Праваабарончы цэнтр «ВЯСНА»

Навіны за Травень 2014

06.05.2014 Менскія ўлады забаранілі канцэрт гурту Amaroka

Чыноўнікі адмовіліся даваць гастрольнае пасьведчаньне на канцэрт гурту Amaroka. Музыкам патлумачылі, што іх творчасьць можа падпадаць пад прапаганду вайны ці экстрымізму ды ўяўляць пагрозу нацыянальнай бясьпецы.

06.05.2014 Карныя органы распачалі паляванне на лідарку МХД Марыну Хоміч

Да сваякоў лідара Маладых Хрысціянскіх Дэмакратаў Марыны Хоміч, якая пражывае ў іх, 5 траўня а 7-й гадзіне раніцы прыходзіў следчы. Свой візіт ён патлумачыў тым, што Марына Хоміч унесеная ў пэўныя спісы і ў сувязі з гэтым яму неабходна ўдакладніць інфармацыю.

06.05.2014 Скарга Валянціны Акуліч на смерць сына ў ІЧУ адхілена судом канчаткова

У ходзе абвяшчэння матэрыялаў праверкі прагучала некалькі вельмі цікавых момантаў, якія раней былі невядомыя, бо азнаёміцца з матэрыялам праверкі ў маці Аляксандра Акуліча да падачы скаргі ў суд не атрымлівалася.

06.05.2014 Законапраект аб амністыі не распаўсюджваецца на палітвязняў

Ужо традыцыйна ў праекце закона пакінутая фармулёўка, што амністыя не будзе распаўсюджвацца на злосных парушальнікаў рэжыма. Фармальна гэты статус замацаваны за ўсімі палітычнымі зняволенымі ў Беларусі.

06.05.2014 Генік Лойка скардзіцца на суддзю Сямак і на рашэнне, якое яна вынесла

Заяўнік настойвае, што “Белінвестбанк” дыскрымінуе яго па моўнай прыкмеце, адмаўляючыся скласці дамову на дзяржаўнай беларускай мове. Да таго ж, просіць прыцягнуць да адказнасці суддзю, якая разглядала ягоную справу. За тое, што тая адмовілася весці працэс па-беларуску і прадаставіць Лойку перакладчыка.

06.05.2014 Масавыя суды над актывістамі “Маладога фронту” (абнаўляецца)

6 траўня пройдуць суды над затрыманымi напярэдаднi Чэмпіянату свету па хакеі актывістамі зарэгістраванай у Чэхіі арганізацыі “Малады Фронт”.

06.05.2014 Праз 15 гадоў. Сям'я Захаранкі супраць Рэспублікі Беларусь

Напярэдадні 15-годдзя з дня гвалтоўнага выкрадання экс-міністра ўнутраных спраў Рэспублікі Беларусь Юрыя Захаранкі ў Камітэт па правах чалавека (КПЧ) ААН накіраванае індывідуальнае паведамленне Ульяны і Алены Захаранкі.

06.05.2014 Праваабарончая праграма “Людзьмі звацца!” на Беларускім Радыё Рацыя

"Падзея тыдня": зварот шэрагу праваабарончых арганізацый, які тычыцца парушэнняў правоў чалавека ў Беларусі напярэдадні Чэмпіянату свету па хакеі, які пройдзе ў Менску з 9 па 25 траўня; "Навіны палітвязняў": Міжнародная Федэрацыя за Правы Чалавека (FIDH) і Праваабарончы цэнтр «Вясна» падрыхтавалі аналітычны дакумент аб становішчы палітзняволеных у Беларусі.

06.05.2014 Брэсцкі абласны суд разгледзеў касацыйную скаргу Мікалая Чарнавуса за тры хвіліны

Усяго тры хвіліны спатрэбілася суддзі Андрэю Алешчанку, каб падцвердзіць рашэнне суда ніжэйшай інстанцыі ў справе Мікалая Чарнавуса. Суддзя абвясціў, што яго справа непадведамасная суду.

06.05.2014 Сябры Мікалая Дземідзенкі не выключаюць, што ён прэвэнтыўна затрыманы

Працяглы час няма сувязі з адным зь лідэраў «Маладога фронту» Мікалаем Дземідзенкам, які напярэдадні выказваў апасеньні, што яго хочуць прэвэнтыўна арыштаваць перад чэмпіянатам сьвету па хакеі. Пра гэта карэспандэнту Свабоды паведаміла актывістка Наста Дашкевіч.

05.05.2014 У Брэсцкай вобласці стартуе кампанія па інфармаванні жыхароў пра стан правоў чалавека ў рэгіёне

Як паведаміў прадстаўнік БХК па Брэсцкай вобласці Ігар Маслоўскі, правядзенне такой кампаніі, якая прадугледжвае не толькі інфармацыйную, але і адукацыйную, прававую ды іншыя складнікі, абумоўлена парушэннямі правоў чалавека, выяўленымі праваабаронцамі падчас маніторынга.

05.05.2014 Віцебск: адміністрацыйная справа супраць журналісткі спынена

З міліцыі паведамілі, што справа супраць журналісткі Алены Сцяпанавай спынена. Паведамленне пра гэта было даслана толькі праз тыдзень, прычым афіцыйную пастанову віцебскай журналістцы не выслалі. Такім чынам, у Алены Сцяпанавай не засталося часу на абскарджанне выкладзеных у лісце фактаў, з якімі яна не згодная.

05.05.2014 У Магілёве плануюць правесці пікет салідарнасці з Яўгенам Васьковічам

Адпаведную заяўку на правядзенне мерапрыемства падаў у Магілёўскі гарвыканкам актывіст аргкамітэта партыі Беларуская Хрысціянская дэмакратыя Алег Аксёнаў. Пікет плануецца правесці 18 траўня на Савецкай плошчы ў цэнтры горада.

05.05.2014 Ліда: суд вынес грамадскім актывістам штрафы і папярэджанні

У Лідзе 5 траўня завяршыўся суд над грамадскімі актывістамі, на якіх за ўшанаванне памяці беларускіх дзеячоў у Дзень Волі былі міліцыяй складзены пратаколы нібыта за правядзенне несанкцыянаванай акцыі. На могілках у той дзень былі людзі ў цывільным, якія перапісалі прозвішчы ўдзельнікаў акцыі памяці.

05.05.2014 У Ваўкавыску на вуліцу высяляюць 185 сем’яў з інтэрнату

Зь дзевяціпавярховага інтэрнату на вуліцы Панковай, 58 у Ваўкавыску зьбіраюцца выселіць 185 сем’яў без узычэньня іншага жытла. Каля 460 чалавек, сярод якіх малыя дзеці, умомант застаюцца бяз даху над галавой.