Праваабарончы цэнтр «ВЯСНА»

Навіны за Студзень 2014

14.01.2014 Жодзінскі гарвыбаркам зарэгістраваў усяго 6 ініцыятыўных груп

Назіральнікі адзначаюць скрайне пасіўную сітуацыю з падачай заяў на рэгістрацыю ініцыятыўных груп па вылучэнні кандыдатамі ў дэпутаты Жодзінскага гарадскога Савета дэпутатаў 27 склікання.

14.01.2014 Баранавічы: зарэгістраваны першыя 6 ініцыятыўных груп

Збіраць подпісы збіраюцца 3 прадстаўнікі кампаніі “Гавары праўду” Вячаслаў Болбат, Віктар Цяпін і Зміцер Малочка, сябра палітычнай партыі “Справядлівы свет” – Чэслаў Гузоўскі. Шляхам збору подпісаў збіраецца вылучацца і грамадскі актывіст Рыгор Грык. Адносна шостага пртэндэнта вядома толькі імя і прозвішча – Валянцін Цыганкоў.

14.01.2014 Палітвязень Яўген Васьковіч сустрэнецца ў турме з роднымі

Яўгену Васьковічу, які адбывае пакаранне ў Магілёўскай турме № 4, дазволілі кароткатэрміновае спатканне з роднымі. Пра гэта паведаміла яго маці Рушанія Васьковіч.

14.01.2014 Кіраўніка АГП Анатоля Лябедзьку пакаралі штрафам (фота)

Кіраўнік Аб'яднанай грамадзянскай партыі Анатоль Лябедзька прызнаны вінаватым у парушэнні артыкула 23.34, частка 3 (арганізацыя альбо ўдзел у несанкцыянаваным масавым мерапрыемстве) і пакараны штрафам у памеры 45 базавых велічынь (5 мільёнаў 850 тысяч рублёў).

14.01.2014 Віцебскаму праваабаронцу Пятру Іванову пагражаюць дэпартацыяй

Пётр Іваноў нарадзіўся ў Беларусі, але працаваў у Расійскай Федэрацыі, дзе і атрымаў грамадзянства. Ягоная дзейнасць па абароне правоў жыхароў Віцебска прыцягнула пільную ўвагу з боку міліцэйскіх структур. Цяпер Аддзел грамадзянства і міграцыі Кастрычніцкага РАУС патрабуе ад Іванова справаздачы, на якія сродкі ён жыве.

13.01.2014 За што дацэнт Гродзенскага ўніверсітэта папала пад кола рэпрэсій

Кандыдат гістарычных навук Гродзенскага ўніверсітэта Іна Соркіна не абрана на пасаду дацэнта. Яе замяніць Уладзімір Ягорычаў — выкладчык з красамоўнай мянушкай «сталініст».

13.01.2014 Брэст: гарвыканкам вяртае ў 2010 год

У рубрыцы “Выбары-2014” на афіцыйнай інтэрнэт-старонцы гарвыканкама змешчана спасылка на рашэнне, якое павінна патлумачыць, дзе нельга ладзіць пікеты з мэтай збору подпісаў сярод выбаршычкаў.

13.01.2014 Amnesty International абвясціла "тэрміновую акцыю" ў сувязі з вынясеннем смяротнага прысуду Эдуарду Лыкаву

Міжнародныя праваабаронцы заклікаюць звяртацца да прэзідэнта Лукашэнкі з патрабаваннем адмяніць усе вынесеныя ў 2013 смяротныя прысуды.

13.01.2014 Бялыніцкі раён: падаў на рэгістрацыю ініцыятыўнай групы – выклікаў кіраўнік

Дакументы на рэгістрацыю ініцыятыўных груп па сбору подпісаў за вылучэнне кандыдатамі ў дэпутаты падалі 10 студзеня ў акруговую і тэрытарыяльную выбарчыя камісіі бялыніцкія дэмакратычныя актывісты.

13.01.2014 Месцы для збору подпісаў у Гомельскай вобласці: падалей ад будынкаў і людзей

У Светлагорску жадаючых збіраць подпісы шляхам пікетаў «адагналі» ад будынкаў выканкамаў, судоў і так далей на адлегласць не 50, а 200 метраў. Таксама нельга набліжацца для збору подпісаў на 50 метраў у Добрушы ад будынкаў выканкамаў, пракуратуры, суду, прыпынкаў грамадскага транспарту.

13.01.2014 Баранавічы: скарга па справе Мілавідскага фэсту накіравана ў Вярхоўны суд

Віктар Сырыца быў прызнаны вінаватым у парушэнні ч. 2 арт. 23.34 КаАП і прыцягнуты да адміністрацыйнай адказнасці ў выглядзе штрафу ў памеры 20 базавых велічынь за падрыхтоўку і арганізацыю несанкцыянаванага мітынгу ў Мілавідах 2 чэрвеня.

13.01.2014 Маці Аўтуховіча: «Сын апынуўся ў турме за тое, што пайшоў супраць сістэмы»

7 студзеня Мікола Аўтуховіча сустрэў у турме чарговы дзень нараджэння. Яму споўніўся 51 год. Амаль дзесяць год ён не займаецца бізнэсам, але дагэтуль яго ведаюць як прадпрымальніка, які праз барацьбу з карупцыяй і несправядлівасцю апынуўся за кратамі.

Андрэй Палуда: “Калі дзяржава лічыць, што смяротнае пакаранне стрымлівае злачыннасць, то чаму ўтойвае інфармацыю пра смяротныя прысуды”?

13.01.2014 Андрэй Палуда: “Калі дзяржава лічыць, што смяротнае пакаранне стрымлівае злачыннасць, то чаму ўтойвае інфармацыю пра смяротныя прысуды”?

Праваабаронца разглядае самыя папулярныя аргументы "за" і "супраць" смяротнага пакарання і аналізуе грамадскую думку беларусаў на гэтую тэму.

13.01.2014 Пінскаму каардынатару БХД вынеслі папярэджанне за дзейнасць ад iмя незарэгiстраванай арганiзацыi

Пiнскаму каардынатару аргкамітэту па стварэнні партыі "Беларуская Хрысціянская Дэмакратыя" Сяргею Сухаверхаму пракуратура вынесла афiцыйнае папярэджанне за дзейнасць ад iмя незарэгiстраванай арганiзацыi.

13.01.2014 Беларускія ўлады не далі візы Пятрушцы Шустравай

Былую чэскую дысыдэнтку Пятрушку Шустраву запрасілі ў Менск на вечарыну памяці былога прэзыдэнта Чэхіі Вацлава Гаўла. Аднак у амбасадзе Беларусі ў Празе ёй адмовілі ў візе, паставіўшы адпаведны штамп у пашпарце.