Праваабарончы цэнтр «ВЯСНА»

Навіны за Сакавік 2014

04.03.2014 Гродна: абласны суд не задаволіў скаргу Мікалая Уласевіча

3 сакавіка Гродзенскі абласны суд не задаволіў скаргу грамадскага актывіста з Варнянаў Мікалая Уласевіча, якую ён падаў на адмову ў рэгістрацыі кандыдатам у дэпутаты абласнога савета. Пачынаўся разгляд справаў у залі для грамадзянскіх спраў, а ўвечары скарга Уласевіча разглядалася ўжо ў памяшканні па разглядзе крымінальных спраў.

04.03.2014 Расейскія памежнікі 6 гадзін надглядалі і апытвалі беларускага журналіста

Расейскія памежнікі 6 гадзін даглядалі і апытвалі беларускага журналіста, карэспандэнта газеты «Камсамольская праўда ў Беларусі» Паўла Міцкевіча.

04.03.2014 Расійскае пасольства адмовілася прымаць зварот "Вясны" з нагоды падзеяў ва Украіне

4 сакавіка сябры ПЦ "Вясна" зрабілі спробу перадаць Паслу Расійскай Федэрацыі ў Беларусі Аляксандру Сурыкаву зварот з патрабаваннем да расійскіх уладаў не дапускаць далейшай эскалацыі канфлікту ва Украіне.

04.03.2014 Зварот Праваабарончага цэнтра «Вясна» да ўладаў Расійскай Федэрацыі

Праваабарончы цэнтр «Вясна» заклікае кіраўніцтва Расійскай Федэрацыі не дапускаць далейшай эскалацыі канфлікту ва Украіне і неадкладна пачаць перамовы па пытаннях, якія закранаюць інтарэсы абедзвюх краінаў.

04.03.2014 У Салігорску плануецца тэрміновы антываенны мітынг

Заяўніком мерапрыемства выступіў мясцовы грамадскі актывіст Уладзімір Шыла. Да такога кроку яго падштурхнулі агрэсіўныя дзеянні расійскай арміі ва ўкраінскім Крыме. Актывіст просіць улады даць дазвол на правядзенне адпаведнага мітынгу ў тэрміновым парадку альбо прапануе чыноўнікам арганізаваць адпаведнае мерапрыемства самастойна.

04.03.2014 Уладзімір Макей распавёў пра лёс беларускіх палітвязняў

1 сакавіка Міністр замежных спраў Беларусі Уладзімір Макей даў інтэрв'ю інфармацыйнаму агенцтву BNS (Baltic News Service) ў Вільні. Поўны тэкст гутаркі, размешчаны на сайце Міністэрства замежных спраў Беларусі.

03.03.2014 Правакацыі вымусілі Міколу Статкевіча напісаць заяву аб бяспечным утрыманні

Як лічыць сам Мікола Статкевіч, правакацыі пачасціліся ў сувязі з жаданнем уладаў прымусіць яго напісаць прашэнне пра памілаванне.

03.03.2014 Брэст: улады прынеслі прабачэнні за несапраўдныя звесткі пра колькасць вылучэнцаў ад Партыі БНФ (дакументы)

Такая была рэакцыя на скаргу Брэсцкай абласной арганізацыі гэтай партыі, дзе паведамлялася, што ва ўсіх афіцыйных дакументах пазначана меншая колькасць зарэгістраваных кандыдатаў ад Партыі БНФ.

03.03.2014 Анатамічны тэатр шведскага горада Упсала. З гісторыі смяротнага пакарання

У XVII стагоддзі ў Швецыі пасля пакарання цела шыбенікаў выкарыстоўвалі ў “навуковых мэтах” - для ўскрыцця ў анатамічных тэатрах.

03.03.2014 У цэнтры Мінска затрымалі ўкраінца, які спытаў у міліцыянера: «Калі рухне рэжым Лукашэнкі?»

У нядзелю ў цэнтры Мінска, на Нямізе, падчас масленічных гулянняў, затрымалі 25-гадовага ўкраінца Антона Чарнечку, які падышоў да міліцыянера і спытаў: «Калі рухне рэжым Лукашэнкі?».

03.03.2014 За акцыю пратэсту каля Расійскай амбасады - арышты

Сёння ў судзе Цэнтральнага раёна разглядаюцца адміністратыўныя справы актывістаў “Маладога фронту” Зміцера Дашкевіча, Сяргея Фінькевіча, Яўгена Ціханава. Яны былі затрыманыя падчас акцыі пратэсту супраць расійскай агрэсіі ва Украіне каля амбасады Расіі 2 сакавіка і правялі ноч у ізалятары часовага ўтрымання.

03.03.2014 Суд па справе Віктара Шаршуна адклалі на 6-га сакавіка

Сёння ў судзе Цэнтральнага раёна пачаўся разгляд справы мінчука Віктара Шаршуна, збітага міліцыянтамі за бел-чырвона-белы сцяг на гаўбцы. Суддзя - Валерый Есьман. Разгляд справы адклалі, паколькі міліцыянты-сведкі не з'явіліся на працэс.

03.03.2014 Брэст: супольны пікет кандыдатаў (фота)

У Брэсце апазіцыйныя кандыдаты ў дэпутаты мясцовых саветаў упершыню зладзілі агульны агітацыйны пікет. Ён адбыўся 2 сакавіка, а ўдзел у акцыі бралі прадстаўнікі Беларускай сацыял-дэмакратычнай партыі (Грамада), Беларускай партыі левых “Справядлівы свет”, Партыі БНФ, Аб'яднанай грамадзянскай партыі, а таксама кампаніі “Гавары праўду!”.

02.03.2014 Пракуратура прызнала, што адміністрацыйная камісія Клімавіцкага райвыканкама створана з парушэннем заканадаўства

Жыхарка вёскі Дамамерычы Клімавіцкага раёна Алена Марчанка 27 лютага атрымала адказ з пракуратуры Клімавіцкага раёна на сваю скаргу на незаконныя дзеянні адміністрацыйнай камісіі Клімавіцкага раёна.

02.03.2014 Салігорскі тэлеканал адмовіўся віншаваць украінцаў "з хуткай вясной"

Падзеі ва Украіне падштурхнулі салігорскага грамадскага актывіста Уладзіміра Шылу да выказвання салідарнасці з украінскім народам. Дзеля гэтага ён паспрабаваў скарыстацца паслугай па размяшчэнні музычных віншаванняў у эфіры Салігорскага тэлевізійнага канала. Рэдакцыя СТК прыняла заяўку актывіста ды заключыла з ім афіцыйную дамову.