Праваабарончы цэнтр «ВЯСНА»

Навіны за Студзень 2015

11.01.2015 У Магілёве пад пагрозай знішчэння дом са статусам гісторыка-культурнай каштоўнасці

Каб гэта прадухіліць, была накіравана скарга ў Генеральную пракуратуру. Дзяржаўную ўстанову просяць правесці праверку законнасці правядзення інжынерна-тэхнічных даследванняў, навуковага абгрунтавання і распрацоўкі прапаноў па пазбаўленню будынка па зав. Камісарыяцкаму, 17 у Магілёве статуса гісторыка-культурнай каштоўнасці.

10.01.2015 Аблава на панк-канцэрт у Мінску [дапоўнена]

Праз паўгадзіны ад пачатку панк-канцэрту ў мінскі клуб “Піраты” уварваліся супрацоўнікі міліцыі і АМАПу ў масках.

09.01.2015 Юрый Рубцоў: Іншых асуджаных настройваюць супраць мяне

Як паведаміў у тэлефоннай размове з праваабаронцамі “Вясны”Юрый Рубцоў, адміністрацыя спецкамендатуры №7, дзе ён адбывае пакаранне, спрабуе настроіць асуджаных супраць палітвязня.

09.01.2015 Ігар Логвінаў пра рашэнне эканамічнага суда: Фактычна гэта азначае банкруцтва

Каментуючы судовае рашэнне ігар Логвінаў зазначыў, што, відаць, “краіне патрэбны гэты мільярд рублёў” і дадаў, што гэтых грошай у яго няма, паколькі гэта не прыбытак, а даход, які быў патрачаны на бягучыя патрэбы прадпрыемства. Фактычна гэта азначае банкруцтва.

09.01.2015 Брэст: аштрафаны журналіст абскарджвае рашэнне суда

Незалежны журналіст Алесь Ляўчук падаў скаргу на рашэнне суда Ленінскага раёна Брэста, які 24 снежня мінулага года пакараў фрылансера штрафам ў памеры 40 базавых велічынь. Ён просіць адмяніць пастанову суда і спыніць справу аб адміністрацыйным правапарушэнні.

09.01.2015 Непаўнагадовы Антон Мех з Кобрына атрымаў папярэджанне за ўскладанне кветак да помнікаў паўстанцаў Каліноўскага ў Свіслачы

Антон навучаецца ў Польшчы, і на паседжанні адміністрацыйнай камісіі па справах непаўнагадовых прысутнічаў па даверанасці яго бацька, грамадскі актывіст Алесь Мех.

09.01.2015 Праз 5 дзён стануць вядомыя Чэмпіёны грамадзянскай супольнасьці

13 студзеня Асамблея няўрадавых дэмакратычных арганізацый агучыць пераможцаў прэміі “Чэмпіёны грамадзянскай супольнасьці” 2014 году.

09.01.2015 На Кубе вызваляюць палітвязьняў. Першыя 11 чалавек на волі

Кубінскія ўлады адпусцілі на волю яшчэ васьмёх палітычных зьняволеных зь ліку 53 чалавек, якіх Гавана абяцала вызваліць згодна з дасягнутай нядаўна дамоўленасьцю з ЗША.

09.01.2015 Вітольд Ашурак: Беларуса судзяць за беларускі сцяг у Беларусі

Актывіста з Бярозаўкі Вітольда Ашурка намагаюцца прыцягнуць да адказнасці за ўдзел ў акцыі ўшанавання памяці братоў Віктара і Кастуся Каліноўскіх у Свіслачы.

09.01.2015 Сёння – працяг разгляду скаргі Алены Танкачовай на рашэнне аб высылцы з Беларусі (анлайн)

Суд па скарзе Алены Танкачовай працягнецца ў панядзелак, 12 студзеня. Пачатак у 14-30. Скаргу разглядае суддзя Наталля Петух.

08.01.2015 Выселеныя магіляўчане наўзамен кватэр атрымалі інтэрнаты

"У людзей на руках ордэры на кватэры, якія яны атрымлівалі на пражыванне ў д.59 па вуліцы Ленінскай шмат дзесяцігоддзяў таму. Замест таго, каб даць ім новыя кватэры не меншай плошчы, іх перасялілі ў інтэрнаты, дзе кожнай сям’і далі пакоі з улікам 6 метраў на чалавека".

08.01.2015 Брэст: пачалася падрыхтоўка актывістаў, што маюць намер быць назіральнікамі падчас прэзідэнцкай выбарчай кампаніі

Нягледзячы на тое, што выбары прэзідэнта ў Беларусі павінны прайсці не пазней за лістапад 2015 года, арганізацыйная праца сярод тых, хто збіраецца браць удзел у гэтай кампаніі ў якасці назіральнікаў, ужо стартавала.

08.01.2015 Баранавіцкі праваабаронца падаў скаргу на незаконныя дзеянні суда па справе Дзмітрыя Палойкі

У сваёй адпісцы, адзначае Гоўша, яму нахабна патлумачылі, што наогул ніхто ў суд не звяртаўся, заявы да іх ад адваката не паступала. Праваабаронца абураецца непраўдзівымі звесткамі, паколькі намеснік старшыні суда, які сам падпісваў заяву адвакату да допуску да справы, цяпер заяўляе процілеглае, выгароджваючы свайго начальніка.

08.01.2015 Магілёў: суд па справе перашкоды распаўсюду газеты “Новы час” перанесены

40-гадовы ахоўнік у сваім выступе назваў газету “Новы час” фашысцкай і сказаў, што, на яго думку, такія газеты прывялі да падзеяў ва Украіне. Тым часам ён адмаўляе, што асабіста называў Віктара Чарабухіна фашыстам.

08.01.2015 Абласны суд не задаволіў касацыйную скаргу журналіста Андрэя Мялешкі

8 студзеня Гродзенскі абласны суд не задаволіў касацыйную скаргу аштрафаванага журналіста Андрэя Мялешкі. Судддзя Анатоль Заяц, агучыўшы змест пісьмовага аспрэчвання, узяў бок суда першай інстанцыі.