Праваабарончы цэнтр «ВЯСНА»

Навіны за Верасень 2014

03.09.2014 Кыргызскі праваабаронца: Лукашэнка абразіў нашу краіну

Парламент Кыргызстана павінен неадкладна разгледзець пытанне аб дыпламатычных стасунках з Беларуссю. Пра гэта заявіў актывіст Андуруш Тактанасыраў 3 верасня падчас сваёй акцыі пратэсту ў Бішкеку.

03.09.2014 Палітвязень Анар Мамедлі ўвайшоў у шорт-ліст прэміі Вацлава Гавела-2014

Вядомы азербайджанскі праваабаронца Анар Мамедлі намінаваны на прэмію Вацлава Гавела-2014 «за значны ўнёсак у абарону права на сумленныя выбары».

03.09.2014 Праваабаронцы абнавілі спіс палітвязняў у Азербайджане: 98 чалавек

Абноўлены спіс уключае ў сябе выпадкі арышту журналістаў і блогераў, праваабаронцаў, палітыкаў, моладзевых і рэлігійных актывістаў, а таксама тых, хто адбывае пажыццёвае зняволенне.

03.09.2014 Спіс невыязных будзе рэдагаваць Вярхоўны суд

Аляксандр Лукашэнка сваім указам перадаў Вярхоўнаму суду РБ паўнамоцтвы на ўнясенне ў банк дадзеных МУС звестак аб грамадзянах, у дачыненні да якіх судамі былі прыняты рашэнні аб часовым абмежаванні права гэтых грамадзян на выезд з Беларусі.

03.09.2014 Рашэнне па справе аб гандлёвым знаку “Белсат” будзе агучанае ў чацвер

Дзяржаўны пракурор у сваім выступе ў сераду заявіла, што лічыць парушэнне аўтарскіх правоў тэлеканалам даказаным і мяркуе неабходным задаволіць пазоў Андрэя Белякова.

03.09.2014 Уладзімір Хільмановіч: "Права на жыццё"

Тыдні паўтары таму мне давялося забіраць рэчы расстралянага чалавека. Забіраць разам з яго маці, ад чаго гэта было асабліва цяжка псіхалагічна. Забойства аднаго чалавека нельга выправіць смерцю іншага. Гэта ў старым запавеце быў прынцып “вока за вока, зуб за зуб”. Цяперашні хрысціянскі свет жыве пераважна паводле евангельскіх прынцыпаў Новага запавету.

03.09.2014 У Магілёве і ў Быхаве шукаюць грамадскага актывіста Аляксандра Шачанка

Ён знік у мінулую сераду 27 жніўня і дагэтуль яго месцазнаходжанне невядомае. Апошні раз яго бачылі падчас судовага пасяджэння ў Быхаўскім раённым судзе.

03.09.2014 Яўген Васьковіч з-за кратаў падзякаваў журналістам за падтрымку і віншаванні

Калі атрымліваю віншаванні ад незалежных журналістаў, мне робіцца радасней. Я бачу, што ваша падтрымка нясе ў сабе шчырасць і цеплыню. Усмешка не сыходзіць з маіх вуснаў, калі перабіраю паштоўкі...

03.09.2014 Брэст: экс-кандыдат абскардзіла адмову суда першай інстанцыі распачынаць справу наконт дзеянняў выбарчых камісій

“Паглядзім, што адкажуць мне з абласнога суда. Але на дадзены момант я ўсё больш прыходжу да высновы, што час адцягваецца з прычыны таго, каб схаваць магчымую фальсіфікацыю вынікаў выбараў на гэтым участку. Бо праз паўгода пасля правядзення выбараў спісы прагаласаваўшых выбаршчыкаў знішчаюцца”, - заявіла Дзенісенка.

03.09.2014 Рашэнне “Аб парадку правядзення масавых мерапрыемстваў у Бярозаўскім раёне” чыноўнікам прыйдзецца змяніць

Нагадаем, згодна з пастановай Савета Міністраў №207, мясцовы выканаўчы орган павінен сам звяртацца ў міліцыю наконт аховы правапарадку на масавым мерапрыемстве, атрымаўшы заяву. Праваабаронцы спадзяюцца, што зараз спасылка на тое, што заяўнікі не маюць дамовы з міліцыяй, не будзе з’яўляцца падтавай для забароны пікетаў.

02.09.2014 Баранавічы: адзіны беларускамоўны клас спыніў сваё існаванне

Адзіны беларускамоўны клас у Баранавічах, дзе вучыліся ўсяго тры дзяўчынкі Яся Малашчанка, Аліса Філіпчык і Вераніка Міхальчук, спыніў сваё існаванне. У сувязі з заканчэннем пачатковай школы СШ № 14 і са зменай жыхарства бацькі дзяцей спрабавалі працягнуць навучанне па-беларуску ў 5-м класе гімназіі № 4, але безвынікова.

02.09.2014 Шклоўскі райвыканкам даслаў адказ на зварот толькі пасля скаргі ў аблвыканкам і пракуратуру

Сам Рыгор Кастусёў кажа, што ён абавязкова скарыстаецца агучанай у пісьме прапановай азнаёміцца з Праграмай сацыяльна-эканамічнага развіцця Шклоўскага раёна на 2011-2015 гады, якую яму зрабіў старшыня Шклоўскага райвыканкама.

02.09.2014 Уладзімір Вялічкін: Праводзіць пікеты па-ранейшаму не дазваляюць

Адказ адносна запланаваных гарадскімі ўладамі мерапрыемстваў у дазволеных месцах для правядзення дэмакратычнымі сіламі пікетаў, мітынгаў і шэсцяў так і не атрымаў берасцейскі праваабаронца Уладзімір Вялічкін.

02.09.2014 Human Rights Watch: Баевікі ўчыняюць абуральныя злачынствы супраць палонных

Міжнародная праваабарончая арганізацыя ў сваёй справаздачы апублікавала падрабязныя расповеды людзей, якіх прарасійскія тэрарысты катавалі. Людзі распавялі, як іх білі, у тым ліку нагамі, калолі або рэзалі нажом, прыпякалі цыгарэтай або падвяргалі імітацыі смяротнага пакарання.

02.09.2014 У Мінску новы суд па справе аб гандлёвым знаку “Белсат”

Судовая калегія па інтэлектуальнай уласнасці паўторна разглядае зыск Андрэя Белякова да “Польскага тэлебачання”. Як мяркуюць журналісты, рашэнне па гэтай справе - не на карысць “Белсата” - афіцыйны Мінск ужо прыняў.