Праваабарончы цэнтр «ВЯСНА»

Навіны за Кастрычнік 2014

08.10.2014 Запрашаем на публічную лекцыю Карэла Шварцэнберга

8 кастрычніка Публічная лекцыя Карэла Шварцэнберга, ганаровага госця Тыдня супраць смяротнага пакарання ў Беларусі, адбудзецца з 17.00 да 19.00 ў Галерэі Ў (пр-т Незалежнасці, 37а; ст.м. Плошча Перамогі).

08.10.2014 Салігорская міліцыя збіраецца заводзіць крымінальную справу “за чырвоную паласу”

Крымінальную справу “за апаганьванне” 15-метровага знаку на ўездзе ў сталіцу шахцёраў збіраецца заводзіць салігорская міліцыя. Гаворка пра сімвалічную акцыю арт-групы “Партызан” да гадавіны Аршанскай бітвы.

08.10.2014 Баранавічы: пададзена заява на пікет да ўгодкаў “крыштальнай ночы” беларускай культуры

Грамадская актывістка Анжаліка Камбалава 6 кастрычніка падала заяву на імя старшыні Баранавіцкага гарвыканкама аб правядзенні адзіночнага пікета, прысвечанага памяці ахвяр сталінскіх рэпрэсій. Правядзенне пікета запланавана да 77-х угодкаў “крыштальнай ночы” беларусай культуры, якая адбылася з 29 на 30 кастрычніка 1937 года.

08.10.2014 Аляксандра Буракова аштрафавалі на 6 млн. рублёў (40 базавых)

Такое рашэнне прыняла 8 кастрычніка суддзя Ленінскага раённага суда г. Магілёва Алена Волкава, прызнаўшы Аляксандра Буракова вінаватым у парушэнні ч. 2 арт. 22.9 КаАП РБ – незаконны выраб і распаўсюд прадукцыі СМІ. Пастанову суда журналісту ўжо аддалі, матывавальная частка будзе гатовая праз некалькі дзён.

08.10.2014 "Вышэйшая мера": апраўдання законнаму, наўмыснаму, забойству ў імя правасуддзя няма (фота, відэа)

У сядзібе “Галіяфы” 7 кастрычніка адбылася прэзентацыя сумеснага фотапраекта “Вышэйшая мера” фотажурналіста Сяргея Балая і кампаніі “Праваабаронцы супраць смяротнага пакарання ў Беларусі”.

07.10.2014 10 кастрычніка – прэс-канферэнцыя “Беларусь у кантэксце сусветнага абаліцыянізму”

У Сусветны дзень супраць смяротнага пакарання ў офісе ПЦ “Вясна” адбудзецца выніковая прэс-канферэнцыя праваабаронцаў з удзелам госці Тыдня супраць смяротнага пакарання Тамары Чыкуновай.

07.10.2014 Бабруйск: На ТДіА не працягнулі кантракт яшчэ з трыма "свабодаўцамі"

Адміністрацыя бабруйскага завода ТДіА (трактарных дэталяў і агрэгатаў) працягвае пазбаўляцца ад сябраў пярвічкі Свабоднага прафсаюза Беларускага. На гэты раз працоўных месцаў пазбавяцца Алег Шаўчэнка, Аляксандр Бенасік і Мікалай Жыбуль.

07.10.2014 Брэст: больш чым праз тры месяцы прадстаўнікі кампаніі “О, Балонь!’’ нарэшце атрымалі адказ з Міністэрства адукацыі

З яго вынікае, што рашэнне наконт далучэння Беларусі да Балонскага працэсу прынята і больш амяркоўвацца не будзе. Але ў чым сутнасць рашэння, з адказу засталося невядомым: чыноўнікі з міністэрства раяць звяртацца па гэтым пытанні да дэпутатаў Палаты прадстаўнікоў.

07.10.2014 Суддзя Ганна Лявусік аштрафавала журналіста Андрэя Мялешку

Суддзя Ганна Лявусік не ўзяла пад увагу ні парушэнні і юрыдычную непісьменнасць з боку міліцыі, ні адсутнасць доказаў віны Андрэя Мялешкі, ні неадпаведнасць адміністрацыйнага артыкулу сутнасці рэчаў і пакарала незалежнага журналіста адміністрацыйным штрафам – 35 базавых велічыняў.

07.10.2014 Сяргей Балай: Я стаўлю пытанні, на якія кожны мусіць адказаць сам

"Нават помста за злачынства не з’яўляецца падставай, каб адбіраць жыццё ў чалавека. У любым выпадку, кожны павінен сам адказваць на такія пытанні. І задаваць іх сабе, натуральна, бо ў такіх пытаннях хаваецца грамадзянская адказнасць кожнага з нас"

07.10.2014 Сёння судзяць двух журналістаў

У Гродне працягнецца разгляд адміністрацыйнай справы Андрэя Мялешкі, а ў Магілёве пачнуцца слуханні па адміністрацыйнай справе Аляксандра Буракова. Абодвух вінавацяць у парушэнні арт. 22.9 ч.2 КаАП, закідаючы ім супрацоўніцтва з замежнымі СМІ без акрэдытацыі.

07.10.2014 Праваабарончая праграма “Людзьмі звацца!” на Беларускім Радыё Рацыя

“Падзея тыдня”: суд над апазіцыйным актывістам з Гомеля Юрыем Рубцовым, якога прыгаварылі да 1,5 гадоў так званай хіміі нібыта за абразу суддзі. “Асоба. Дзяржава. Грамадства”: госць рубрыкі – праваабаронца Тамара Чыкунова, ганаровы госць Тыдня супраць смяротнага пакарання ў Беларусі.

07.10.2014 Салігорцы даслалі палітвязням паштоўкі падтрымкі (фота)

"На фоне пуцінскай агрэсіі ва Украіне гучаць думкі, што ў нас тут не такая ўжо і дыктатура, - кажа ідзін з удзельнікаў акцыі Уладзімір Шыла. - Але ў Беларусі на дадзены момант за кратамі знаходзіцца сем палітычных вязняў, сярод якіх былы кандыдат у прэзідэнты Мікалай Статкевіч. І мы не маем права забывацца пра іх".

06.10.2014 Запрашаем на фотавыставу “Вышэйшая мера”

Сумесны праект фотажурналіста Сяргея Балая і кампаніі “Праваабаронцы супраць смяротнага пакарання ў Беларусі” будзе прэзентаваны 7 кастрычніка ў сядзібе “Галіяфы” (вул. Валгаградская, 4а; ст.м. Маскоўская). Імпрэза распачнецца а 18-й гадзіне.

06.10.2014 "Не маўчы!" - салідарнасць супраць рэпрэсій у Расіі

З 6 па 12 кастрычніка Amnesty International праводзіць "Тыдзень акцый", каб прадэманстраваць салідарнасць з людзьмі ў Расіі, якія адкрыта выступаюць супраць рэпрэсій, што ўсё больш узмацняюцца ў краіне.