Праваабарончы цэнтр «ВЯСНА»

Навіны за Люты 2014

05.02.2014 У Бабруйску лічаць, што прысутнасць назіральніка пры фармаванні камісій – неправамоцная (дакумент)

Прысутнасць на пасяджэнні адміністрацыі раёна па пытанні "Аб стварэнні участковых камісій" назіральніка ад Беларускага Хельсінкскага камітэта - неправамоцная. Да такой высновы прыйшоў першы намеснік кіраўніка адміністрацыі Ленінскага раёна Вячаслаў Каратчэня.

05.02.2014 У Жодзіна назіральніку забаранілі прысутнічаць пры фармаванні складу выбарчых камісіяў

На афіцыйны запыт БХК з пытаннем даты і часу правядзення паседжання па фармаванні складу ўчастковых выбарчых камісіяў, старшыня гарвыканкаму М.М. Амельянчук адзначае, што незалежны назіральнік Аляксей Лапіцкі не мае права прысутнічаць на адзначаным мерапрыемстве.

05.02.2014 Фанатаў барысаўскага БАТЭ дагэтуль расшуквае міліцыя

Першы фанат Яўген (прозвішча юнак назваць адмовіўся) быў затрыманы 29 студзеня, а суд над ім адбыўся на наступны дзень. Суддзя Барысаўскага суда Лідзія Малчанава звінаваціла яго ў парушэнні арт. 23.34 КаАП РБ (парушэнне парадку арганізацыі ці правядзення масавых мерапрыемстваў) ды пакарала арыштам на 5 сутак.

05.02.2014 Магілёў: Кампанія “Гавары праўду” правяла пікет у цэнтры горада

У пікеце па збору подпісаў за прэтэндэнтаў у кандыдаты ў дэпутаты на выбарах у мясцовыя Саветы прынялі ўдзел кандыдаты ў дэпутаты ад кампаніі “Гавары праўду” і Беларускай сацыял-дэмакратычнай партыі (Грамады).

05.02.2014 Ігар Пастноў: "Калі грамадзянам забараняюць пікеты, улады самі іх штурхаюць на "майдан"

Віцебскі "урач-праўдаруб" хацеў аспрэчыць забарону на пікет-рэквіем ў памяць пра ахвяр міліцэйскага гвалту. Але 4 лютага суд Кастрычніцкага раёну пастанавіў, што раённая адміністрацыя забараніла акцыю на законных падставах. Ігар Пастноў збіраецца і далей абскарджваць судовае рашэнне.

05.02.2014 Брэсцкая міліцыя “цісне” на ўдзельнікаў пікета па збору подпісаў

Як паведаміў старшыня Брэсцкай абласной арганізацыі Аб’яднанай грамадзянскай партыі Уладзімір Вуек, на наступны дзень пасля пікета, які адбыўся 30 студзеня, ён атрымаў позву з патрабаваннем з’явіцца ў апорны пункт міліцыі.

05.02.2014 Салігорск: Фармаванне ўчастковых выбарчых камісій адбываецца ў непразрыстых умовах

Доўгатэрміновы назіральнік ад БХК Леанід Мархотка кажа пра непразрыстасць выбарчага працэсу ў Салігорскім раёне. Да такой высновы ён прыйшоў пасля наведвання паседжання Салігорскага раённага выканаўчага камітэту па фармаванні ўчастковых выбарчых камісій.

05.02.2014 Бабруйск: Міліцыянты "апытвалі і правяралі" блогера больш за 11 гадзін

Пасля ранішняга затрымання 4 лютага, бабруйскага блогера Алега Жалнова адпусцілі толькі позна вечарам, пасля 11 з паловай гадзін знаходжання ў УУС.

04.02.2014 Гродна: падчас фармавання ўчастковых камісій абмяркоўваўся толькі назіральнік

У Ленінскім раёне старшыня паседжання адмыслова вылучыў час, каб растлумачыць усім прысутным, што заканадаўства не абавязвае пускаць на паседжанне незалежнага назіральніка, праваабаронцу Віктара Сазонава. Пасля адміністрацыя імкліва зацвердзіла склад усіх 66 участковых камісій.

04.02.2014 Бабруйск: Затрыманы блогер Алег Жалноў

Алег Жалноў, вядомы бабруйскі блогер, быў затрыманы ў УУС з-за "спробы дыстанцыйнага падрыву" гэтага будынка. Яго тэлефон дасюль недасягальны, але, як стала вядома ад знаёмых блогера, прычынай падазрэнняў стала бірулька з гукавым сігналам, якая зазвінела ў кішэні Жалнова.

04.02.2014 Украінскі пісьменнік з Майдана – Алесю Бяляцкаму: “Вашая і нашая барацьба недарэмная”

Алесь Бяляцкі ў засценках бабруйскай калоніі атрымаў пасланне ад вядомага ўкраінскага пісьменніка і перакладчыка Аляксандра Ірванца, які ў драматычныя для свайго народу часы практычна штодня знаходзіцца на кіеўскім Майдане.

04.02.2014 Віталя Рымашэўскага выклікаюць у міліцыю

Сустаршыня аргкамітэту па стварэнні партыі "Беларуская Хрысціянская Дэмакратыя" Віталь Рымашэўскі выкліканы ў РАУС Савецкага раёна Менска на пятніцу, 7 лютага.

04.02.2014 Баранавічы: праваабаронца звярнуўся ў Канстытуцыйны суд з нагоды інгаравання рашэнняў Камітэта ААН

Найбольшае шкадаванне выклікае пазіцыя МЗС, якую, згодна атрыманых ім адказаў, можна сфармуляваць наступным чынам – Факультатыўны пратакол да Міжнароднага пакта аб грамадзянскіх і палітычных правах не накладае на дзяржаву ніякіх міжнародна-прававых абавязацельстваў.

04.02.2014 Суд наконт аршанскага пікета па праблеме маста цягнецца другі месяц

"Незразумела, навошта ў рашэнні гарвыканкаму пералічаны гэтыя службы, з якімі арганізатары мусяць заключаць дамовы, калі самі службы не ў стане гэта зрабіць? Выглядае, што рашэнне пра парадак арганізацыі масавых акцый проста недасканалае, але ж на яго спасылаюцца, калі нам адмаўляюць!"

04.02.2014 Акцыя FIDH перад Алімпіядай у Сочы: "Правы чалавека - не гульня"

Напярэдадні Алімпійскіх гульняў у Сочы Міжнародная федэрацыя за правы чалавека (FIDH) праводзіць акцыі пратэсту супраць парушэнняў правоў чалавека ў Расіі. За тыдзень да пачатку Алімпіяды такая акцыя адбылася ў Парыжы. Таксама праваабаронцы пратэставалі ў Бруселі, напярэдадні саміту Расія - Еўрасаюз, удзел у якім прымаў прэзідэнт РФ Уладзімір Пуцін.