Праваабарончы цэнтр «ВЯСНА»

Навіны за Кастрычнік 2013

02.10.2013 Пададзена скарга на дзеянні Баранавіцкага міжраённага пракурора, які ўхіляецца ад выканання абавязкаў

Сябра “Руха “За свабоду” Віктар Сырыца накіраваў скаргу пракурору Брэсцкай вобласці на дзеянні Баранавіцкага міжраённага пракурора, які, на думку грамадскага актывіста, ухіляецца ад выканання сваіх непасрэдных абавязкаў.

02.10.2013 Праваабаронцы абвяшчаюць Тыдзень супраць смяротнага пакарання

З 5 па 10 кастрычніка Праваабарончы цэнтр “Вясна” ладзіць “Тыдзень супраць смяротнага пакарання”, насычаны мерапрыемствамі і інфармацыяй адносна набалелай праблемы, якую ўздымаюць праваабаронцы ў беларускім грамадстве.

02.10.2013 Актывіст Леанід Здрэстаў дамогся пакараньня віцебскіх судзьдзяў

Двойчы Віцебскі абласны суд адмяняў пастановы, вынесеныя судзьдзямі суду Кастрычніцкага раёну Віцебску, аб адмове распачаць справы паводле скаргаў жыхара Віцебскага раёну Леаніда Здрэстава супраць УП «Віцебскаблгаз».

01.10.2013 Крымінальная справа супраць Аляксея Шчадрова закрыта (дапоўнена)

Адпаведная пастанова была прынятая яшчэ 11 верасня. Аляксей Шчадроў атрымаў на рукі дакумент 24 верасня, згодна з пастановай яму на дадзены момант не пагражае адказнасць паводле артыкулу 193.1 Крымінальнага кодэксу (дзейнасць ад імя незарэгістраванай арганізацыі).

01.10.2013 Што такое лячэбна-працоўныя прафілакторыі ў Беларусі

У межах правядзення маніторынгу за месцамі прымусовага ўтрымання грамадзян у Рэспубліцы Беларусь Праваабарончы цэнтр «Вясна» прапануе да ўвагі дадзены матэрыял пра сістэму ЛПП, заканадаўства аб прымусовай ізаляцыі асоб, якія пакутуюць на алкагалізм і наркаманію, а таксама практыку яго прымянення.

01.10.2013 Беларускія палітвязні - у цэнтры ўвагі на кніжным кірмашы ў Гётэборгу

Пад час кніжнага кірмашу ў Гётэборгу праваабарончая арганізацыя Östgruppen арганізавала семінар на тэму "Палітычныя зняволеныя ў цэнтры Еўропы". Выступілі на семінары старшыня Östgruppen Марцін Угла і фатограф і журналіст Марыя Содэберг, якія распавялі пра Алеся Бяляцкага і Мікалая Статкевіча.

01.10.2013 “Amnesty International”: Праваабарончая прэмія імя Вацлава Гавэла прысуджаная беларускаму вязню сумлення

Алесь Бяляцкі, беларускі праваабаронца і вязень сумлення, уганараваны правабарончай прэміяй імя Вацлава Гавэла ў знак прызнання яго працы па паляпшэнні становішча з правамі чалавека ў ягонай краіне ды за вялікую асабістую рызыку, якой ён падвяргаўся ў сваёй дзейнасці.

01.10.2013 Ігар Пасноў спадзяецца на далейшую дапамогу праваабаронцаў

Віцебскі лекар Ігар Пастноў, які больш за месяц знаходзіўся на прымусовым лячэнні ў абласным клінічным цэнтры псіхіятрыі і наркалогіі, збіраецца працягваць абскарджанне рашэнне райсуду Віцебскага раёну, які санкцыянаваў лячэнне. Калі гэтага не ўдасца дамагчыся на нацыянальным узроўні, Ігар Пастноў не выключае звароту ў Камітэт па правах чалавека ААН.

01.10.2013 Віцебскі абласны суд не адмяніў штраф за распаўсюд улётак

Рашэнне Кастрычніцкага райсуду спрабаваў абскардзіць сябра партыі левых «Справядлівы свет» Андрэй Андрэеў. Яго аштрафавалі на 2 мільёны рублёў за распаўсюд інфармацыйных матэрыялаў кампаніі «Гавары праўду» -- улётак з інфармацыяй пра «Народны рэфэрэндум» і «Грамадзянскую дамову».

01.10.2013 Кнігу быхаўскага пісьменніка надрукуюць у Літве

Раман быхаўскага пісьменніка Сяргея Антонава “Стабілізатар. Мінск 2041” будзе выдадзены ў Літве на літоўскай мове. Сяргей Антонаў спрабаваў выдаць кнігу ў друкаваным выглядзе на рускай мове ў Беларусі і Расіі, аднак гэтага не атрымалася зрабіць. Выдавецтвы адмаўлялі пісьменніку ў друк на той падставе, што, на іх думку, раман залішне палітызаваны.

01.10.2013 Брэст: улады забаранілі пікеты супраць увядзення выязной пошліны

Заяўкі на правядзенне чатырох пікетаў падавалі мясцовыя актывісты Аб'яднанай грамадзянскай партыі (АГП), якія такім чынам збіраліся прыцягнуць увагу грамадскасці да новай ініцыятывы, якая парушае правы грамадзян.

01.10.2013 Затрыманы генеральны дырэктар ААТ “Крычаўцаменташыфер” па-ранейшаму знаходзіцца на “Дошцы гонару”

Як паведамляла БелТА, Леанід Скоцкі спрабаваў прысвоіць 40 мільёнаў рублёў, выдадзеных працаўнікам прадпрыемства ў якасці прэміі "за эканомію паліўна-энергетычных рэсурсаў” у першым паўгоддзі 2013 года. Ён быў затрыманы супрацоўнікамі МУС і КДБ пры перадачы грошай.

01.10.2013 Іван Шыла: Будзем казаць пра палітвязняў, пра свабоду СМІ, правы чалавека, непразрыстыя выбары

Два тыдні таму Малады Фронт абвесціў пра свой удзел у мясцовых выбарах 2014 года. Асноўныя свае сілы маладзёны збіраюцца накіраваць на маштабную кампанію ў Салігорску. З гэтай нагоды -- гутарка з намеснікам старшыні МФ, салігорцам Іванам Шылам.

01.10.2013 Баранавічы: пікет супраць карупцыі мясцовых чыноўнікаў (фота)

У Баранавічах 30 верасня адбыўся пікет супраць карупцыі мясцовых чыноўнікаў. Арганізатарам выступіў грамадскі актывіст Мікалай Чарнавус, які трымаў у руках плакат “Уральскіх жулікаў ловяць, а свае адпачываюць на Канарах”.

01.10.2013 Праваабарончая праграма “Людзьмі звацца!” на Беларускім Радыё Рацыя

"Падзея тыдня": Алесь Бяляцкі атрымаў прэстыжную прэмію імя Вацлава Гавэла за сваю праваабарончую дзейнасць. "Асоба. Дзяржава. Грамадства": госць рубрыкі - праваабаронца Андрэй Палуда, які распавёў пра мерапрыемствы да інфармацыйнага тыдня супраць смяротнага пакарання ў Беларусі.