Праваабарончы цэнтр «ВЯСНА»

Навіны за Кастрычнік 2014

06.10.2014 Пра гуманізм і гуманнасць міліцыі

Праваабаронца Наста Лойка апублікавала у сваім фэйсбуку ліст да Міністэрства ўнутраных спраў, дзе звяртае увагу на неправамоцнасць ужывання празмернай жорсткасці пры затрыманні альбо нейтралізацыі злачынцаў і правапарушальнікаў.

06.10.2014 У Брэсцкай вобласці плануюць абмяркоўваць праблему гандлю людзьмі

З гэтай мэтай прадстаўнікі грамадскай арганізацыі “Клуб дзелавых жанчын” распачалі серыю круглых сталоў у розных рэгіёнах вобласці, каб абмеркаваць набалелыя пытанні супрацьдзеяння гандлю “жывым таварам”.

06.10.2014 Прысуд Юрыю Рубцову: паўтары гады "хіміі"

Пакуль прысуд не ўступіў ў законную сілу, Юрый Рубцоў будзе абскарджваць яго ў касацыйным парадку. У дачыненні да асуджанага абраная мера стрымання – падпіска аб нявыездзе.

06.10.2014 Францкевіч у міліцэйскай аблозе, Стукін ужо арыштаваны

У кватэру, дзе знаходзіцца былы палітвязень і актывіст анархісцкага руху Аляксандр Францкевіч, з 6 гадзін раніцы спрабуюць патрапіць супрацоўнікі міліцыі.

06.10.2014 Маці нявінна пакаранага смерцю: «Дзякую Богу, што ўва мне не перамагло пачуццё помсты»

Страціўшы адзінага сына, нявінна пакаранага, яна стала маці для ўсіх вязняў камер смяротнікаў ва Узбекістане. Дабіўшыся адмены смяротнага пакарання ў сваёй краіне, змагаецца за яго адмену найперш у Беларусі. Тамара Чыкунова - ганаровы госць беларускага Тыдня супраць смяротнага пакарання і адна з гераінь фотапраекта "Вышэйшая мера".

06.10.2014 Аблажэй метафарычна перадаў у выглядзе графікі сутнасць аргументаў супраць смяротнага пакарання

У Менску адкрылася выстава плакатаў, прысвечаных праблеме смяротнага пакарання

05.10.2014 Баранавічы: прайшла акцыя да Міжнароднага дня за годную працу і адпаведны заробак (фота)

"У мінулым годзе Баранавіцкі гарвыканкам забараніў нам правесці масавае мерапрыемства да Міжнароднага дня за годную працу і адпаведны заробак, таму сёння мы проста раздавалі мінакам газеты “Рабочая салідарнасць”, улёткі супраць кантрактнай сістэмы і адначасова віншавалі іх з Міжнародным святам працоўных".

05.10.2014 Уладзімір Лемеш пра ўмовы ўтрымання ў Салігорскім ІЧУ: на 15 чалавек 3 матрацы

"Умывальнік і адмежаваны ўнітаз гэта добра, але змыў у тым унітазе не працуе. Нейкай абрэзанай пластыкавай бутэлькай прыходзілася насіць туды ваду з ўмывальніка. Потым у гэту ж бутэльку налівалі гарбату, бо кубкаў не было".

04.10.2014 Алег Аблажэй: Распавесці пра смяротнае пакаранне мастацкімі алегорыямі складана

Напярэдадні адкрыцця выставы ў Мінску мастак распавёў пра асаблівасці сваёй працы над серыяй плакатаў "Шэсць аргументаў супраць смяротнага пакарання".

04.10.2014 Салігорск: Івана Шылу вызвалілі без эксцэсаў

"Шчыра кажучы, пакідаючы ІЧУ былі думкі, што на выхадзе могуць зноў затрымаць ды прыпісаць якую-небудзь лаянку матам ды размахванне рукамі. На шчасце, даводзіць сітуацыю да поўнага абсурду ўлады ея сталі. Прынамсі пакуль я на волі і, спадзяюся, хутка разбяруся са сваімі прыватнымі справамі ды спакойна паеду на вучобу".

03.10.2014 Тыдзень супраць смяротнага пакарання ў Беларусі распачнецца выставай тэматычных плакатаў

Серыя плакатаў мастака Алега Аблажэя, а таксама працы з сусветна вядомага праекта Death Is Not Justice будуць прадстаўленыя на выставе, адкрыццё якой адбудзецца ў нядзелю 5 кастрычніка а 18-й гадзіне ў Сядзібе “Галіяфы” (Мінск, вул. Валгаградская, 4а; ст.м. Маскоўская).

03.10.2014 Баранавічы: Статкевіча-старэйшага павіншавалі з Днём настаўніка

Баранавіцкія грамадскія актывісты і праваабаронцы 3 кастрычніка наведалі і павіншавалі Статкевіча Віктара Паўлавіча, які 35 гадоў працаваў настаўнікам гісторыі, з прафесійным святам. Нягледзячы на нездавальняючы стан здароўя, Статкевіч-старэйшы гасцінна і зычліва прыняў наведвальнікаў у сваёй кватэры.

03.10.2014 Бярозаўскія праваабаронцы дамагліся змены рашэння райвыканкама аб масавых мерапрыемствах у частцы дамовы з міліцыяй

Спатрэбіўся без малога год, каб юрыдычны аддзел райвыканкама ў асобе юрыста Яўгена Кашталяна змяніў рашэнне райвыканкама аб правядзенні масавых мерапрыемстваў згодна з Пастановай Саўміна № 207.

03.10.2014 Андрэй Палуда: Хоць на хвіліну задумайцеся, як адбываецца забойства забойцы

"Наша галоўная мэта, каб чалавек уявіў хаця б на нейкі момант – што адбываецца ў камеры смяротнікаў, якія знаходзяцца ў самам цэнтры Мінску ў СІЗА №1 па вуліцы Валадарскага".

03.10.2014 У Гродне быў затрыманы Ежы Грыгенча

Увечары 2 кастрычніка ў Гродне міліцыяй быў затрыманы грамадска-палітычны актывіст Ежы Грыгенча. Як удзельнік кампаніі “Гавару праўду” ён збіраў подпісы грамадзян за пытанні “Народнага рэферэндуму”.