Праваабарончы цэнтр «ВЯСНА»

Навіны за Лістапад 2013

14.11.2013 Жодзіна: кожнае судовае паседжаньне - акцыя салідарнасьці з Алесем Бяляцкім і палітвязьнямі

12 лістапада ў судзе горада Жодзіна пад старшынствам судзьдзі Івана Грынкевіча праходзіла чарговае паседжаньне па справе праваабаронцаў ПЦ "Вясна" Аляксея Лапіцкага і Сьвятланы Лапіцкай супраць Жодзінскага выканкаму, які адмовіўся разглядаць заяўку і сарваў пікетаваньне, заплянаванае на 4 жніўня.

14.11.2013 Праваабарончы цэнтр "Вясна" падтрымаў Кіраўніцтва па вызначэнні паняцця «палітычны вязень»

У канцы кастрычніка на ІІІ Беларускім праваабарончым форуме ў Вільні было прэзентавана Кіраўніцтва па вызначэнні паняцця «палітычны вязень».

13.11.2013 Камітэт ААН прызнаў парушэнне правоў расстралянага Андрэя Жука

Смяротны прысуд 25-гадоваму жыхару Салігорска Андрэю Жуку быў прыведзены ў выкананне ў сакавіку 2010 года. Насуперак патрабаванням Камітэта па правах чалавека беларускія ўлады не сталі чакаць завяршэння працэдуры разгляду скаргі Жука ў ААН.

13.11.2013 За гомельскія «Дзяды» Васіль Палякоў пакараны штрафам на 4,55 мільёна рублёў

Нагадаем, 3 лістапада каля Гомеля апазіцыянеры правялі акцыю памяці ахвяраў сталінскіх рэпрэсій – прыбралі месцы масавых расстрэлаў нявінных ахвяраў бальшавіцкага тэрору, усклалі вянкі, запалілі знічы. Да адміністрацыйнай адказнасці за прыборку пакутных крыжоў прыцягваць у Гомелі ўпершыню.

13.11.2013 Камітэт ААН прызнаў, што правы гомельскіх апазіцыянераў былі парушаны

13 лістапада актывісты Руху «За свабоду!» і АГП Аляксандр Процка і Андрэй Толчын атрымалі паведамленне з Камітэту па правах чалавека ААН наконт скаргі на парушэнне правоў. Міжнародная структура прызнала, што беларускія ўлады парушылі права грамадзян на свабоду выказвання меркавання.

13.11.2013 Мінск падтрымае Greenpeace

Таварыства «Зялёная сетка» правядзе мерапрыемства ў падтрымку затрыманых актывістаў Greenpeace. Будзе арганізаваны дабрачынны вечра, падчас якога будуць збіраць грошы для актывістаў, якія знаходзяцца ў СІЗА ў Санкт-Пецярбургу па падазрэнні ў здзяйсненні злачынства падчас мірнай акцыі на нафтавай станцыі "Прылазломная".

13.11.2013 Гарадзенцу Вадзіму Цярлецкаму - 3 сутак арышту

У судзе Кастрычніцкага раёна Менска сёння разгледжаная адміністратыўная справа гарадзенскага актывіста Вадзіма Цярлецкага. Ён быў затрыманы ўвечары 12 лістапада на чыгуначным вакзале сталіцы. Цярлецкага абвінавацілі ў дробным хуліганстве і пакаралі арыштам на 3 сутак. Пастанову за непадпарадкаванне супрацоўнікам міліцыі суддзя адхіліў.

13.11.2013 Радасьць за “Вясну” і горыч за краіну

Працяг лістоў зняволенага праваабаронцы Алеся Бяляцкага, напісаных ім у бабруйскай калоніі. З блогу на “Беларуском партизане”.Першыя лісты-успаміны з гэтай серыі былі напісаныя ў верасні 2012 года, апошнія – у чэрвені 2013:

13.11.2013 Ярмошына: Прэзідэнцкія выбары павінны прайсці не пазней за 20 лістапада 2015 г.

Прэзідэнцкая выбарчая кампанія ў Беларусі стартуе ў жніўні 2015 года. Аб гэтым сёння журналістам паведаміла старшыня ЦВК Беларусі Лідзія Ярмошына.

13.11.2013 Перагляд справы Грунова прызначаны на 26 лістапада

На 26 лістапада прызначаны новы разгляд ў Гомельскім абласным судзе крымінальнай справы Аляксандра Грунова, якому Вярхоўны суд адмяніў смяротны прысуд.

13.11.2013 Міліцыі надаюць судовыя функцыі

Адміністратыўныя справы за зьяўленьне ў нецьвярозым выглядзе ў грамадзкіх месцах і на месцы працы, а таксама за дробнае хуліганства больш ня будуць разглядацца ў беларускіх судах.

13.11.2013 Пытанне пра забарону сайта “Вясны” Валянцін Стэфановіч ставіць перад Мінсувязі і інфарматызацыі

13 лістапада намеснік старшыні ПЦ “Вясна” Валянцін Стэфановіч накіраваў скаргу ў Міністэрства сувязі і інфарматызацыі. Ён дамагаецца рассакрэчвання органа, паводле рашэння якога сайт арганізацыі патрапіў пад забарону.

13.11.2013 На салігорскую “раёнку” будуць скардзіцца ў Генпракуратуру

Пракуратура Мінскай вобласці не задаволіла скаргу мясцовага грамадскага актывіста Віктара Малочкі на радэкцыю газеты “Шахцёр”, афіцынага выканкамаўскага выдання Салігоршчыны. Актывіст на гэтым спыняцца не збіраецца і плануе бліжэйшым часам накіраваць скаргу ў Генеральную пракуратуру.

13.11.2013 Бяроза: забаронены пікет салідарнасці з палітвязнямі

Пікет планаваўся на 10 лістапада на Цэнтральным гарадскім стадыёне – дазволеным уладамі месцы. Тэма пікету: выказванне салідарнасці з палітвязнямі і патрабаванне іх вызвалення. Адмова ў пікеце падпісана намеснікам кіраўніка Бярозаўскага райвыканкама Яўгенам Тарасюком.

13.11.2013 Алесь Бяляцкі просіць падтрымаць інтэрнэт-архіў “Вытокі”

Палітзняволены кіраўнік праваабарончага цэнтру "Вясна"Алесь Бяляцкі нават у калоніі цікавіцца стварэннем і працай інтэрнэт-архіву "Вытокі". Да свайго арышту, на волі ён быў адным з ініцыятараў стварэння гэтага праекту.