Праваабарончы цэнтр «ВЯСНА»

Навіны за Верасень 2014

11.09.2014 Вярхоўны суд Кыргызстана адмаўляецца пераглядаць пажыццёвы прысуд праваабаронцу Азімжону Аскараву

Абсерваторыя па абароне праваабаронцаў лічыць справу Аскарава помстай за яго дзейнасць і заклапочаная працяглым адвольным затрыманнем праваабаронцы, а таксама меркаванымі катаваннямі і кепскім абыходжаннем з ім у зняволенні.

11.09.2014 Адбылася сустрэча дэлегацыі ўраду ЗША з кіраўніцтвам “Вясны”

10 верасня прадстаўнікі ўрадавай дэлегацыі ЗША сустрэліся з кіраўніцтвам Праваабарончага цэнтру “Вясна”. Былі абмеркаваныя бягучая сітуацыя з правамі чалавека ў Беларусі, агульны стан грамадзянскай супольнасці.

11.09.2014 За 8 месяцаў ва Украіне забіта 7 журналістаў, зафіксавана 265 выпадкаў іх збіцця

Таксама з пачатку году зафіксаваныя 119 фактаў перашкодаў законнай прафесійнай дзейнасці журналістаў і 120 выпадкаў цэнзуры.

11.09.2014 Заява ўрадавай делегацыі ЗША па выніках візіту ў Беларусь

Пры ўзаемадзеянні з Беларуссю ЗША лічаць прыярытэтным умацаванне дэмакратычных стандартаў і падтрымку грамадзянскай супольнасці.

11.09.2014 Грамадскія актывісты Наваполацку рыхтуюць захады ў абарону беларускай мовы

Праблема выкарыстання беларускай мовы абмяркоўвалася на кольным стале ў Наваполацкай філіі “Вясны”, мадэраваў дыскусію грамадскі дзяяч, мовазнаўца Вінцук Вячорка.

11.09.2014 “Справу Бяляцкага” збіраюцца выдаць па-польску

Праект “Паляк Можа” (Polak potrafi) выступіў з ініцыятывай збору сродкаў для перакладу і выдання кнігі пра крымінальны пераслед і суд над старшынёй ПЦ “Вясна” Алесем Бяляцкім на польскую мову.

11.09.2014 Ці магчыма еўрапейская адукацыя ў Беларусі?

Працягваецца маніторынг парушэнняў акадэмічных правоў і свабод студэнтаў у Беларусі

11.09.2014 З былога палітвязня Дашкевіча знялі прэвентыўны нагляд

Першамайскі суд Мінска 10 верасня зняў з былога палітычнага вязня Змітра Дашкевіча прэвентыўны нагляд.

10.09.2014 Салігорск: На пікет за спрыяльнае навакольнае асяроддзе дазволу не далі

Салігорскі выканкам не даў дазволу на правядзенне на Цэнтральнай плошчы горада пікету па зборы подпісаў за спрыяльнае навакольнае асяроддзе. Арганізатарам мерапрыемства выступаў мясцовы маладафронтавец Іван Шыла. Па яго словах, чыноўнікі не ўпадабалі абранае для правядзення пікету месца.

10.09.2014 Віктар Статкевіч і Марына Адамовіч просяць міліцыю знайсці аўтара ананімкі з пагрозамі

88-гадовы Статкевіч-старэйшы выказаў меркаванне, што гэтым лістом невядомыя спрабуюць уздзейнічаць на яго сына.

10.09.2014 Брэст: распаўсюджаны праваабарончы бюлетэнь “Брэсцкае права” (фота)

На цэнтральный вуліцах горада і некаторых рынках прадстаўнікі праваабарончай арганізацыі “Беларускі Хельсінкскі Камітэт” і Свабоднага прафсаюза Беларускага распаўсюдзілі некалькі сотняў асобнікаў бюлетэня “Брэсцкае права”.

10.09.2014 У Магілёве больш за 20 грамадзян просяць браму Свята-Мікольскага манастыра вярнуць у першапачатковы выгляд

Грамадзяне абураныя тым, што на ўяздной браме ХVІІ стагоддзя Свята-Мікольскага манастыра вырасла “цыбуліна”. На іх думку, яе з’яўленне не было ні з кім узгоднена, і толькі сапсавала непаўторнасць адзінага застаўшагася ў Магілёве помніка дойлідства ў стыле Магілёўскага барокка.

10.09.2014 У Брэсце абмяркоўвалі праблемы правоў чалавека ў рэгіёне

Удзельнікі гаварылі пра тое, што беспрацоўе з’яўляецца агульнай праблемай, асабліва складаная сітуацыя з гэтым у Драгічынскім раёне і Мікашэвічах Лунінецкага раёна. Праваабаронца Сяргей Гоўша лічыць вельмі вострай праблемай знішчэнне беларускай мовы.

10.09.2014 У Магілёве невядомыя пракалолі шыны аўтамабіля маці актывіста Ігара Барысава

Агулам на шынамантажы налічылі 16 праколаў. Сацыял-дэмакрат адзначае, што аўтамабіль “Аўдзі” з’яўляецца сямейным, і ён ім таксама карыстаецца час ад часу. Машына стаяла на паркоўцы і нікому не замінала. Іншыя аўтамабілі не былі пашкоджаны.

10.09.2014 Cкасаваньне сьмяротнага пакараньня можа быць унесенае ў праграму БНФ

Як паведаміў старшыня Партыі БНФ Аляксей Янукевіч, на разгляд XVI Зьезду Партыі БНФ, які адбудзецца 13 верасьня, будуць вынесеныя зьмены і дапаўненьні да партыйнай праграмы. Абноўленая рэдакцыя праграмы была распрацаваная палітычная камісіяй БНФ і папярэдне ўхваленая партыйным Соймам.