Праваабарончы цэнтр «ВЯСНА»

Навіны за Сакавік 2014

14.03.2014 Да вызвалення Аўтуховіча застаецца меньш за месяц

Прадпрымальнік у лістах піша, што пакуль не плануе сваю будучыню, бо да канца не можа быць упэўнены, што выйдзе на свабоду ў тэрмін. Да таго ж, над ім будзе ўсталяваны прэвентыўны нагляд - суд па гэтым пытанні адбудзецца на наступным тыдні.

14.03.2014 Ігар Лялькоў: Назіральнікі за выбарамі павінны мабілізавацца і годна выканаць свае абавязкі

Улады падчас выбарчай кампаніі ў мясцовыя саветы зраблілі ўсё магчымае, каб максімальна зменшыць колькасць назіральнікаў ад грамадскай кампаніі "Права выбару".

14.03.2014 Генік Лойка падаў у суд скаргу на КДБ

Скульптар і грамадскі дзеяч Гэнік Лойка падаў у суд на КДБ. Прычынай стала здарэнне, калі ў прыёмным пакоі КДБ супрацоўнік ведамства не змог адказаць наведніку на мове зварота.

14.03.2014 Сёння суд над Вінаградавым і Арцыбашавым

Актывістаў затрымалі ўчора ў раёне Маскоўскага РАУС. Ніякай акцыі хлопцы не планавалі, аднак ўчора вечарам іх адвезлі ў ЦІП на Акрэсціна.

14.03.2014 У Мінску пройдзе лекцыя "Прававыя механізмы ў праваабарончай дзейнасці"

Удзельнікі пачуюць адказы на пытанні: Ці бываюць праваабаронцы без юрыдычнай адукацыі? Як праз права вырашаць грамадскія праблемы?

14.03.2014 Ганцавіцкі выбаркам вынес папярэджанне кандыдату ў дэпутаты Ганцавіцкага райсавета Пятру Гузаеўскаму

Камісія ўгледзела парушэнне ў тым, што 6 сакавіка Пётр Гузаеўскі апублікаваў у газеце "Ганцавіцкі час" свой перадвыбарчы выступ.

14.03.2014 Гродна: “дэпутат” як сінонім заможнасці

Калі звярнуць увагу на сацыяльны і маёмасны стан кандыдатаў у дэпутаты гродзенскага гарадскога савету, то высвятляецца, што сярод вылучаных уладай асобаў – спрэс высокія чыноўнікі, службоўцы і кіраўнікі прадпрыемстваў, якія маюць досыць вялікія па мерках Беларусі заробкі і высокі маёмасны стан.

14.03.2014 Бабруйск: Толькі пяць кандыдатаў стварылі фонды

З 88 кандыдатаў у мясцовы Савет і 26 у абласны толькі пяць скарысталіся магчымасцю стварэння ўласных выбарчых фондаў. Нагадаем, што з бягучага года кандыдатам не выдаткоўваюцца сродкі на вядзенне перадвыбарчай агітацыі, і яны павінны самі фармаваць свае фонды праз афармленне спецыяльных выбарчых рахункаў у банку.

14.03.2014 Сёння ў Ваўкавыску суд за акцыю ў падтрымку Украіны

Віталь Гуляк выйшаў з украінскім жоўта-блакітным сцягам і плакатам “Не вайне! Пуцін прэч!” у сквер воінаў-інтэрнацыяналістаў а 17-тай гадзіне, у людны час, каб пабольш людзей убачылі яго пратэст. У аддзяленні на Вітала Гуляка быў складзены пратакол за правядзенне несанкцыянаванай акцыі.

13.03.2014 Мазыр: кандыдату ў абласны савет вынеслі папярэджанне

Як паведамляе назіральнік Уладзімір Целяпун, кандыдата абвінавацілі ў тым, што ён распаўсюджваў свае агітацыйныя матэрыялы без стварэння выбарчага фонда кандыдата і парушыў артыкулы 45 і 47 Выбарчага кодэкса Беларусі. Уладзмір Рэпко балатуецца ад Аб'яднанай грамадзянскай партыі.

13.03.2014 Магілёўская міліцыя зрывае акцыю “За добрыя дарогі”

На арганізатара традыцыйнай вясенняй акцыі аўтамабілістаў Іллю Палоннікава заведзена адміністрацыйная справа, а падчас агляду яго кватэры міліцыянтамі забраны на экспертызу два ноўтбукі. Акцыю “За добрыя дарогі” аўтамабіліст Ілля Палоннікаў арганізоўваў праз групу ў сацыяльнай сетцы “Укантакце”.

13.03.2014 У ЦІП на Акрэсціна адмовіліся прымаць ад грамадзян тэлевізары для затрыманых

Начальнік Цэнтра патлумачыў, што бязвыплатную дапамогу арганізацыям маюць права аказваць толькі юрыдычныя асобы і індывідуальныя прадпрымальнікі.

13.03.2014 Следчы камітэт праводзіць праверку па справе падлогу дакументаў старшынёй віцебскай гарадской выбарчай камісіі

Віцебскія актывісты Аляксей Гаўруцікаў і Хрыстафор Жаляпаў лічаць старшыню камісіі вінаватай у крымінальным злачынстве – падлогу і фальсіфікацыі дакументаў падчас праверкі сапраўднасці подпісаў і рэгістрацыі кандыдатаў у дэпутаты.

13.03.2014 Праваабаронцы запускаюць інтэрактыўны рэсурс па назіранні за мясцовымі выбарамі

Далучыцца да кампаніі зможа кожны ахвотны - дастаткова запоўніць на сайце анкету і даслаць свае вынікі назірання на канкрэтным выбарчым участку.

13.03.2014 Гродна: Петыцыю супраць тытунёвых кіёскаў падпісала больш за 3000 чалавек

Аўтары петыцыі патрабуюць, каб колькасць кіёскаў у адкрытай гарадской прасторы была змешчана, кіёскі зніклі з прыпынкаў грамадскага транспарту і былі перанесеныя ў існуючыя крамы, рынкі, супермаркеты. Яны таксама лічаць, што колеры кіёскаў павінны быць менш яскравымі і на іх не павінна быць надпісу “Табак”.