Праваабарончы цэнтр «ВЯСНА»

Навіны за Жнівень 2014

12.08.2014 Орша: за абразы і пагрозы рабочаму адміністрацыя адкажа ў судзе

Cправа ў тым, што прадстаўніца адміністрацыі філіяла Аршанскіх электрасетак з-за таго, што Мікалай Прануза пісаў скаргі на імя кіраўніцтва і спрабаваў абараніць свае працоўныя правы пачала абражаць яго і пагражала яму наступствамі за ягоную актыўнасць у прысутнасці іншых рабочых.

12.08.2014 Гомельскі праваабаронца не дамогся выкарыстання беларускай мовы на пошце

Гомельскі праваабаронца, сябра БХК Віктар Адзіночанка атрымаў адказ на свой зварот у Генеральную пракуратуру наконт рэалізацыі права на карыстанне роднай беларускай мовай у дакументацыі на пошце.

11.08.2014 КДБ хоча ведаць медычныя таямніцы беларусаў

Спецслужбам дазволілі атрымліваць інфармацыю, якая з'яўляецца медыцынскай таямніцай. Адпаведны дакумент публікуе блогер d-zholik.

11.08.2014 Узмацненне рэпрэсій супраць грамадзянскай супольнасці сур'ёзна падрывае старшынства Азербайджана ў Камітэце міністраў Рады Еўропы

Абсерваторыя па абароне праваабаронцаў заклікае ўлады Азербайджана пакласці канец доўгім рэпрэсіям супраць праваабаронцаў і прывесці нацыянальнае заканадаўства аб НДА ў адпаведнасць з Дэкларацыяй ААН аб праваабаронцах, а таксама з Еўрапейскай канвенцыяй па правах чалавека.

11.08.2014 Праваабаронца Інтыгам Аліеў сёння абскардзіў свой арышт

Яшчэ адзін аўтарытэтны азербайджанскі праваабаронца быў арыштаваны ў Баку 8 жніўня. Інтыгам Аліеў - кіраўнік Таварыства прававой асветы, дзейнасць якога правяралася ў рамках крымінальнай справы супраць мясцовых і замежных НДА.

11.08.2014 Бярозаўскія праваабаронцы дамагаюцца змены рашэння аб масавых мерапрыемствах

У красавіку бягучага года праваабаронцы звярталіся ў Міністэрства юстыцыі і Брэсцкае абласное ўпраўленне ўнутраных спраў, каб гэты суб’екты абавязалі Брозаўскі райвыканкам унесці неабходныя змены ў сваё рашэнне. Але падчас падрыхтоўкі праваабаронцаў да пікету на 27 ліпеня высветлілася, што зменаў у рашэнні райвыканкама няма.

11.08.2014 У Магілёве абмяркоўвалі пытанні росту карупцыйных злачынстваў у галіне сельскай гаспадаркі

У 2013 годзе – колькасць карупцыйных злачынстваў павялічалася на 30,5% у параўнанні з папярэднім годам і склала на 1,2% больш сярэдняга паказчыка па Беларусі. Толькі за 5 месяцаў 2014 года выяўлена 101 карупцыйнае злачынства.

11.08.2014 Брэсцкіх чыноўнікаў пракуратура папярэджвае за парушэнне закона аб зваротах грамадзян

У пракуратуры Брэсцкай вобласці таксама паведамілі, што па выніках маніторынгу гэтых праверак адменена 2 незаконных акты, 47 службовых асоб прыцягнуты да дысцыплінарнай адказнасці, 5 - да адміністрацыйнай, а яшчэ 40 афіцыйна папярэджаны аб недапушчальнасці парушэння закона.

11.08.2014 У абноўленым спісе расейскага «Мемарыялу» - 45 палітвязняў

Праваабарончы цэнтр "Мемарыял" 11 жніўня апублікаваў актуальны спіс асобаў, якія арганізацыя, у адпаведнасці з міжнароднымі крытэрамі, прызнае палітычнымі вязнямі.

11.08.2014 Суддзя Мотыль заявіла актывісту: “Я ведаю, што вы прызнаеце сваю віну”

Праваабаронцам сталі вядомыя падрабязнасці таемнага затрымання актывіста “Альтэрнатывы” Алега Кераля 5 жніўня.

11.08.2014 Пан Гі Мун заклікаў усе бакі да мірнага палітычнага рашэння канфлікту на ўсходзе Украіны

Кіраўнік ААН лічыць, што гэта - найбольш эфектыўны шлях выратавання жыццяў і прадухілення гуманітарнага крызісу.

11.08.2014 Дашлі ліст падтрымкі арыштаваным праваабаронцам!

Цэнтр грамадзянскіх свабодаў, які ініцыяваў марафон салідарнасці, здабыў адрасы адвакатаў, якія перададуць лісты і паштоўкі асабіста ў рукі Лэйле і Арыфу Юнусам і Расулу Джафараву, і даведаўся, пра густы і захапленні кожнага з іх.

10.08.2014 Сітуацыя з правамі чалавека ў Беларусі. Ліпень 2014 года

У ліпені захоўвалася стабільна цяжкая сітуацыя з правамі чалавека, нязменным заставаўся сістэмны і сістэматычны характар іх парушэнняў. Скрайне лімітаванымі былі магчымасці рэалізацыі грамадзянскіх і палітычных правоў.

09.08.2014 Баранавічы: прадпрымальніку адмаўляліся прадставіць кнігу скаргаў і прапаноў у падатковай інспекцыі

Толькі пасля таго, як індывідуальны прадпрымальнік Мікалай Чарнавус некалькі разоў патэлефанаваў у Міністэрства па падатках і зборах, такая кніга яму была прадстаўлена.

08.08.2014 У ААН прадстаўлены даклад пра сітуацыю з правамі чалавека ва Украіне

Вярхоўны камісар па правах чалавека Наві Пілэй, прадстаўляючы даклад, падкрэсліла, што абодва бакі павінны прадухіляць гібель і раненні людзей, і папярэдзіла, што дзеянні, якія прыводзяць да такіх наступстваў, могуць быць кваліфікаваныя як парушэнні міжнароднага гуманітарнага права.