Праваабарончы цэнтр «ВЯСНА»

Навіны за Сьнежань 2013

11.12.2013 Эканамічныя і сацыяльныя правы грамадзян – у фокусе ўвагі праваабаронцаў

Прэзентацыя альтэрнатыўнага дакладу "Беларусь. Паўсюдныя парушэнні працоўных правоў і прымусовая праца ў Беларусі” была прымеркаваная да Міжнароднага дня правоў чалавека і адбылася 10 снежня на офісе ПЦ "Вясна". Гэты даклад нядаўна быў прадстаўлены ў Камітэце ААН па сацыяльна-эканамічных і культурных правах.

11.12.2013 Аўстрыйскія праваабаронцы прысвяцілі сваю гадавую справаздачу Алесю Бяляцкаму

10 снежня ў Вене Аўстрыйская Ліга за правы чалавека, сяброўская арганізацыя FIDH, прэзентавала выніковую справаздачу «Высновы па правах чалавека 2013», абвясціўшы, што прысвячае яе віцэ-прэзідэнту FIDH Алесю Бяляцкаму.

11.12.2013 Ад турэмнай камеры смяротнікаў у Баку засталіся толькі здымкі

У Азербайджане смяротная кара не выкарыстоўваецца з 1998 года, а Баілаўская турма, дзе ўтрымліваліся асуджаныя да выключнай меры, была зруйнаваная ў ліпені 2009 года. Цяпер расстрэльны корпус застаўся толькі ў здымках – як напамін пра варварства.

11.12.2013 Брэст: дэпутаты гарадскога Савету праігнаравалі звароты выбаршчыкаў

У тэрмін, вызначаны Законам “Аб зваротах грамадзян”, каля сарака народных абраннікаў не адказалі на запыты, якія былі дасланыя ім сябрамі грамадскай ініцыятывы “Сацыяльны офіс”.

11.12.2013 Бабруйчане пра свае правы (відэа)

Напярэдадні Міжнароднага дня правоў чалавека бабруйскія праваабаронцы выйшлі на вуліцы горада, каб даведацца, што мінакі ведаюць пра свае правы.

11.12.2013 Палітвязень Ігар Аліневіч – першы лаўрэат прэміі імя Аляхновіча

У Міжнародны дзень правоў чалавека 10 снежня Беларускі Пэн-цэнтр і Радыё “Свабода” абвясцілі лаўрэатаў на прэмію імя імя Францішка Аляхновіча — за найлепшы твор, які быў напісаны ў зняволенні.

11.12.2013 Гомельскага актывіста аштрафавалі на 20 базавых велічынь за «Дзяды»

10 снежня суд Навабеліцкага раёна Гомеля прызнаў вінаватым мясцовага грамадскага актывіста Уладзіміра Шыцікава ў арганізацыі несанкцыянаванага шэсця на «Дзяды». Асаблівасць справы ў тым, што ён нават не ведаў, што ў дачыненні да яго быў складзены адміністрацыйны пратакол.

11.12.2013 Баранавічы: у ГАУСе правялі з Рыгорам Грыкам прафілактычную размову

Кіраўнік Баранавіцкай гарадской прафсаюзнай группы РЭП Рыгор Грык 10 снежня быў выкліканы ў ГАУС на прафілактычную размову. На пытанне супрацоўніка міліцыі: “Ці расклеіваў Рыгор Грык газеты і ўлёткі?” грамадскі актывіст адказаў, што ён не парушае грамадскага парадку, а ўсё робіць па закону.

10.12.2013 Брэст: два пікеты ў Дзень правоў чалавека (фота)

Адзін пікет быў заяўлены старшынёю Брэсцкага абласнога прафсаюза радыёэлектроннай прамысловасці Зінаідай Міхнюк, другі – праваабаронцам Уладзімірам Вялічкіным. На пікеце, арганізаваным РЭП, выказваліся за абарону правоў працоўных, на другім -- патрабавалі свабоду палітвязням.

10.12.2013 У Дзень правоў чалавека Алесю Бяляцкаму будзе ўручана ганаровае грамадзянства Парыжа

10 снежня мэр Парыжа Бертран Дэланоэ перадасць сімвалічную ўзнагароду Адаму Бяляцкаму, сыну палітзняволенага віцэ-прэзідэнта Міжнароднай Федэрацыі за правы чалавека і кіраўніка ПЦ "Вясна". Уручэнне адбудзецца на ўрачыстым абедзе ў гонар FIDH у мэрыі Парыжа.

10.12.2013 У Брэсце адбыўся “круглы стол” з нагоды Дня правоў чалавека (фота)

Удзел у мерапрыемстве ўзялі праваабаронцы, сябры палітычных партый, грамадскіх арганізацый, незалежных прафсаюзаў і прадастаўнікі СМІ. Як адзначалася падчас “круглага стала”, паводле меркаванняў праваабаронцаў, за апошні год сітуацыя з правамі чалавека ў Беларусі значана пагоршылася.

10.12.2013 Ігар Пастноў: "Верагодна, мяне шпіталізуюць з "абвастрэннем псіхічнай хваробы"

Віцебскі "ўрач-праўдаруб" запісаў новы відэазварот да землякоў. Ён зноў крытыкуе віцебскую медыцыну за нізкія заробкі, гаворыць пра парушэнні правоў чалавека ў святле дзеючага закона "Аб аказанні псіхіятрычнай дапамогі" і пра неабходнасць зменаў у гэтым законе.

10.12.2013 Бабруйчане павіншавалі Алеся Бяляцкага з Днём правоў чалавека

Тэкст тэлеграмы такі: “Паважаны Алесь! Вiншуем Вас з Мiжнародным днём правоў чалавека. Выказваем Вам нашу павагу i падтрымку. Мы салiдарны з Вамi. Чакаем на волi. Рада Демакратычных сiл г. Бабруйска”.

10.12.2013 Магілёў: пададзена скарга з нагоды парушэння закона аб мовах

У Магілёве на беларускамоўную скаргу адказалі па-руску. З гэтай нагоды намеснік старшыні Беларускай сацыял-дэмакратычнай партыі (Грамады) Ігар Барысаў напісаў скаргі ў магілёўскую пракуратуру, Магілёўскі аблвыканкам і Міністэрства транспарту і камунікацый.

10.12.2013 Жыхароў Баранавічаў павіншавалі з Днём правоў чалавека (фота)

Нягледзячы на афіцыйную забарону ў правядзенні пікета 10 снежня, праваабаронцы і грамадскія актывісты Баранавічаў правялі акцыю ў гонар 65-х угодкаў Усеагульнай Дэкларацыі правоў чалавека.