Праваабарончы цэнтр «ВЯСНА»

Навіны за Чэрвень 2014

09.06.2014 У Магілёве адбылася антыалкагольная акцыя (фота)

Трэба адзначыць, што ў Магілёве апошнім часам з’явілася шэраг графіці “Хопіць бухаць” і іншыя, якія заклікаюць спыніць ужыванне алкаголю. Падобныя графіці раней былі заўважаны і ў Горках. Тады міліцыянты затрымалі і аштрафавалі за іх нанясенне на сцены некалькі студэнтаў Горацкай акадэміі.

09.06.2014 У Магілёве распачалася інфармацыйная кампанія “Захаваем стары Магілёў”

Яе ініцыятарам выступіла незалежнае мясцовае выданне “НАШ Магілёў” (gazetanm.eu). Арганізатары кампаніі плануюць прыцягнуць увагу магілёўцаў, грамадскіх актывістаў, а таксама чыноўнікаў да праблемы захавання архітэктурнай спадчыны горада.

09.06.2014 Вязень Плошчы Малчанаў — зноў пад крымінальным перасьледам

4 чэрвеня аднавілі расьсьледаваньне крымінальнай справы супраць Алеся Малчанава за абразу дзяржаўнай сымболікі.

09.06.2014 Зь Мікалаем Статкевічам штомесяц размаўляюць «выхавацелі»

Былы кандыдат на прэзыдэнта Мікалай Статкевіч ў магілёўскай турме лічыцца ня толькі злосным парушальнікам рэжыму, які «ня стаў на шлях выпраўленьня і мае намер пасьля вызваленьня весьці злачынны лад жыцьця», але і «схільным да нападу і ўцёкаў».

09.06.2014 Ігара Аліневіча чакае Бабруйск або «Ваўчыныя норы»?

З палітвязьнем Ігарам Аліневічам ў Наваполацкай калёніі сустрэлася маці, Валянціна Аліневіч. «У іх там цяпер вельмі ўсё няпэўна. Нехта чакае амністыі, нехта — вызваленьня. Але большасьць чакае, куды іх адтуль накіруюць».

Гомель: праваабаронца заклікае міністра адукацыі перагледзець «Праграму», якая тычыцца дзяцей, што знаходзяцца ў сацыяльна-небяспечным становішчы

08.06.2014 Гомель: праваабаронца заклікае міністра адукацыі перагледзець «Праграму», якая тычыцца дзяцей, што знаходзяцца ў сацыяльна-небяспечным становішчы

У дадзеным дакуменце ўтрымліваюцца крытэрыі сямейнага недабрабыту, многія з якіх, на думку Марыі Клімовіч, не вытрымліваюць крытыкі.

08.06.2014 У Брэсце намагаюцца стварыць яшчэ адзін беларускамоўны клас

Cпробы знайсці групу аднадумцаў вымушаны распачаць бацькі шасцігадовай Камілы Ляўчук пасля таго, як атрымалі адказ на свой запыт у аддзел адукацыі адміністрацыі Маскоўскага раёна Брэста. З адказу вынікае, што чыноўнікі гатовыя стварыць новы беларускамоўны клас пры ўмове, калі там будуць навучацца не менш за пять дзяцей.

08.06.2014 Міліцыя не знайшла складу правапарушэння ці злачынства ў дзеяннях асоб, якія напалі на дом Кастуся Жукоўскага

Трое мужчын, візуальна нецвярозых, заўважылі на доме актывіста украінскі сцяг. Яны пачалі брудна лаяцца, грукаць у брамку, якую ўрэшце зламалі, калі ж выйшаў гаспадар дома – пачалі яго абражаць і пагражалі забойствам. Актывіст выклікаў міліцыю.

08.06.2014 Салігорск: акцыя "Скажы НЕ смяротнаму пакаранню” (фота)

Па словах удзельнікаў акцыі, стаўленне мінакоў да адмены смяротнага пакарання было неадназначным, таму маладзёны і надалей плануюць праводізць інфармацыйную працу па гэтай праблеме. Акцыя прайшла без эксцэсаў і затрыманняў.

08.06.2014 Віцебскі актывіст заклікае старшыню гарвыканкама змяніць рашэнне наконт масавых мерапрыемстваў

Хрыстафор Жаляпаў даслаў ліст старшыні гарвыканкаму Віктару Нікалайкіну. У лісце – просьба змяніць рашэнне гарвыканкаму №881, прынятае ў 2009 годзе, падчас кіравання папярэдніка спадара Нікалайкіна на гэтай пасадзе.

06.06.2014 У Ігара Пастнова запатрабавалі тлумачэнняў за запісы ў блогу

Віцебскі "урач-праўдаруб" мае ўласную блогерскую калонку на сайце freeregion.info. Апошнія ягоная допісы тычыліся праблемы алкагалізацыі насельніцтва ў Беларусі і Віцебшчыны ў прыватнасці. Пасля з'яўлення гэтых допісаў у інтэрнэце ў блогера запатрабавалі тлумачэнняў і прыгразілі крымінальнай адказнасцю.

06.06.2014 Справа супраць ксяндза Лазара спыненая за недаказанасцю

Як стала вядома сустаршыні аргкамітэту па стварэнні партыі "Беларуская Хрысціянская Дэмакратыя" Паўлу Севярынцу, крымінальная справа супраць ксяндза Уладзіслава Лазара спыненая за недаказанасцю.

06.06.2014 Рэдактар незалежнага аршанскага сайту падзякаваў тролям за іх актыўнасць

Ва ўмовах, калі ўлады спрабуюць цалкам падпарадкаваць сабе сродкі масавай інфармацыі, калі практычна немагчыма зарэгістраваць незалежную прэсу, адзіным каналам для шырокага распаўсюду інфармацыі, нецэнзураванай уладамі, застаецца, бадай, інтэрнэт. Журналіст інтэрнэт-рэсурсу «Дыялёг» пагутарыў з рэдактарам аднаго з найстарэйшых незалежных інфармацыйных сайтаў Віцебскай вобласьці Ігарам Казьмерчаком.

06.06.2014 У гомельскай міліцыі праваабаронцы выявілі "прафесійнага" сведку (фота)

У канцы мінулага месяца, роўна як і чатыры гады таму вартавы парадку з ліку гомельскага АМАПу Васіль Барысенка станавіўся сведкам адной і той жа сцэны - яшчэ да ўзыходу сонца актывісты выходзілі на вуліцы горада, дзе "лаяліся грубай нецэнзурнай лаянкай, парушалі грамадскі парадак і спакой грамадзян, праяўлялі відавочную непавагу да грамадства".

06.06.2014 Хоцімск: Валерый Каранкевіч патлумачыў пракуратуры абставіны затрымання ў дзень выбараў

Грамадскага актывіста з Хоцімска Валерыя Каранкевіча 4 чэрвеня выклікалі ў пракуратуру Хоцімскага раёна для дачы тлумачэнняў. Падставай для выкліку паслужыла правядзенне апытання для высвятлення абставін затрымання Валерыя Каранкевіча супрацоўнікамі Хоцімскага РАУС у дзень выбараў.