Праваабарончы цэнтр «ВЯСНА»

Навіны за Люты 2015

09.02.2015 Баранавічы: новае рашэнне гарвыканкама яшчэ больш заблытвае праблему масавых мерапрыемстваў

Віктар Сырыца адзначае, што кожнае новае рашэнне гарвыканкама вызначае новае месца правядзення масавых мерапрыемстваў усё далей ад цэнтра горада і ад людзей.

09.02.2015 Юрыя Рубцова дапытваюць у Следчым камітэце

Гомельскага актывіста Юрыя Рубцова, які адбывае пакаранне ў спецкамендатуры вёскі Куплін Пружанскага раёну, 9 лютага адвезлі ў раённы Следчы камітэт на допыт. Гэтую інфармацыю палітвязень паспеў перадаць па тэлефоне.

09.02.2015 Праблема рэсацыялізацыі асуджаных: асноўныя аспекты, прынцыпы, стандарты

Эксперт па пытаннях пенітэнцыярнай сістэмы, юрыст Павел Сапелка аналізуе становішча спраў у месцах пазбаўлення волі Беларусі ў святле міжнародных стандартаў і сусветнай практыкі працы з асуджанымі.

09.02.2015 У ААН прынялі да разгляду скаргу Эдуарда Нелюбовіча

Ён абскарджвае ў ААН забарону гомельскімі чыноўнікамі вулічнага шэсця ў падтрымку ўкраінскага народу і яго імкнення жыць у Еўрасаюзе, а таксама забарону пікета ў падтрымку палітвязня Алеся Бяляцкага і яго вылучэнне на Нобелеўскую прэмію міру.

09.02.2015 Светлагорскі райвыканкам вызначыў новае месца для пікетаў і мітынгаў — на «правай трыбуне стадыёна дзіцячай спартыўнай школы»

Стадыён знаходзіцца за плотам. Як у такіх умовах можна рэалізаваць мэту правядзення пікетаў і мітынгаў – прыцягнуць увагу грамадскасці?

09.02.2015 Сындром пераседжанасьці або Вынікі працяглай сацыяльнай ізаляцыі

Заставацца за кратамі такім, як на волі, арыгінальным, незалежным ды непадобным да іншых — гэта, па мерках месцаў пазбаўленьня волі, найгоршы з грахоў. Тут не ўхваляюць асабістай ініцыятывы, чалавек ўвесь час змушаны быць такім, як усе, «вядзёным». Інакш ён можа ператварыцца ў ізгоя.

09.02.2015 Сям’ю апазіцыянера суд залічыў у праблемныя

Юрась Беленькі будзе абскарджваць рашэнне Ленінскага раённага суда Менску. Суддзя Марына Запаснік праінфармавала органы апекі і папячыцельства пра неабходнасьць кантролю за становішчам дзяцей у сям’і намесніка старшыні Кансерватыўна-Хрысціянскай Партыі БНФ.

09.02.2015 «Прыйдзе час, і на акцыі ў абарону нашых правоў выйдуць мільёны»

Кіраўнік праваабарончага цэнтра «Вясна», былы палітвязень Алесь Бяляцкі ў межах праекта «Жыццё (не)звычайнага беларуса» распавёў пра тое, чаму скептычна ставіўся да сваіх шанцаў атрымаць Нобелеўскую прэмію, да чаго прывядзе распачатая кампанія супраць «дармаедаў», і які сцэнар можа быць разыграны ўладамі на прэзідэнцкіх выбарах.

08.02.2015 У «хіміка» Юрыя Рубцова адабралі кнігу прапаноў і заяваў

Юрый Рубцоў, які адбывае «хімію» ў спецкамэндатуры вёскі Куплін Пружанскага раёну, спрабаваў паскардзіцца на парушэньні працоўнага заканадаўства з боку адміністрацыі.

08.02.2015 Брэст: дзяржаўная газета праігнаравала прапанову актывістаў АГП абмеркаваць праблемы карупцыі

Як паведаміла старшыня Брэсцкай абласной арганізацыі Аб'яднанай грамадзянскай партыі Дыяна Касцюковіч, ад імя партыйнай суполкі быў накіраваны ліст да рэдактара газеты “Брэсцкі веснік”, заснавальнікам якой з'яўляецца мясцовы гарвыканкам.

08.02.2015 Шклоўская калонія, дзе ўтрымліваецца Мікалай Статкевіч, адзначае юбілей

“Галоўная мэта нашай працы – выпраўленне асуджанага, - кажа начальнік ПК-17 палкоўнік Сяргей Ермаліцкі. - …Мы нясём адказнасць за кожнага асуджанага, за тое, якім ён выйдзе на свабоду. Таму і ўмоўна-датэрміновае вызваленне тут атрымаць не вельмі проста”.

07.02.2015 Справу Мікалая Дзядка пасьля дадатковага расьсьледаваньня зноў адправяць пракурору

«У пятніцу дадатковае расьсьледаваньне па справе майго сына закончылася. Мікалай і ягоны адвакат закончылі знаёміцца з матэрыяламі справы. Сьледчы ім сказаў, што ў панядзелак перадасьць справу пракурору для накіраваньня ў суд.

07.02.2015 Брэст: улады занепакоеныя павялічэннем колькасці скаргаў ад жыхароў вобласці

За дапушчаныя парушэнні ў працы са зваротамі грамадзян за 2014 год у Брэсцкай вобласці прыцягнуты да дысцыплінарнай адказнасці 142 службовыя асобы гарадскіх, раённых, сельскіх, пасялковых выканаўчых камітэтаў, у тым ліку 16 службовых асоб аблвыканкама і адзін старшыня райвыканкама.

07.02.2015 Севярынцу вяртаюць кнігі Пазьняка - усе, акрамя адной

Увечары 13 кастрычніка 2014 года сустаршыню БХД Паўла Севярынца затрымалі на памежным пераходзе Брузгі, калі ён вяртаўся з Беластоку. Пасля прад’яўлення пашпарту Севярынца павялі на асабісты агляд і сканфіскавалі шэраг кнігаў Зянона Пазьняка.

07.02.2015 У калоніі ўзмацняецца ціск на Аліневіча

Ігар Аліневіч за час знаходжання ў калоніі „Віцьба -3″ ужо 5 разоў пабываў у штрафным ізалятары. Туды ён быў пераведзены ў верасні 2014 году з расфармаванай калоніі Наваполацку.