Праваабарончы цэнтр «ВЯСНА»

Навіны за Сакавік 2014

19.03.2014 Шклоў: пра судзімасць старшыні райсавета ўпарта адмаўляюцца паведамляць выбаршчыкам

Рыгор Кастусёў атрымаў адказ з пракуратуры Шклоўскага раёна на сваю паўторную заяву, у якой ён прасіў патлумачыць, на якой падставе пасаду старшыні Шклоўскага раённага Савета дэпутатаў займае Міхаіл Паўловіч, які мае судзімасць.

19.03.2014 Ярмошына параіла кандыдатам у дэпутаты пісаць блогі

Калі выбаршчыкі не ходзяць на сустрэчы з кандыдатамі ў дэпутаты, то апошнім варта абзавесціся блогамі, каб народ змог даведацца пра іх.

19.03.2014 У Магілёве на многіх участках адсутнічаюць стэнды для размяшчэння агітацыйных матэрыялаў кандыдатаў у дэпутаты

"Дырэктар сярэдняй школы №26 Макарчыкаў, які з’яўляецца адначасова і старшынёй адной з гэтых выбарчых камісій, сказаў, што паставіць гэтыя стэнды толькі ў асноўны дзень галасавання 23 сакавіка”, - кажа Паўлоўскі.

19.03.2014 Мікашэвічы: назіранне з выпрабаваннямі

"Яшчэ падчас рэгістрацыі 17 сакавіка мы звярнулі ўвагу, што стол для назіральнікаў стаіць у кутку так далёка, што нічога не відаць, што адбываецца на самім участку: ні кабінак для галасавання, ні скрынкі для галасавання. Мы папрасілі пераставіць столік, але нам у гэтым было адмоўлена".

19.03.2014 У Бараўлянах на выбарчых участках не было звестак пра альтэрнатыўнага кандыдата

У Бараўлянах на выбарчых участках № 1 і 3 1-й Бараўлянскай выбарчай акругі № 5 па выбарах у Мінскі раённы савет дэпутатаў у першы дзень датэрміновага галасавання не было інфармацыі (фота і кароткая біяграфія) пра прамоўцу Беларускай Хрысціянскай Дэмакратыі Паўла Пракаповіча, тады як пра яго суперніка інфармацыя была.

19.03.2014 Бараніць Курапаты праз суд

Так вырашылі прадстаўнікі грамадскасці. У сваёй скарзе, накіраванай 17 сакавіка ў суд Цэнтральнага раёна Мінска, яны просяць абавязаць Генеральную пракуратуру прадпрыняць дзеянні для выпраўлення парушэнняў заканадаўства аб ахове Курапатаў з боку СТАА «БелРэстІнвест», а таксама для вынасу 4 дамкоў аб’екту прыдарожнага сервісу з першапачатковай назваю «Бульбаш-хол» з тэрыторыі ахоўнай зоны гісторыка-культурнай каштоўнасці.

18.03.2014 Грамадзяне адмаўляюцца ісці на выбары: "Навошта галасаваць за дэмагогаў, якія ігнаруюць нас і законы"

18 сакавіка група грамадзянаў з розных рэгіёнаў Беларусі заявіла пра сваю адмову ад удзелу ў маючых адбыцца мясцовых выбарах. На сустрэчы з журналістамі ў Мінску яны распавялі пра свае прычыны недаверу да «кішэнных» дэпутатаў.

18.03.2014 Назіральнікі фіксуюць парушэнні на выбарчых участках у Віцебску

"Не магу ўстрымацца, каб не працытаваць адказ старшыні Ігара Керасёва. Ён напісаў літаральна наступнае: "этот фальшивый и гнусно поганый опус я оставляю без удовлетворения и рассматриваю его как попытку создания препятствий для проведения выборов".

18.03.2014 Брэст: ад назіральніка запатрабавалі не прадугледжаны заканадаўствам дакумент

17 сакавіка падчас акрэдытацыі назіральнікам на выбарчым участку № 52 Брэста сябры камісіі запатрабавалі ў Уладзіміра Вялічкіна пакінуць заяву грамадзян на вылучэнне яго ў якасці назіральніка.

18.03.2014 Пасля вызвалення над Аўтуховічам устаноўлены прэвентыўны нагляд (абноўлена)

Тэрмін нагляду - 1 год і 4 месяцы. Вызваленне палітвязня чакаецца 8 красавіка.

18.03.2014 Орша: за адну гадзіну на ўчастку запісалася галасаваць на даму 340 чалавек

"Мы дзяжурым на ўчастку папераменна з Мікалаем Клешчанком, даверанай асобай кандыдата Віталя Тамашэвіча. Яму і паведамілі, што ў першую ж гадзіну галасавання запісаліся адразу 340 чалавек, якія хочуць, каб да іх прыехалі са скрыняй. Гэта – амаль трэцяя частка ад колькасці ўсіх выбаршчыкаў на ўчастку!"

18.03.2014 Мінкультуры выйграла суд па будаўніцтву моста ў Брэсцкай крэпасці

17 сакавіка суддзя суду Цэнтральнага раёну Мінска Алена Семак не задаволіла скаргу сябры Беларускага добраахвотнага таварыства аховы помнікаў гісторыі і культуры (БДТАПГіК) Дзяніса Турчаняка на дзеянні Міністэрства культуры па ўхваленню праектнай дакументацыі на пабудову аўтамабільна-пешаходнага маста праз роў Кобрынскага ўмацавання Брэсцкай крэпасці.

18.03.2014 21 сакавіка - прэзентацыя кнігі Дашкевіча "Чарвяк"

Актывіст "Маладога фронту" і былы палітвязень прэзентуе зборнік турэмных твораў. У збронік увайшлі творы, напісаныя у турмах і калоніях, дзе актывіст знаходзіўся з 2006 па 2013 гады.

18.03.2014 Блогера Алега Жалнова аштрафавалі на 45 базавых велічынь

Бабруйскі раённы суд 17 сакавіка аштрафаваў мясцовага блогера на 5.850.000 рублёў за размешчаны на Youtube запіс з прыёму грамадзян службовай асобай.

18.03.2014 У Воршы на адным участку на галасаванне па хатах "запісаліся" 340 чалавек

У Воршы на большасці выбарчых участкаў назіральнікам не даюць магчымасці адзнаёміцца са спісамі выбаршчыкаў, пра гэта паведаміў каардынатар аргкамітэту па стварэнні партыі "Беларуская Хрысціянская Дэмакратыя" Яўген Анішчанка.