Праваабарончы цэнтр «ВЯСНА»

Навіны за Сакавік 2014

18.03.2014 Праваабарончая праграма “Людзьмі звацца!” на Беларускім Радыё Рацыя

"Падзея тыдня": паляванне на інфармацыйную прадукцыю апазіцыйных кандыдатаў і незалежных назіральнікаў напярэдадні датэрміновага галасавання. “Асоба. Дзяржава. Грамадства”: Галіна Мамедава распавядае пра складаную справу свайго сына, незаконна абвінавачанага ў забойстве і зняволенага на 24 гады.

18.03.2014 Прымушаюць галасаваць датэрмінова – інфармуй праваабаронцаў

Зварот прадстаўнікоў кампаніі “Праваабаронцы за свабодныя выбары” да выбаршчыкаў Беларусі

18.03.2014 Смяротнае пакаранне: ад помсты да абаліцыянізму

У наш час расце рух абаліцыяністаў - прыхільнікаў поўнай адмены смяротнага пакарання. У свеце налічваецца 98 краінаў–абаліцыяністаў, дзе смяротнае пакаранне адсутнічае наогул – за злачынствы, здзейсненыя як у мірны час, так і падчас вайны.

18.03.2014 Пачынаецца датэрміновае галасаванне на выбарах дэпутатаў мясцовых саветаў

18 сакавіка ў Беларусі пачынаецца датэрміновае галасаванне на выбарах дэпутатаў мясцовых саветаў. Выбарчыя ўчасткі будуць працаваць па 22 сакавіка ўключна з 10 да 14 гадзін і з 16 да 19 гадзін.

17.03.2014 Гродзенская абласная камісія не задаволіла скаргу Вадзіма Саранчукова

Гродзенская абласная выбарчая камісія, як паведаміў прысутны на яе паседжанні незалежны назіральнік Віктар Сазонаў, разгледзела 17 сакавіка два пытанні – скаргу старшыні гарадской арганізацыі Партыі БНФ Вадзіма Саранчукова, а таксама гатоўнасць да правядзення выбараў прадстаўнікоў міліцыі і МНС.

17.03.2014 Сёння - суды над удзельнікамі пікету АГП

У Мінску ў судзе Савецкага раёна судзяць затрыманых 16 сакавіка ўдзельнікаў пікета АГП, які быў узгоднены з уладамі як перадвыбарны.

17.03.2014 Кандыдацкага фонду хапае толькі на публікацыю аднаго артыкулу ў газеце (дакумент)

"З такімі коштамі на публікацыі ў газеце немагчыма правесці нармалёвую паўнавартасную агітацыйную кампанію. Атрымліваецца, што за сродкі на вядзенне агітацыі ты можаш сабе дазволіць альбо друк улётак, альбо публікацыю ў газеце. І ўсё", - кажа Паўлоўскі.

17.03.2014 Гомельскі актывіст АГП Уладзімір Шыцікаў атрымаў 10 сутак за ўдзел у пікеце

Суддзя суду Савецкага раёна Гомеля Сяргей Шэўструк прызнаў сябра АГП Уладзіміра Шыцікава вінаватым у парушэнні парадку правядзення масавага мерапрыемства і пакараў 10 суткамі арышту. Паседжанне суду праходзіла без сведкаў, паколькі нікога, хто жадаў падтрымаць затрыманага, не пусцілі ў памяшканне суда.

17.03.2014 73-гадовага вязня ГУЛАГу пасадзілі на Акрэсціна

Старшыню беларускага "Мемарыяла" Уладзіміра Раманоўскага, які нарадзіўся і правёў 20 гадоў жыцця на Калыме, асудзілі на 10 сутак арышту.

17.03.2014 Хоцімская раённая камісія назвала, колькі працэнтаў напіша дэмакратычнаму кандыдату

Валерый Каранкевіч: "Супрацоўнік КДБ замест таго, каб лавіць шпіёнаў і бандытаў, пачаў праводзіць гутаркі з людзьмі, якія падпісаліся за маё вылучэнне ў якасці кандыдата ў дэпутаты, ціснуць на іх. Атрымліваецца, што мясцовымі выбарамі ў нас займаецца КДБ, а не выбарчыя камісіі. Пра якія “роўныя магчымасці” можа ісці размова?"

17.03.2014 Мікалая Уласевіча пазбавілі кандыдацтва ў сельскі савет

Мікалай Уласевіч, кандыдат у дэпутаты сельскага Савета па Варнянскай выбарчай акрузе №4, адпаведным рашэннем выбарчай камісіі пазбаўлены статусу кандыдата. Фармулёўка пастановы Варнянскай камісіі – за заклік да байкоту выбараў, які змешчаны ва ўлётцы кандыдата.

17.03.2014 Для кандыдата Леаніда Дубаносава ўсе месцы занятыя

Кандыдат у дэпутаты Леанід Дубаносаў планаваў правесці пікеты 15-16 сакавіка ў спецыяльна вызначаных для гэтых мэтаў месцах, пра што ўведаміў Мікашэвіцкі гарвыканкам адпаведнымі заявамі. З гарвыканкаму кандыдат атрымаў адмовы за подпісам старшыні Анатоля Давыдовіча.

17.03.2014 Ваўкавыскі актывіст Віталь Гуляк аштрафаваны на 10 базавых велічынь

Суддзя Ваўкавыскага раённага суду Мікалай Талашка аштрафаваў грамадскага актывіста, а таксама пастанавіў знішчыць матэрыялы ўдзельніка пікета – украінскі дзяржаўны жоўта-блакітны сцяг і выраблены плакат. Віталь Гуляк збіраецца абскарджваць судовае рашэнне.

17.03.2014 У Брэсце распаўсюдзілі брашуры з рашэннем Камітэта па правах чалавека ААН па справе Уладзіслава Кавалёва

Беларусь у чарговы раз праігнаравала патрабаванне Камітэта па правах чалавека ААН -- улады не надрукавалі і не распаўсюдзілі меркаванне наддзяржаўнага органа па справе расстралянага па абвінавачанні ў здзяйсненні тэракту ў мінскім метро Уладзіслава Кавалёва.

17.03.2014 Кандыдаты ў Жодзіне не праяўляюць актыўнасць

Па словах незалежнага назіральніка Аляксея Лапіцкага, у горадзе адсутнічаюць агітацыйныя кампаніі, хоць да дня галасавання застаецца меньш за тыдзень.