Праваабарончы цэнтр «ВЯСНА»

Навіны за Студзень 2014

15.01.2014 У Магілёве зарэгістравана 41 ініцыятыўная група вылучэнцаў у дэпутаты

Магілёўская гарадская выбарчая камісія зарэгістравала ўсе ініцыятыўныя групы кандыдатаў у кандыдаты ў дэпутаты, якія пажадалі вылучыць свае кандыдатуры шляхам збору подпісаў. Прадстаўнікі “Справядлівага свету” і АГП адмовіліся вылучаць сваіх прадстаўнікоў у гарсавет шляхам збору подпісаў. Чакаецца, што яны вылучаць сваіх кандыдатаў ад партый.

15.01.2014 Справа Вацлава Гавела працягваецца (відэа, фота)

Удзельнікі вечарыны памяці вядомага чэшскага дысідэнта, змагара за правы чалавека Вацлава Гавела, якая прайшла 14 студзеня ў Мінску, казалі пра тое, што ідэі, якія спадар Гавел ажыццяўляў у сваёй краіне, вельмі слушныя для сённяшняй Беларусі.

15.01.2014 Рабочая група Асамблеі НДА прыняла новых сябраў і акрэсьліла асноўныя кірункі працы

14 студзеня ў Менску адбылося паседжаньне Рабочай групы Асамблеі НДА. Адзінагалосным рашэньнем у склад асацыяцыі былі прынятыя тры новыя арганізацыі ды ініцыятывы. Такім чынам зараз Асамблея аб’ядноўвае больш за 300 НДА.

15.01.2014 Інваліды перамаглі менскі аэрапорт

Сёньня а 14-й гадзіне ў судзе Кастрычніцкага раёна Менска будзе заключанае міравое пагадненьне паміж старшынём Рэспубліканскай асацыяцыі інвалідаў-вазочнікаў Яўгенам Шаўко і генэральным дырэктарам Нацыянальнага аэрапорту «Менск» Дзьмітрыем Мелікянам.

15.01.2014 Ярмошына супраць праймерыз

Несанкцыянаваныя апытанні выбаршчыкаў напярэдадні або ў час галасавання з'яўляюцца не чым іншым, як рэкламнымі або прапагандысцкімі трукамі. Такую думку выказала ў Гомелі журналістам старшыня Цэнтральнай камісіі Беларусі па выбарах і правядзенні рэспубліканскіх рэферэндумаў Лідзія Ярмошына.

15.01.2014 Яўген Васьковіч адбыў у ШІЗА 247 сутак

Адказны сакратар аргкамітэту па стварэнні партыі "Беларуская Хрысціянская Дэмакратыя" Дзяніс Садоўскі паведаміў прэсавай службе БХД пра сітуацыю з палітвязнем, сябрам БХД Яўгенам Васьковічам, на якога аказваецца моцны ціск з боку кіраўніцтва турмы № 4 у Магілёве.

15.01.2014 “Бацькаўшчыну” і ТБМ пазбавілі льгот па арэндзе

У Беларусі каля трох тысяч грамадскіх арганізацый. Да нядаўняга часу істотныя льготы па арэндзе памяшканняў (90 % зніжка) былі ў 451 арганізацыі. У гэтым годзе спіс шчасліўчыкаў рэзка скарацілі. Пералік ільготнікаў складаецца па ўзгадненні з прэзідэнтам.

15.01.2014 Старшыня Брэсцкага абласнога суда: пікет забаронены законна

Старшыня Брэсцкага абласнога суда Тамара Сучок не задаволіла скаргу бярозаўскіх праваабаронцаў аб забароне пікету 4 жніўня, скіраванага ў падтрымку беларускіх палітычных вязняў; рашэнне суда Бярозаўскага раёна і абласной судовай калегіі пакінута без зменаў.

14.01.2014 У Быхаве, Шклове і Круглым збіраюцца балатавацца альтэрнатыўныя прэтэндэнты

Цікава, што старшыня акруговай выбарчай камісіі Круглянскай выбарчай акругі №27 Іван Саплюкоў асабіста абтэлефанаваў усіх сяброў ініцыятыўнай групы па вылучэнні Алега Мяцеліцы, каб спраўдзіць інфармацыю, што яны сапраўды добраахвотна ўвайшлі ў склад групы прэтэндэнта ў кандыдаты.

14.01.2014 Бярозаўскіх праваабаронцаў і актывістаў павіншавалі Алесь Бяляцкі, Мікалай Аўтуховіч і Мікалай Статкевіч

Падчас святаў яны знайшлі час адказаць на віншаванні бярозаўскіх праваабаронцаў і актывістаў. Алесь Бяляцкі напісаў пра тое, што ў яго ўсё нармальна, “прыцярпеўся”. Мікалай Аўтуховіч і Мікалай Статкевіч з доляй аптымізму пажадалі актывістам шчасця і дабрабыту, бадзёрасці і добрага настрою.

14.01.2014 28 студзеня - разгляд касацыйнай скаргі па справе Васіля Парфянкова

Паседжанне адбудзецца ў 10.00, у Мінскім гарадскім судзе.

14.01.2014 Скарга ў сувязі з катаваннямі ў магілёўскай калоніі накіравана ў абласны суд

Мінчанка Людміла Кучура звярнулася ў суд пасля адмовы Следчага камітэта разглядаць скаргу па фактах катаванняў яе мужа Пятра Кучуры ў калоніі № 15 Магілёва.

14.01.2014 Працэс у Астраўцы з доўгім перапынкам

13 студзеня адбылося судовае паседжанне па скарзе грамадскага актывіста Мікалая Уласевіча на дзеянні Астравецкага райвыканкаму, які адмовіў яму праводзіць пікет 7 снежня мінулага году па заяўленай тэме: “Карупцыянераў да адказнасці!”.

14.01.2014 Праваабарончая праграма “Людзьмі звацца!” на Беларускім Радыё Рацыя

"Падзея тыдня": скарга на дзеянні мытнікаў, якія забаранілі кнігу Алеся Бяляцкага “Асьвечаныя Беларушчынай”, накіравана ў суд. “Асоба. Дзяржава. Грамадства”: каардынатарка кампаніі "Зробім лепш!" Анастасія Александровіч - пра поспехі трэцяга сектару ў Беларусі.

14.01.2014 «Правы Чалавека «на пальцах»: пра правы чалавека, дзеянні ў абарону грамадскіх інтарэсаў і міжнародную салідарнасць

Што такое салідарнасць? Чаму нас могуць хваляваць грамадскія праблемы ў іншых краінах? Як гэта звязана з Правамі Чалавека? Чаму Правы чалавека гэта не пра барацьбу за ўладу? Чым можна дапамагаць?