Праваабарончы цэнтр «ВЯСНА»

Навіны за Сакавік 2015

13.03.2015 Кухня TV: Хто парушае беларускае заканадаўства – фатографы ці міліцыянты?

У абмеркаванні таемнага дакумента намесніка міністра МУС, які забараняе ажыццяўляць фота і відэаздымкі дзяржаўных органаў, а таксама крытычна важных аб’ектаў”, удзельнічаюць намеснік старшыні БАЖ Андрэй Бастунец , юрыст ПЦ “Вясна” Павел Сапелка і намеснік старшыні ПЦ “Вясна” Валянцін Стэфановіч.

13.03.2015 Асуджаны сын бабруйскага блогера не можа знайсці працу на "хіміі"

Сын блогера Алега Жалнова з лістапада знаходзіцца ў вёсцы Заліп'е ў Гомельскай вобласці. Там Аляксей Жалноў адбывае пакаранне у папраўчай калоніі адкрытага тыпу. Жалновы дасюль працягваюць дамагацца адмены прысуду, вынесенага суддзёй Юліяй Беразюк.

13.03.2015 У Віцебску прызналі парушэнне Закону аб мовах чыноўніцай

Скаргу на службовую асобу ў Віцебскі гарвыканкам падавалі сябры КХП-БНФ Ян Дзяржаўцаў, Пятро Сарапеня і Алег Емяльянаў. Намесніца старшыні адміністрацыі Першамайскага раёну Віцебску Вольга Гурчанка адказала на іх заяўку на пікет, складзеную па-беларуску, на расейскай мове.

13.03.2015 Эдуард Лобаў пакараны за парушэнне хатняга нагляду

Былы палітвязень, сустаршыня „Маладога Фронту” Эдуард Лобаў, які пасля вызвалення з калоніі знаходзіцца пад прэвентыўным наглядам міліцыі, быў пакараны за яго парушэнне.

12.03.2015 Генеральную пракуратуру просяць праверыць законнасць будаўнічых прац у Брэсцкай крэпасці

Ініцыятарам звароту з’яўляецца старшыня Беларускага таварыства аховы помнікаў гісторыі і культуры Антон Астаповіч, які лічыць, што падчас запланаванага будаўніцтва гатэля і моладзевага ваенна-патрыятычнага цэнтра парушаюцца нормы дзеючага заканадаўства ў адносінах да гісторыка-культурных каштоўнасцяў.

12.03.2015 Гарадок: актывіста збіраюцца судзіць за абразу чыноўніка

Гарадоцкі актывіст Леанід Аўтухоў параўнаў чыноўніка з "тэрарыстам у Луганску і Данецку". Запіс з такімі словамі ён пакінуў у кнізе скаргаў рэгіянальнага цэнтру занятасці, абураны паводзінамі кіраўніка ўстановы Пятра Прасолава. Чыноўнік напісаў заяву ў міліцыю.

12.03.2015 Незалежная журналістка Тамара Шчапёткіна пакарана штрафам у 40 базавых велічынь

Незалежная журналістка Тамара Шчапёткіна толькі 11 сакавіка падчас знаёмства са сваёй адміністрацыйнай справай у судзе Ленінскага раёна Брэста даведалася, што яна аштрафавана на 40 базавых велічынь.

12.03.2015 Скарга Тамары Сялюн - "непадведамасная" суду

Ленінскі суд г. Гродна адмовіў Тамары Сялюн ва ўзбуджэнні грамадзянскай справы ў адносінах да Дэпартамента выканання пакаранняў МУС РБ і не задаволіў скаргу датычна рашэння Гродзенскага абласнога суду.

12.03.2015 Ператрус у магілёўскага журналіста Ігара Барысава і ў філіі ПЦ "Вясна" (aбнаўляецца)

У магілёўскага журналіста і намесніка старшыні Беларускай сацыял-дэмакратычнай партыі (Грамады) Ігара Барысава супрацоўнікі міліцыі правялі ператрус. Пачаўся агляд памяшкання на офісе Магілёўскага абласнога аддзялення Праваабарончага цэнтра "Вясна".

12.03.2015 Гомель: Ларысу Шчыракову пакаралі штрафам за «саўдзел ў незаконным вырабе і распаўсюдзе прадукцыі СМІ»

У судзе Цэнтральнага раёна Гомеля 12 сакавіка суддзя Віктар Казачак разгледзеў адміністрацыйны пратакол, складзены супрацоўнікамі міліцыі ў дачыненні журналісткі-фрылансера Ларысы Шчыраковай. Журналістку абвінавацілі ў парушэнні вырабу і распаўсюду прадукцыі СМІ (частка 2 артыкулу 22.9 КаАП).

12.03.2015 Гомель: Ларысу Шчыракову аштрафавалі на 20 базавых велічыняў

Суд Цэнтральнага раёна г. Гомеля (суддзя Віктар Казачок) 12 сакавіка прыняў рашэнне аштрафаваць сябру ГА “БАЖ”, незалежную журналістку Ларысу Шчыракову за парушэнне арт. 22. 9 ч.2 КаАП на 20 базавых велічыняў (3 млн 600 тыс. рублёў).

12.03.2015 Анжаліку Борыс паставілі на прафіляктычны ўлік

Яе падазраюць у дзейнасьці ад імя незарэгістраванай арганізацыі. Пра гэта ёй паведаміў сьледчы Ўпраўленьня дэпартамэнту фінансавых расьсьледаваньняў Камітэту дзяржаўнага кантролю па Гарадзенскай вобласьці.

12.03.2015 Кастусь Жукоўскі: "Мяне вырашылі правучыць за жаданне пісаць скаргі" (відэа)

Чаму ў Беларусі за спробу адстойвання сваіх правоў можна атрымаць суткі? Глядзіце ў відэа.

12.03.2015 Тыдзень супраць расізму: крэатыў і атрымлівай асалоду

14-22 сакавіка маладыя праваабаронцы Беларусі далучаюцца да агульнаеўрапейскага Тыдню супраць расізму шэрагам дзеянняў.

12.03.2015 Баранавічы: вучыцца па-беларуску дзецям прапануюць у сельскай школе за 10 кіламетраў ад горада

"Нас абурыла тое, што Міністэрства адукацыі прапанавала, каб нашыя дзеці вучыліся па-беларуску не ў Баранавічах, а ў сельскай Жамчужненскай сярэдняй школе, якая знаходзіцца ў 10 кіламетрах ад нашага дому".