Праваабарончы цэнтр «ВЯСНА»

Навіны за Лістапад 2013

05.11.2013 Віцебская міліцыя адмаўляецца падпарадкоўвацца рашэнню гарвыканкама

Гэта вынікае з адказа, дасланага актывістам Аляксею Гаўруцікаву і Хрыстафору Жаляпаву, якія паспрабавалі заключыць дамову з міліцыяй на ахову ўдзельнікаў масавай акцыі. Папярэднага заключэння дамоваў патрабуе Віцебскі гарвыканкам.

05.11.2013 Выдавец газеты “Вольны горад” накіраваў скаргі ў Магілёўскі абласны суд

Выдавец газеты “Вольны горад” Уладзімір Кудраўцаў 1 лістапада накіраваў дзве скаргі на адрас Магілёўскага абласнога суда.

05.11.2013 Магілёўскі раён: штраф за ўтрыманне свіней адменены па фармальных прычынах

4 лістапада Магілёўскі раённы суд адмяніў пастанову адміністрацыйнай камісіі пры Магілёўскім райвыканкаме ад 30 жніўня 2013 за парушэнне п.52 Ветэрынарна-санітарных правілаў вырошчавання свіней і ўтрыманні іх ва ўласным падворку ў радыусе меней за 5 кіламетраў ад СВК “Палыкавічы”.

05.11.2013 Жыхар Гомеля абскарджвае ў судзе забарону пікету ў падтрымку Алеся Бяляцкага

Жыхар Гомеля Эдуард Нелюбовіч накіраваў ў суд Цэнтральнага раёна скаргу на дзеянні супрацоўнікаў гарвыканкаму, якія не далі дазвол правесці пікет у падтрымку палітычнага зняволенага Алеся Бяляцкага.

05.11.2013 Бабруйск: На заводзе ТДіА працягваецца “зачыстка” сябраў СПБ

З наладчыкам Дзмітрыем Сакалоўскім, які адпрацаваў на заводзе ТДіА (трактарных дэталяў і агрэгатаў) 11 год, не працягнулі кантракт. Ён упэўнены, што прычынай стала яго сяброўства ў Свабодным прафсаюзе беларускім.

05.11.2013 Суд актывістаў з гарвыканкамам зацягнуўся

1 лістапада каардынатар Руху "За свабоду" па Віцебскай вобласці Х. Жаляпаў і актывіст аргкамітэту па стварэнні сацыял-дэмакратычнай партыі "Народная Грамада"А. Гаўруцікаў спрабавалі аспрэчыць праз суд забарону на шэсце і мітынг.

05.11.2013 Гарадзенскія праваабаронцы супраць дыскрымінацыі

Гарадзенскія грамадскія праваабаронцы Віктар Сазонаў, Уладзімір Хільмановіч, Раман Юргель падалі ў суд Ленінскага раёна Гародні чарговую скаргу на рашэнне Гарадзенскага гарвыканкаму ад 4 кастрычніка, якім было забаронена правядзенне інфармацыйнага пікету 10 кастрычніка бягучага году.

05.11.2013 Баранавічы: грамадскія актывісты зладзілі талаку ля Крыжа ахвярам рэпрэсій 1939-1953 гг.

Традыцыйна прадстаўнікі баранавіцкіх недзяржаўных грамадскіх арганізацый і палітычных партый арганізавалі 2 лістапада 2013 года на Дзяды талаку па добраўпарадкаванню тэрыторыі ў скверы каля Крыжа

04.11.2013 Арышт Юрыя Рубцова праваабаронцы лічаць незаконным

4 лістапада суд Савецкага раёна Мінска пакараў удзельніка акцыі “Дзяды” Юрыя Рубцова трохсуткавым адміністратыўным арыштам за “непадпарадкаванне” міліцыі. Праваабаронцы лічаць, што насамрэч гэты арышт з’яўляецца помстай за майку з надпісам “Лукашенко, уходи”.

04.11.2013 ПЦ "Вясна" распачынае новы этап маніторынгу пенітэнцыярнай сістэмы

Заклікаем усіх, хто валодае інфармацыяй пра становішча асуджаных і асобаў, абмежаваных у правах у сувязі з утрыманнем у розных установах, пісаць на e-mail - info.zakratami@gmail.com ці на паштовы адрас - 220114, Мінск, а/с 203.

04.11.2013 Юрыя Рубцова судзяць за “непадпарадкаванне” міліцыі

4 лістапада актывіст апазіцыі гамяльчук Юрый Рубцоў, затрыманы ўдзельнік учорашняй акцыі “Дзяды”, дастаўлены ў суд Савецкага раёна Мінска. Яго абвінавачваюць паводле артыкула 23.4 Кодэкса аб адміністратыўных правапарушэннях РБ - у "непадпарадкаванні" супрацоўнікам міліцыі, што цягне накладанне штрафу ў памеры ад дваццаці да пяцідзесяці базавых велічынь або адміністратыўны арышт.

04.11.2013 Маніторынгавая справаздача па выніках назірання за ходам масавага мерапрыемства "Дзяды - 2013"

У дадзенай справаздачы абазначаныя асобныя аспекты вынікаў назірання, аналіз адпаведнасці масавага мерапрыемства міжнародным стандартам у галіне свабоды мірных сходаў, а таксама рэкамендацыі для прадстаўнікоў дзяржаўных органаў і арганізатараў.

03.11.2013 У Воршы на Дзяды згадалі ахвяраў сталінскіх рэпрэсій

Як і штогод, грамадзкія актывісты сабраліся ва ўрочышчы Кабыляцкая гара пад Воршай. Гэта другое ў Беларусі — пасьля менскіх Курапатаў — афіцыйна прызнанае месца расстрэлу мірнага насельніцтва ў 1930-50-я гады.

03.11.2013 У Мінску прайшлі Дзяды (онлайн+фота)

Адбылося традыцыйнае шэсце і мітынг у Курапатах - памяці продкаў, загінулых падчас бальшавіцкага тэрору. Грамадскае назіранне ладзілі праваабаронцы з ПЦ "Вясна" пры ўдзеле БХК ды іншых валанцёраў.

02.11.2013 Дзе ў Салігорску забароненыя спадарожнікавыя талеркі?

Салігорскія праваабаронцы на сайце Нацыянальнага прававога Інтэрнэт-партала натыкнуліся на рашэнне Салігорскага выканкама “Аб забароне ўсталёўкі інжынернага абсталявання на фасадах жылых дамоў”.