Праваабарончы цэнтр «ВЯСНА»

Навіны за Травень 2014

13.05.2014 Швейцарскія праваабаронцы - у падтрымку грамадзянскай супольнасці Беларусі

Швейцарскае аддзяленне Amnesty International праводзіць кампанію, прымеркаваную да Чэмпіянату свету па хакеі ў Мінску, падчас якой заклікае беларускія ўлады «да сумленнай гульні ў галіне правоў чалавека».

13.05.2014 У Магілёве з’явілася праваабарончая група

Адзін з накірункаў дзейнасці – супрацьдзеянне карнай псіхіятрыі ў Беларусі.

13.05.2014 Гродзенскі абласны суд не задаволіў скаргу сябра БАЖ Алеся Дзянісава

13 траўня Гродзенскі абласны суд разглядзеў касацыйную скаргу сябра БАЖ Алеся Дзянісава на пастанову суддзі Юрыя Казакевіча суда Ленінскага раёну Гродна, згодна з якой 4 красавіка ён быў аштрафаваны на 30 базавых велічынь.

13.05.2014 Праваабарончая праграма “Людзьмі звацца!” на Беларускім Радыё Рацыя

"Падзея тыдня": міжнародная грамадскасць асуджае рэпрэсіі супраць грамадзянскіх актывістаў, якія працягваюцца падчас Чэмпіяната свету па хакеі ў Мінску. "Асоб.Грамадства.Дзяржава": Андрэй Палуда распавядае пра новыя акалічнасці прывядзення ў выканання смяротных прысудаў Паўлу Селюну і Рыгору Юзэпчуку.

13.05.2014 Баранавічы: праабаронца Сяргей Гоўша адстойвае сваё права на карыстанне беларускай мовай у банкаўскай сферы

А што тычыцца беларускай мовы пры абслугоўванні клінтаў, то спадар Навіцкі паведаміў у сваім адказе, што, “…кіруючыся нарматыўна-прававой базай Рэспублікі Беларусь, банк мае права пры аказанні паслуг насельніцтву выкарыстоўваць адну з дзяржаўных моў РБ -- беларускую ці рускую”.

12.05.2014 Салігорская міліцыя шукае братоў Шылаў, каб пасадзіць на “суткі”

На мінулых выходных прыватную сядзібу сям’і Шылаў, вядомых у горадзе сваёй актыўнай грамадска-палітычнай дзейнасцю, наведалі супрацоўнікі салігорскай міліцыі. Прадстаўнікоў так званых праваахоўных органаў найперш цікавіла месцазнаходжанне братоў Івана і Іллі.

12.05.2014 Чарговы расстрэл: выкананы прысуд у адносінах да Рыгора Юзэпчука

Магілёўскі абласны суд паведаміў, што ў адносінах да Рыгора Юзэпчука выкананы смяротны прысуд. 45-гадовы мужчына асуджаны за забойства сукамерніка. Той нібыта прайграў сваё жыццё ў даміно.

12.05.2014 Калі актывісты выйдуць на волю? (спіс абнаўляецца)

ПЦ "Вясна" вядзе спіс з датамі вызвалення актывістаў, затрыманых па надуманых прычынах напярэдадні і падчас чэмпіянату свету па хакеі ў Мінску. За кратамі знаходзяцца 32 чалавекі.

12.05.2014 Лукашэнка ігнаруе зварот кіраўніка Федэрацыі хакея Швецыі

Дыктатар не адказаў на патрабаванне Крыстэра Энглунда растлумачыць дэпартацыю праваабаронцы Марціна Углы.

12.05.2014 Грамадзяніну Расіі забаранілі ўезд у краіну на 10 гадоў (дакумент)

Затрыманага падчас «Чарнобыльскага шляху» 26 красавіка ў Менску грамадзяніна Расіі Уладзіміра Новікава дэпартавалі з Беларусі і забаранілі ўезд у краіну на 10 гадоў.

12.05.2014 Уладзіміра Кумца пакаралі арыштам на 20 сутак

У судзе Ленінскага раёна Менска разглядаецца адміністратыўная справа Уладзіміра Кумца. Ён быў затрыманы 10 траўня каля 15 гадзін. Калі актывіст выйшаў з дому і сеў у аўтамабіль, некалькі невядомых ў цывільным спынілі яго на сваёй машыне.

12.05.2014 Суд над актывісткай БХД перанеслі на тыдзень

У Нясвіжы 12 мая распачаўся судовы працэс над актывісткай аргкамітэту па стварэнні партыі "Беларуская Хрысціянская Дэмакратыя" Наталляй Бордак, якую затрымалі 9 траўня за антываенны плакат.

12.05.2014 Міжнародныя праваабаронцы: Чэмпіянат свету па хакеі 2014 у Мінску азмрочаны затрыманнямі

Праваабарончыя арганізацыі з Германіі, Швейцарыі, Швецыі, Бельгіі, Чэхіі і Польшчы асуджаюць рэпрэсіі супраць тых, хто падчас Чэмпіянату свету па хакеі гатовы выказацца супраць жудаснага становішча з правамі чалавека ў Беларусі, і заклікаюць Міжнародную федэрацыю хакея адмовіцца ад супрацы з беларускім рэжымам.

12.05.2014 У Бялыніцкім раёне ліквідуецца гаспадарка, за газетны артыкул пра праблемы ў якой пераследаваўся актывіст

Незразумела толькі, што ж хацелі даказаць бялыніцкія ўлады і слаўныя супрацоўнікі мясцовай міліцыі, якія ніяк не хацелі пагадзіцца з тым, што эканоміка СВК “Лебедзянка” дыхае на ладан і пераследавалі грамадскага актывіста за яго крытычны выступ у газеце “Магілёўскі Выбар”.

12.05.2014 Суддзяў, якія паклалі “пад сукно” скаргу Стэфановіча, прыцягнуць да адказнасці

Мінскі гарадскі суд разгледзеў зварот намесніка Праваабарончага цэнтра “Вясна” Валянціна Стэфановіча, які тычыўся працяглага непрызначэння слухання па прыватнай скарзе праваабаронцы судом Цэнтральнага раёна Мінска.