Праваабарончы цэнтр «ВЯСНА»

Навіны за Сакавік 2014

20.03.2014 У кабінах для галасавання вісяць “падказкі”

Пра гэта 19 сакавіка ў 18.10 пасля выхаду з кабіны для галасавання на ўчастку №6 выбарчай акругі №48 горада Мінска заявіла жыхарка сталіцы сябрам участковай выбарчай камісіі па выбарах дэпутатаў у мясцовыя саветы.

20.03.2014 Баранавічы: выступу на радыё кандыдат так і не дачакаўся

Мікалай Чарнавус паведамляе, што падрыхтаваў выступленне па радыё, аднак ніхто яго так і не запрасіў. У сваёй скарзе ён піша, што старшыня тэрытарыяльнай камісіі Баранавіцкай-Заходняй выбарчай акругі № 21 Ларыса Антонава наўмысна не ўключыла яго прозвішча ў спіс кандыдатаў для выступлення па радыё.

20.03.2014 Рэчыца: старшыня райвыканкаму палохае выбаршчыкаў апазіцыяй і падзеямі ва Украіне

На самой справе, як ён піша, апазіцыя хоча не дабра для народа, а «раскачаць наш човен знізу, праз укараненне сваіх прадстаўнікоў у мясцовыя органы ўлады». Віталь Панчанка ўпэўнена піша, што прадстаўнікі апазіцыі «грошы на гэта атрымалі, якія трэба адпрацаваць».

20.03.2014 Прызначаная дата разгляду касацыйнай скаргі Лыкава, асуджанага на смяротнае пакаранне

15 красавіка судовая калегія па крымінальных справах Вярхоўнага суда разгледзіць касацыйную скаргу Эдуарда Лыкава. Пачатак паседжання - 9.30.

20.03.2014 На Акрэсціна адмовіліся прымаць перадачу для гомельскіх актывістаў

Перадачу на 10 кг у ЦІП прынесла актывістка Вольга Нікалайчык. Набытыя прадукты - у спісе дазволеных. Аднак перадачу не прынялі, паколькі Вольга не з'яўляецца сваячкай затрыманых Карашкова і Булы.

20.03.2014 Сетка Дамоў правоў чалавека заклікае дзяржавы выконваць рэзалюцыю аб абароне праваабаронцаў

21 сакавіка спаўняецца год з моманту прыняцця Саветам па правах чалавека ААН Рэзалюцыі аб абароне праваабаронцаў. Гэты дакумент ўстанаўлівае прынцыпы і стандарты для дзяржаў дзеля стварэння спрыяльных умоў для праваабаронцаў.

20.03.2014 Назіральніца з Рагачова скардзіцца на невыкананне Выбарчага кодэксу

Назіральніцы Разумавай у парушэння закона было адмоўлена ў акрэдытацыі на выбарчым участку.

20.03.2014 Брэст: кандыдаты лічаць, што выкарыстанне бюлетэняў без выходных дадзеных дае магчымасці для фальсіфікацый

Так, кандыдат у дэпутаты Брэсцкага гарсавета Аляксандр Мельнік звярнуўся з гэтай нагоды ў абласную пракуратуру і патрабуе правесці праверку па факту выкарыстання такіх бюлетэняў на ўчастку для галасавання па выбарчай акрузе №31.

20.03.2014 На агітацыйнай улётцы кандыдата няма выходных дадзеных (фотафакт)

На перадвыбарчай агітаыцйнай улётцы кандыдата ў дэпутаты Бараўлянскага сельскага савета Максіма Урванцава, які балатуецца па 6-й Лясной выбарчай акрузе №12, адсутнічаюць выходныя дадзеныя.

20.03.2014 “Праваабаронцы за свабодныя выбары” запрашаюць на прэс-канферэнцыю!

24 сакавіка адбудзецца прэс-канферэнцыя кампаніі “Праваабаронцы за свабодныя выбары” па выніках назірання за выбарамі ў дэпутаты мясцовых Саветаў дэпутатаў 27-га склікання.

19.03.2014 Біяграфія кандыдата ад ЛДПБ – спрэс загадкі

Можна зразумець, што Іван Паноцкі служыў адначасова ў войсках дзвюх краін. Гэты ж агітацыйны матэрыял сцвярджае, што кандыдат Паноцкі ў дадатак да вайсковай службы на дзве краіны яшчэ і працаваў на іншых працах: з 1993-га году будаўніком у Гародні, а з 1995-га – індывідуальным прадпрымальнікам.

19.03.2014 Гомель: на двух участках яўка, па дадзеных назіральнікаў, ужо завышана ў 10 разоў

Калі ў першы дзень датэрміновага галасавання, 18 сакавіка, на участку №8 яўка, па дадзеных назіральнікаў і пратаколу камісіі супала – 10 чалавек, то 19 сакавіка назіральнікі налічылі 11 чалавек, а ў выніковым пратаколе камісіі з'явілася лічба «112 чалавек». На ўчастку №9 за 19 сакавіка назіральнікі налічылі 10 чалавек, а ў пратаколе з'явілася лічба «121 чалавек».

19.03.2014 Бярозаўская міліцыя не заключае дамову на абслугоўванне пікета ў Дзень Волі

Бярозаўскія праваабаронцы Сяргей Русецкі і Тамара Шчапёткіна не здолелі заключыць дамову з міліцыяй на абслугоўванне пікету 25 сакавіка. Міліцыя спаслалася на тое, што райвыканкам не звярнуўся да іх пасля атрымання заявы на пікет, каб абмеркаваць магчымасць абслугоўвання масавага мерапрыемства.

19.03.2014 Суд Клімавіцкага раёна адмяніў пастанову аб спыненні адміністрацыйнай справы адносна ўчастковага інспектара

У сваёй пастанове суддзя адзначыла шматлікія парушэнні пры вынясенні пастановы аб спыненні справы аб адміністрацыйным правапарушэнні ў адносінах малодшага ўчастковага інспектара Панасенка В. С. у Клімавіцкім РАУС.

19.03.2014 Дастукацца да КС

Гісторыя пра тое, як прэзідэнцкая адміністрацыя стварае бар'еры на шляху грамадзянаў да канстытуцыйнага правасуддзя - у той час як старшыня Канстытуцыйнага суда раіць ім звяртацца да кіраўніка дзяржавы.