Праваабарончы цэнтр «ВЯСНА»

Навіны за Сьнежань 2013

09.12.2013 На правы чалавека ў Віцебску не даюць ніводнай хвіліны

Праваабаронца Павел Левінаў атрымаў забароны на правядзенне пікетаў у Дзень правоў чалавека. Ён падаваў заяўкі на акцыі працягласцю ў адну хвіліну, але і гэтага раённыя ўлады не дазволілі.

09.12.2013 Акцыя ў Бялынічах: “Усеагульная дэкларацыя правоў чалавека” да Дня правоў чалавека

Любы жадаючы бялынічанін можа атрымаць для ўласнага карыстання кніжачку з тэкстам “Усеагульнай дэкларацыі правоў чалавека” ў крамах мясцовых прадпрымальнікаў, актывістаў Партыі БНФ і кампаніі “Гавары праўду”.

09.12.2013 Ігар Пастноў падаў скаргу ў Вярхоўны суд

Віцебскі ўрач спрабуе аспрэчыць рашэнне суду Віцебскага раёну, дзе ў ягоную адсутнасць і ў адсутнасць адваката была прынята пастанова пра прымусовае псіхіятрычнае лячэнне. Звароты ў абласны суд і да старшыні абласнога суду не дапамаглі: парушэнняў закону там не ўбачылі.

09.12.2013 11 снежня Уладзіміра Яроменка возьмуць пад варту

У сераду актывіст павінен з'явіцца ў Першамайскiм РАУС з рэчамi. Адтуль яго даставяць ў турму на Валадарскага.

09.12.2013 Мітрапаліт Філарэт: “Царква прыкладае намаганні, каб смяротныя прысуды не выконваліся”

Кіраўнік Беларускай праваслаўнай царквы адказаў на зварот Тамары Сялюн – яе сына прыгаварылі да найвышэйшай меры пакарання. Мітрапаліт Філарэт падкрэсліў, што БПЦ выступае супраць смяротнага пакарання ў Беларусі.

09.12.2013 Паведамленне для прэсы!

У Міжнародны дзень правоў чалавека, 10 снежня 2013 года, у Менску адбудзецца прэзентацыя альтэрнатыўнага дакладу Міжнароднай федэрацыі за правы чалавека (FIDH) і Праваабарончага цэнтра “Вясна” “Паўсюдныя парушэнні працоўных правоў і прымусовая праца ў Беларусі”.

09.12.2013 У Брэсце дазволены два пікеты ў Дзень правоў чалавека

Брэсцкі праваабаронца Уладзімір Вялічкін і старшыня абласнога прафсаюза радыёэлектроннай прамысловасці Зінаіда Міхнюк атрымалі дазволы на правядзенне пікетаў 10 снежня – на 65 угодкі прыняцця Усеагульнай дэкларацыі правоў чалавека.

09.12.2013 Віцебскія актывісты звярнуліся ў абласны суд з нявырашаным пытаннем пра пікеты

У абласны суд пададзены дзве прыватныя скаргі, дзе апісаны выпадкі, калі раённы суд не дапамог вырашыць пытанні, звязаныя з арганізацыяй пікетаў. Актывісты спрабуюць дамагчыся ўцямнага адказу ад абласнога суду, якім чынам можна ў рэальнасці выканаць рашэнне гарвыканкаму "Аб арганізацыі масавых мерапрыемстваў”.

09.12.2013 Андрэй Цянюта – аштафаваны

Сустаршыня маладога фронту і удзельнік кампаніі «Хопіць піць — Трэба жыць» Андрусь Цянюта атрымаў «падзяку» і «ўзнагароду» ад улад горада за распаўсюд антыалкагольнай інфармацыі. Велічыня «ўзнагароды» склала 25 базавых велічынь штрафу.

09.12.2013 Беларускіх актывістаў, якія ехалі на Еўрамайдан, СБУ ўтрымлівала на мяжы 28 гадзін

ЕўрамайданSOS атрымаў інфармацыю аб тым, што 7 беларускіх актывістаў, якія ўтрымліваліся на ўкраінска-беларускай мяжы 28 гадзін - адпусцілі. Частка з іх адправілася назад у Гомель, частка - працягнула свой шлях у Кіеў, на Еўрамайдан.

08.12.2013 Брэст: улады не ведаюць, калі вырашыцца праблема з недахопам дзіцячых садкоў і школ

Актывісты Брэсцкай абласной арганізацыяй Беларускай сацыял-дэмакратычнай партыі (Грамада) атрымалі адказ на свой зварот у гарвыканкам абласного цэнтра, які падпісалі амаль 500 грамадзян.

08.12.2013 Орша: пікет супраць знішчэння парку забаронены

Аршанскі райвыканкам забараніў пікет, ініцыяваны актывістамі Юрыем Нагорным і Алесем Шутавым. Акцыя была запланавана на 12 снежня ў абарону парку ў мікрараёне “Чаромушкі”, дзе дрэвы зносяць, каб збудаваць чарговы "шматпавярховік".

08.12.2013 У Віцебску забараніілі 2 пікеты, замоўленыя да Дня правоў чалавека

Прычына ўжо звыклая: адсутнасць дамоваў на абслугоўванне акцый. Хоць актывісты і спрабавалі заключыць дамовы, звярнуўшыся ў належныя службы за два месяцы да запланаванай акцыі, ім адмовілі ў абласной управе МУС і цэнтральнай гарадской паліклініцы.

08.12.2013 Пінскія інваліды падтрымалі сябра, які судзіцца з нацыянальным аэрапортам “Мінск-2”

Гэтая справа тычыцца разбіральніцтва наконт таго, як інваліда Яўгена Шаўко з парушэннямі нормаў даставілі да самалёта, што пагражала яго жыццю і здароўю, а таксама нанесла маральную шкоду.

08.12.2013 Актывіст кампаніі «Альтэрнатыва» Дзьмітрый Сільчанка затрыманы на украінскай мяжы (аднаўляецца)

7 снежня на ўкраінскай мяжы быў затрыманы актывіст кампаніі «Альтэрнатыва» Дзьмітрый Сільчанка. Разам з сябрамі ён накіроўваўся ў Кіеў рэйсавым аўтобусам “Гомель-Чарнігаў”, каб падтрымаць Еўрамайдан.