Праваабарончы цэнтр «ВЯСНА»

Навіны за Сьнежань 2013

06.12.2013 Рок за правы чалавека: Музыка – не для катаванняў

Выпуск праваабарончага падкаста распавядае пра катаванні музыкай, якія практыкуюцца ў турмах кшталту Гуантанама і Абу-Грэйб. Пры гэтым не засталіся без увагі і вядомыя праваабаронцам “экзатычныя” спосабы катаванняў у мінскай “амерыканцы”.

06.12.2013 Эксперты: Без закона аб гендэрнай роўнасці прадухіліць дыскрымінацыю немагчыма

У Мінску адбылося абмеркаванне канцэпцыі закона аб гендэрнай роўнасці. Да канца года члены Нацыянальнага савета па гендэрнай палітыцы павінны даць адказ, ці мэтазгодна прымаць дадзены прававы акт. Эксперты адзінагалосна заяўляюць, што закон патрэбны.

06.12.2013 Падарунак уладам ад барысаўскіх праваабаронцаў

Барысаўскія праваабаронцы Марына Статкевіч і Алег Мацкевіч 5 снежня накіравалі віншаванні з Днём правоў чалавека ў Барысаўскі райвыканкам, суд Барысаўскага раёна і мясцовы РУУС.

06.12.2013 Палітвязень Мікалай Дзядок амаль тыдзень як патрапіў у шпіталь

Палітвязень Мікалай Дзядок патрапіў у рэспубліканскі турэмны шпіталь у Жодзіне. Ён быў пераведзены туды з Магілёўскай турмы 30 лістапада па прычыне хваробы страўніка. Пра гэта Рацыі паведаміла жонка палітвязня Валерыя Хоціна:

06.12.2013 Зміцер Дашкевіч папярэджаны аб магчымым узмацненні жорсткасці прэвентыўнага нагляду

Сустаршыня міжнароднага грамадскага аб'яднання «Малады фронт» (Чэхія), былы палітвязень Зміцер Дашкевіч папярэджаны аб магчымым працягу іўзмацненні жорсткасці прэвентыўнага нагляду.

06.12.2013 У Быхаўскім раёне сёння праходзіць чарговы “добраахвотны” суботнік

Заробленыя ў гэты дзень людзьмі на сваіх працоўных месцах грошы будуць выкарыстаны “на пакрыццё затрат па падрыхтоўцы горада Быхава к праведзенаму Рэспубліканскаму святу Дню беларускай пісьменасці, а таксама на добраўпарадкаванне парка “50 гадоў Перамогі”.

06.12.2013 Бабруйск: На гарадской канферэнцыі не знайшлося месца незалежным аб’яднанням і апазіцыі

Мясцовыя СМІ паведамілі пра гарадскую канферэнцыю, якая, як аказалася, прайшла ў Бабруйску напрыканцы лістапада. На ёй, па інфармацыі карэспандэнтаў, прысутнічалі грамадскія аб’яднанні, якія прэзентавалі сваю дзейнасць.

05.12.2013 Васіль Парфянкоў: “Я – не злачынца, не злодзей, а звычайны беларус..”

На год папраўчай калоніі строгага рэжыму суд Першамайскага раёна Мінска прыгаварыў 5 снежня былога палітвязня Васіля Парфянкова за парушэнне патрабаванняў прэвентыўнага нагляду. Ён быў узяты пад варту у залі суда і адпраўлены ў следчы ізалятар.

05.12.2013 Улады знайшлі новы спосаб пазбегнуць правядзення акцый пратэсту

Улады загадзя ствараюць ўмовы для адмовы ў правядзенні грамадскіх мерапрыемстваў. Услед за актывістамі з Баранавічаў з гэтым сутыкнуліся брэсцкія прафсаюзнікі, якія падалі заяўку ў гарвыканкам на арганізацыю пікету 10 снежня ў Дзень абароны правоў чалавека.

05.12.2013 Алеся Макаева будуць судзіць за Слуцкі збройны чын

Макаева вінавацяць у арганізацыі несанкцыянаванага мітынгу 24 лістапада падчас наведваньня вёскі Грозава Слуцкага раёну. Суд над Алесем Макаевым мусіць адбыцца ў Маскоўскім судзе Менску, дата пакуль не прызначана.

05.12.2013 Пашырэньне дарогі ля Курапатаў спынілі

У Курапатах спыненыя будаўнічыя працы па пашырэньні дарогі «Заслаўе — Калодзішчы». Цяпер Міністэрства культуры разглядае законнасьць іх правядзеньня. Тым часам грамадзкія актывісты намерваюцца перашкодзіць пачатку дзейнасьці забаўляльнага комплексу «Бульбаш-Хол».

05.12.2013 Палітвязень Мікалай Дзядок трапіў у шпіталь

На працэдуры яго водзяць ў кайданках, паведаміла Свабодзе жонка палітвязьня Валерыя Хоціна са спасылкай на адваката.

05.12.2013 Магілёўскі абласны суд пакінуў у сіле штраф за улёткі

Сёння, 5 снежня, Магілёўскі абласны суд пад старшынствам суддзі Мікалая Гладкага разгледзеў скаргу старшыні Магілёўскай абласной кааліцыі дэмакратычных сіл Юрыя Новікава на рашэнне суда Ленінскага раёна Магілёва ад 29 кастрыніка.

05.12.2013 Эксперт: Абмежаванні на зварот зняволеных у дзяржорганы, грамадскія арганізацыі, СМІ беспадстаўныя

Як адзначаюць вязні беларускіх турмаў і калоній, аказваецца, што не ў іх інтарэсах падаваць нават вельмі абгрунтаваныя з пункту гледжання закона скаргі. Ад падачы скаргаў іх ўтрымлівае упэўненасць у тым, што персанал здольны за гэта адпомсціць.

05.12.2013 Асноўныя аргументы за адмену смяротнай кары былі сфармуляваны 250 гадоў таму

У 2014 годзе спаўняецца 250 гадоў трактату «Аб злачынствах і пакараннях» Чэзарэ Бекарыа, дзе ўпершыню былі сфармуляваныя асноўныя аргументы за адмену смяротнага пакарання і катаванняў. Яны выкарыстоўваюцца і ў сучаснай праваабарончай практыцы.