Праваабарончы цэнтр «ВЯСНА»

Навіны за Студзень 2015

08.01.2015 Алесь Бяляцкі: Свабоднае слова забіваюць па-рознаму

8 студзеня кіраўнік “Вясны” Алесь Бяляцкі разам з калегамі прыйшоў да амбасады Францыі ў Менску, каб ускласці кветкі ды запаліць свечку ў памяць аб ахвярах тэракту ў рэдакцыі часопіса Charlie Hebdo у Парыжы. Супраць спробаў абмежаваць свабоду слова павінна актыўна змагацца ўсё грамадства, як у Францыі, так і ў Беларусі, лічыць праваабаронца.

08.01.2015 У Менску вернікаў на Раство не пускалі ў царкву

У Менску каляднай раніцай 7 студзеня міліцыянты адмаўляліся пускаць праваслаўных вернікаў да кафедральнага Свята-Духава сабора, паведамляе сябар Нацыянальнай Рады аргкамітэту па стварэнні партыі "Беларуская Хрысціянская Дэмакратыя” Валерыя Чарнаморцава.

08.01.2015 Алена Танкачова абскарджвае рашэнне пра высылку з Беларусі (анлайн)

Сёння, 8 студзеня, у судзе Першамайскага раёна Мінска разглядалася скарга праваабаронцы Алены Танкачовай. У сувязі са сканчэннем працоўнага часу суд перанесены на заўтра на 11 раніцы.

07.01.2015 Суд адмяніў штраф актывісту з Салігорска

5 студзеня адбыўся паўторны суд над актывістам з Салігорска Уладзімірам Лемешам. Суддзя Пракаповіч не прыняла доказы міліцыянтаў, што малады чалавек лаяўся на вуліцы. І адмяніла штраф.

07.01.2015 Сваякі абвінавачанага ў зьбіцьці гея напалі на журналістаў у судзе

Сваякі Дзьмітрыя Лукашэвіча, якога судзяць па абвінавачаньні ў зьбіцьці менчука Міхаіла Пішчэўскага, напалі 6 студзеня ў судзе на журналістаў, якія паспрабавалі зьняць абвінавачанага.

07.01.2015 Алены Марчанка не губляе надзеі дабіцца абвяржэння паклёпніцкіх звестак, выкладзеных участковым

Жыхарка вёскі Дамамерычы Клімавіцкага раёна Алена Марчанка атрымала ўведамленне з суда Клімавіцкага раёна, у якім паведамляецца, што разгляд яе касацыйнай скаргі ў судовай калегіі па грамадзянскіх справах Магілёўскага абласнога суда адбудзецца 12 студзеня 2015 года ў 12-00.

06.01.2015 Міністэрства інфармацыі наконт дыскрымінацыі цыганоў: «мы не правамоцныя ўмешвацца ў прафесійную дзейнасць СМІ»

Наконт таго, што Міністэрства інфармацыі, як яно падае ў адказе, не мае права ўмешвацца ў дзейнасць СМІ, варта нагадаць чыноўнікам іх жа «Палажэнне аб Міністэрстве інфармацыі».

06.01.2015 У Магілёве будуць судзіць ахоўніка крамы “777”, які перашкаджаў распаўсюду газеты “Новы час”

Суд прызначаны на 10-00 у чацвер 8-га студзеня ў судзе Кастрычніцкага раёна Магілёва. Пра гэта паведаміў магілёўскі актывіст Кансерватыўна-хрысціянскай партыі – БНФ (КХП-БНФ) Віктар Чарабухін.

06.01.2015 Суд не выдаў Рыгору Кастусёву матывіровачную частку да судовай пастановы

Намеснік старшыні Партыі БНФ Рыгор Кастусёў 5 студзеня накіраваў папярэднюю скаргу ў Магілёўскі абласны суд на пастанову суда Шклоўскага раёна ад 23 снежня 2014 года аб пакаранні яго штрафам у памеры 25 базавых велічынь за ўдзел у Дні памяці паўстанцаў Кастуся Каліноўскага ў Свіслачы 26 кастрычніка 2014 года.

06.01.2015 Тры выпуска газеты "СН плюс" не дайшлі да чытачоў па віне друкарні

Галоўны рэдактар штотыдневіка Васіль Зданюк 6 студзеня падпісаў дамову аб супрацоўніцтве з дзяржаўным выдавецтвам “Беларускі дом друку”.

06.01.2015 Алесь Бяляцкі: Аптымістычны сцэнар у 2015 годзе шмат у чым залежыць ад актыўнасці саміх беларусаў

Кіраўнік Праваабарончага цэнтра "Вясна" і віцэ-прэзідэнт Міжнароднай федэрацыі за правы чалавека распавёў, з якімі настроямі ды прагнозамі праваабаронцы ўступаюць у новы год.

06.01.2015 Творчую прастору «Цэх» выганяюць з памяшкання

Куратарка творчай майстэрні «Цэх» Юлія Дарашкевіч расказала карэспандэнту сайта kyky.org Дзмітрыю Мелехаўцу, што ўладальнік будынка BelSwissBank скасаваў дамову арэнды.

06.01.2015 Праваабарончая праграма “Людзьмі звацца!” на Беларускім Радыё Рацыя

“Асоба. Дзяржава. Грамадства”: юрыст Павел Сапелка аналізуе некаторыя палажэнні Дэкрэта Прэзідэнта Беларусі №6 “Аб неадкладных мерах па супрацьдзеянню незаконнаму абарачэнню наркотыкаў”; Праваабарончы цэнтр “Вясна” паспяхова рэалізаваў новы праект -- цыкл відэапраграм "Кухня TV".

05.01.2015 Брэст: пададзены заяўкі на правядзенне 18 пікетаў супраць эканамічнай палітыкі ўладаў Беларусі

Паводле слоў кіраўніка Брэсцкай абласной арганізацыі АГП Уладзіміра Вуека, падставай для таго, каб ладзіць пікетаванне, з’яўляецца чарговы валютна-фінансавы крызіс ў Беларусі, які сведчыць пра бяздарную палітыку ўрада.

05.01.2015 Лічбы года: 105 млн рублёў штрафаў, 60 млн еўра падтрымкі, 14 справаў па 22.9 КаАП і 29 затрыманняў

Паводле маніторынгу ГА “Беларуская асацыяцыя журналістаў”, сума штрафаў, спагнаных з журналістаў і распаўсюднікаў друкаванай прадукцыі цягам года, дасягнула 105 мільёнаў рублёў.