі Генеральнай пракуратуры Я.М. Камісарава.

02.03.2015 Міхась Кукабака: Хто і што будзе расследаваць ў краіне беззаконня?

Вядомы беларускі дысідэнт падзяліўся з праваабаронцамі "Вясны" сваім меркаваннем адносна забойства расійскага апазыцыйнага палітыка Барыса Нямцова.

02.03.2015 Гомель: Кастуся Жукоўскага своечасова не выпусцілі з ІЧУ, а на міліцэйскім аўтамабілі завезлі дахаты

2 сакавіка ў 12.30 з ІЧУ пасля адбыцця пакарання павінен быў выйсці грамадскі актывіст Кастусь Жукоўскі. Ужо з 12.00 каля ізалятара актывіста чакалі жонка, сябры і паплечнікі. Але ў 12.30 Жукоўскі не выйшаў з ІЧУ – яго вывезлі на міліцэйскім аўтамабілі ў невядомым накірунку.

02.03.2015 Зняволеным на “хіміі” ў Купліне паднялі аплаты

Зняволеныя спецкамендатуры № 7 у вёсцы Куплін Пружанскага раёну сёлета павінны будуць плаціць за ложка-месца амаль 300 тысяч рублёў у месяц. Раней гэта сума была ўтрая меншай.