Праваабарончы цэнтр «ВЯСНА»

Навіны за Травень 2014

14.05.2014 Бабруйск: Пікет салідарнасці з Яўгенам Васьковічам не дазволілі

Пікет планаваўся ў якасці падтрымкі бабруйчаніна Яўгена Васьковіча, на якога аказваецца моцны ціск адміністрацыі ў магілёўскай турме №4. Нядаўна хлопца перавялі ў адзіночную камеру, стала вядома пра ціск і з боку сукамернікаў таксама.

14.05.2014 Чавусы: кіраўніцтва вобласці разлічвае на добраахвотна-прымусовую дапамогу

Старшыня Магілёўскага аблвыканкама параіў, дзе знайсці грошы на будаўніцтва лыжа-ролеравай трасы ў Чавусах. Пётр Руднік лічыць, што неабходныя грошы можна знайсці праз “выцісканне” спонсарскай дапамогі ў камерцыйных структур і метад “народнага будаўніцтва”.

14.05.2014 Закон аб амністыі прыняты ў першым чытанні

Дэпутаты палаты прадстаўнікоў на пасяджэнні 14 мая прынялі ў першым чытанні законапраект «Аб амністыі ў сувязі з 70-годдзем вызвалення Беларусі ад нямецка-фашысцкіх захопнікаў».

14.05.2014 Брэст: міліцыя зацікавілася, якім чынам сацыял-дэмакраты святкавалі Першамай

Прадстаўнікі праваахоўных органаў склалі пратакол апытання на старшыню Брэсцкай абласной арганізацыі Беларускай сацыял-дэмакратычнай партыі (Грамада) Ігара Маслоўскага.

14.05.2014 Міністр МУС заявіў, што «прэвентыўных затрыманняў» няма

Міністр унутраных спраў Беларусі Ігар Шуневіч заявіў, што ўсе грамадскія актывісты, затрыманыя перад адкрыццём ЧС па хакеі ў Мінску, здзейснілі адміністрацыйныя правапарушэнні.

14.05.2014 Рыгор Васілевіч: Дзеючае заканадаўства не заўжды адпавядае Канстытуцыі

Чаму і кім парушаюцца гарантаваныя Канстытуцыяй правы і свабоды грамадзян, расказвае былы старшыня Канстытуцыйнага суда Рыгор Васілевіч.

14.05.2014 У брэсцкі офіс сацыял-дэмакратаў прыйшлі міліцыянты

На кіраўніка абласной арганізацыі Ігара Маслоўскага яны склалі пратакол апытання.

14.05.2014 Паўла Селюна расстралялі 17 красавіка

Сёння стала вядома дата расстрэлу 23-гадовага студэнта гістфаку БДУ, абвінавачанага ў забойстве двух асоб з асаблівай жорсткасцю. Маці асуджанага атрымала пасведчанне аб смерці.

14.05.2014 Шуневіч: Новы законапраект дае магчымасць больш гуманна прымяняць такі інструмент, як накіраванне ў ЛПП

Колькасць лячэбна-працоўных прафілакторыяў у Беларусі скарачаць пакуль не плануецца, паведаміў журналістам міністр унутраных спраў Ігар Шуневіч 14 мая ў Палаце прадстаўнікоў.

14.05.2014 FIDH: Пакуль Беларусь прымае Чэмпіянат свету па хакеі, парушэнні правоў чалавека працягваюцца

FIDH стварылa невялікія відэаролікі, каб прыцягнуць увагу да парушэнняў правоў чалавека, якія па-ранейшаму паўсюдныя ў Беларусі і яшчэ больш відавочныя падчас чэмпіянату, які зараз праводзіцца. «Распаўсюдзь гэтае відэа. Не маўчы!» - заклікаюць праваабаронцы.

14.05.2014 Прафэсар Пастухоў: «Рэфэрэндум 1995 году юрыдычна нікчэмны»

14 траўня 1995 году адбыўся першы ў гісторыі незалежнай Беларусі рэфэрэндум, ініцыяваны Аляксандрам Лукашэнкам.

14.05.2014 У Крупскім раёне ў райвыканкам выклікаюць падпісантаў суполкі «Рэвалюцыі праз сацыяльныя сеткі»

Бюджэтнікаў і іх дзяцей прымушаюць выдаліць падпіску на апазіцыйныя суполкі.

14.05.2014 Алесь Бяляцкі атрымаў літаратурную Прэмію імя Алеся Адамовіча

13 траўня ў Менску ўганаравалі лаўрэатаў прэмій Францішка Багушэвіча і Алеся Адамовіча. Прэмію Алеся Адамовіча атрымаў палітвязень Алесь Бяляцкі за кнігу «Асьвечаныя беларушчынай». Прэмію Багушэвіча — Зміцер Матвейчык за кнігу «Паўстанне 1863-64 гадоў: нарыс баявых дзеянняў».

14.05.2014 У Мінску затрыманы Алег Кероль, сёння суд

Вечарам 13 мая каля Нацыянальнай бібліятэкі ў Мінску затрымалі Алега Кероля. Ён расклейваў налепкі з тэкстам салідарнасці з затрыманымі напярэдадні чэмпіянату свету па хакеі актывістамі. Алег Кероль паспеў паведаміць праваабаронцам, што яго вязуць у Першамайскі РУУС.

13.05.2014 Пратэст супраць увядзення Расійскай Федэрацыяй войскаў на тэрыторыю Украіны расцэнены як распальванне нацыянальнай варожасці

Сёння ў судзе Бярозаўскага раёна пачаўся разгляд скаргі праваабаронцаў на дзеянні райвыканкаму, які спачатку даў дазвол, а потым забараніў правядзенне пікета 25 сакавіка.