Праваабарончы цэнтр «ВЯСНА»

Навіны за Жнівень 2014

06.08.2014 Віцебск: пікет у падтрымку палітвязняў забаронены па традыцыйнай падставе

У заяўцы на акцыю праваабаронца нагадваў мясцовым уладам, што права грамадзян на вольнае выказванне меркаванняў і права на мірныя сходы – гэта найважнейшыя палітычныя правы. Таму ён прасіў забяспечыць на мерапрыемстве грамадскі парадак, медычнае і камунальнае абслугоўванне за кошт дзяржавы.

06.08.2014 Суд над галоўным рэдактарам газеты “НАШ Магілёў” Ігарам Барысавым адбудзецца 12 жніўня

Гэта стала вядома з позвы, якую ён атрымаў па пошце. У ёй сказана, што ў Магілёўскім раённым судзе ён мусіць быць 12 жніўня ў 15-00. Судовы працэс з нагоды заведзенай на Барысава адміністрацыйнай справы па арт. 22.9 КаАП РБ па факце перавозу газеты “НАШ Магілёў”, а таксама бюлетэня “Сацыял-дэмакрат” у сваім аўто будзе весці суддзя Леўчанка.

06.08.2014 ААН: гуманітарная сітуацыя ва Украіне пагаршаецца

Савет Бяспекі ААН 5 жніўня абмеркаваў гуманітарную сітуацыю ва Украіне. Прадстаўнік Упраўлення ААН па каардынацыі гуманітарных пытанняў Джон Гінг адзначыў, што спробы знайсці палітычныя шляхі выхаду з крызісу не далі ніякіх вынікаў.

06.08.2014 З Юрыя Рубцова следчыя ўзялі падпіску аб неразгалошванні

Грамадскі актывіст з Гомеля Юрый Рубцоў 5 жніўня наведаў Савецкі аддзел Следчага камітэта г. Мінска, дзе быў дапытаны як падазраваны ў межах крымінальнай справы. Справа супраць яго ўзбуджаная паводле артыкула 391 “Абраза суддзі або народнага засядацеля”.

06.08.2014 “Вясна” перадала амбасадару Азербайджана заяву з асуджэннем арыштаў вядомых праваабаронцаў краіны

6 жніўня Праваабарончы цэнтр “Вясна” перадаў у амбасаду Азербайджана ў Мінску заяву з асуджэннем рэпрэсіяў рэжыму прэзідэнта Аліева ў дачыненні да вядомых праваабаронцаў.

06.08.2014 У Жодзіна “знікла” афіцыйная папера пра забарону пікету ў падтрымку палітвязняў

Жодзінскія ўлады забаранілі пікет, прымеркаваны да 4 жніўня, аднак праваабаронцы дагэтуль не атрымалі ніякага дакументальнага пацверджання з выканкаму.

06.08.2014 Мікалай Статкевіч: “Прашэння ад мяне не дачакаюцца”

З перапынкам у некалькі дзён бялыніцкі журналіст Барыс Вырвіч атрымаў ліст і паштоўку ад беларускага палітвязня Мікалая Статкевіча, з якім знаходзіцца ў сталай перапісцы. У прыватнасці, у лісце Мікалай Стакевіч выказаў сваё стаўленне да вызвалення Алеся Бяляцкага і шэраг цікавых думак наконт сітуацыі ў нашай кране і свеце.

06.08.2014 Праваабаронцы: Украінскія памежнікі ўчыняюць на мяжы з Крымам «самаўпраўнасць»

Грамадзянаў, якія не маюць дадатковых дакументаў аб мэтах паездкі з Крыма на мацерыковую частку Украіны, прымусова здымаюць з транспарту і вяртаюць назад. Пры гэтым памежнікі нярэдка ажыццяўляюць дагляд асабістых рэчаў грамадзянаў без іх згоды і належнага афармлення.

06.08.2014 Салігорцы ўзбунтаваліся супраць незаконнай забудовы

Незаконнае будаўніцтва аўтамабільнай дарогі праз дваравую тэрыторыю ў адным з мікрараёнаў Салігорска стала прычынай масавай незадаволенасці мясцовых жахароў. Тушыць “пажар народнага гневу” кінуліся чыноўнікі райвыканкаму і ўпраўлення капітальнага будаўніцтва.

06.08.2014 УВКБ ААН канстатуе рэзкае павелічэнне колькасці перасяленцаў з Луганска і Данецка

Людзі пакідаюць свае дамы з-за страху апынуцца пад крыжаваным агнём. Некаторыя асцерагаюцца пераследу за палітычныя погляды, дыскрымінацыі па этнічнай прыкмеце або гвалтоўнай мабілізацыі, як з боку ўрадавых, так і антыўрадавых сілаў.

05.08.2014 МЗС Чэхіі: Да падтрымкі дэмакратычных сіл у Беларусі мы ставімся сур’ёзна

Міністр замежных справаў Чэхіі Любамір Зааралек 5 жніўня прыняў у Чэрнінскім палацы беларускага праваабаронцу Алеся Бяляцкага - першага лаўрэата прэміі Вацлава Гавела па правах чалавека, які атрымаў гэтую прэстыжную ўзнагароду падчас зняволення.

05.08.2014 Жыхарам Віцебску ўдалося дамагчыся "амаль цвярозай" зоны адпачынку

Пасля масавых зваротаў да гарадскіх уладаў, складання інтэрнэт-петыцый і скаргаў у розныя інстанцыі просьба аматараў актыўнага правядзення часу была задаволена: у зоне адпачынку на набярэжнай Віцьбы больш не прадаюць моцныя спіртовыя напоі.

05.08.2014 Прадстаўнік АБСЕ наведала ў турме праваабаронцу Азімжона Аскарава

Вядомага праваабаронцу і журналіста Азімжона Аскарава, асуджанага да пажыццёвага зняволення, у турме ў Бішкеку наведала кіраўнік дэпартамента БДІПЧ па правах чалавека.

05.08.2014 Праваабаронцы: Змяніць сітуацыю ў Крыме можа толькі моцная грамадзянская супольнасць

Старшыня Крымскай палявой місіі па правах чалавека Андрэй Юраў лічыць, што ў Крыме неабходна ўзмацняць арганізацыі грамадзянскай супольнасці, паколькі за год грамадзянскія свабоды будуць згорнутыя, як у Расіі за 15 гадоў.

05.08.2014 Бяроза: лісты салідарнасці з палітвязнямі

Бярозаўскія праваабаронцы і грамадскія актывісты даслалі лісты ўсім сямі палітвязням для таго, каб выказаць сваю салідарнасць і падтрымку. Такія лісты падтрымкі і святочныя віншаванні з Бярозы сталі ўжо традыцыяй.