Праваабарончы цэнтр «ВЯСНА»

Навіны за Кастрычнік 2013

14.10.2013 Цёплыя віншаванні Гары Паганяйлу з днём народзінаў ад “вясноўцаў”!

Сябры Правабарончага цэнтра “Вясна” шчыра віншуюць вядомага юрыста, вопытнага праваабаронцу і выдатнага чалавека Гары Пятровіча Паганяйлу з 70-годдзем!

14.10.2013 Павел Вінаградаў: Вывезлі ў лес, ні асфальту, нічога там няма

Грамадскі актывіст, лідар «Zmena» Павел Вінаградаў 12 красавіка вызваляўся пасля 15-суткавага арышту з Цэнтра ізаляцыі парушальнікаў на Акрэсціна, але сябры і журналісты, што чакалі яго пад брамай турмы, не пабачылі.

14.10.2013 Бяроза: Ідэолагі ўдзельнічаюць у забаронах масавых мерапрыемстваў

Такую выснову можна зрабіць з ліста, атрыманага бярозаўскімі заяўнікамі пікета на 10 кастрычніка, прысвечанага Сусветнаму дню супраць смяротнага пакарання. Праваабаронцы, якія падавалі заяку на правядзенне масавага мерапрыемства, атрымалі адмову ў пікеце двойчы.

13.10.2013 У Краснаполлі спрабуюць вывесці з-пад адказнасці намесніка старшыні райвыканкама

Пасля святкавання намеснік старшыні Краснапольскага райвыканкама Мікалай Лістападаў здзейсніў ДТЗ на службовым аўтамабілі “Жыгулі” і пасля гэтага паспрабаваў уцекчы з месца здарэння. Аднак здзейсніць уцёкі чыноўніку не ўдалося, ён быў аператыўна затрыманы супрацоўнікамі ДАІ, якія даставілі высокага раённага чыноўніка на медыцынскі агляд у мясцовую бальніцу.

13.10.2013 Леаніда Дубаносава не хочуць браць на “Граніт” ні на якую пасаду

Сябра Беларускага незалежнага прафсаюза Леанід Дубаносаў падкрэслівае, што на “Граніце” зараз адчуваецца недахоп рабочых кадраў, таму адмову ў працаўладкаванні ён адназначна расцэньвае, як дыскрымінацыю ў сувязі з удзелам у незалежным прафсаюзным руху.

13.10.2013 Пракуратура не задаволіла скаргу салігорскага актывіста на газету "Шахцёр"

Нагадаем, напачатку верасня Віктар Малочка звярнуўся ў пракуратуру з патрабаваннем прыцягнуць да адказансці галоўнага рэдактара афіцыйнай выканкамаўскай газеты “Шахцёр” за ігнараванне матэрыялаў аб праблемах гораду і зваротаў грамадзян.

13.10.2013 У Віцебску пададзена заяўка на пікет салідарнасці з палітвязнямі

Каардынатар Руху "За свабоду" па Віцебскай вобласці Хрыстафор Жаляпаў і актывіст аргкамітэту па стварэнні сацыял-дэмакратычнай партыі "Народная Грамада" Аляксей Гаўруцікаў падрыхтавалі заяўку такім чынам, каб у раенных уладаў было найменей падставаў адмовіць.

13.10.2013 Жыхар Пінска не можа знайсці ўправы на інтэрнэт-падманшчыкаў

Міністэрства інфармацыі Беларусі адмовіла пінчаніну Мікалаю Клімовічу ў разбіральніцтве па фактах распаўсюду ілжывай інфармацыі на мясцовых сайтах ад ягонага імя. Мікалай Клімовіч, які вядзе ўласны блог, спрабаваў звярнуць увагу на так званых “інтэрнэт-троляў”, якія ладзяць правакацыі і змяшчаюць у сеціве абразлівую і хлуслівую інфармацыю.

13.10.2013 Гродна: шэсце супраць фальсіфікацыі выбараў забаронена (дакумент)

Гарадзенскі грамадскі актывіст Алег Калінкоў падаў заяўку на правядзенне 20 кастрычніка ў горадзе над Нёманам вулічнага шэсця з мэтай выказвання пратэсту супраць фальсіфікацый на выбарах і агітацыі за сумленныя выбары. У заяўцы была пазначана колькасць удзельнікаў мерапрыемства – адзін чалавек.

13.10.2013 Баранавічы: Мікалай Чарнавус не адмовіўся ад правядзення дабрачынных абедаў (фота)

Баранавіцкі прадпрымальнік і грамадскі актывіст Мікалай Чарнавус 11 кастрычніка арганізаваў на мясцовым кааператыўным рынку дабрачынны абед. За папярэдні ў 2012 годзе на яго быў складзены адміністрацыйны пратакол па артыкуле 23.34 ч. 2 КаАП – “арганізацыя і правядзенне несанкцыянаванага масавага мерапрыемства”.

12.10.2013 Магілёў: адміністрацыйны пратакол вернуты на дапрацоўку ў міліцыю

11 кастрычніка суд Ленінскага раёна Магілёва ў асобе суддзі Вольгі Бекушавай пачаў разгляд справы з нагоды затрымання за раздачу ўлётак актывістам дэмакратычнага руху Юрыя Новікава. Падчас суду было выяўлена, што выдадзеная актывісту копія пратакола адміністрацыйнага правапарушэння не супадае з арыгіналам.

12.10.2013 Следчыя дзеянні як сапраўдны налёт

11 кастрычніка каля 2 гадзінаў дня, калі актывістка Руху “За свабоду” Інга Абрамава, якая прыехала на канікулы з Германіі ў вёску Ціхінічы Брэсцкага раёна, разам з маці, 11-гадовай сястрой і пляменнікамі 2 і 4 гадоў мірна пілі гарбату і глядзелі тэлевізар, у двары раздаліся выбухі. Дзяўчына здранцвела, калі ўбачыла ў двары 9 чалавек у масках і спецадзенні.

11.10.2013 «На смяротнікаў накідвалі сачок, накшталт тых, якімі ловяць рыбу» (фота)

З гісторыі адмены смяротнага пакарання на поставецкай прасторы: Грузія. Распавядае праваабаронца з Баку, кіраўнік Праваабарончага цэнтра Азербайджана Эльдар Зяйналаў.

11.10.2013 «Правы Чалавека «на пальцах» пройдуць у Магілёве 19 кастрычніка!

Што такое правы чалавека і чаму яны важны? Хто дапаможа, калі вашыя правы парушаюцца? Хто ў свеце мае патрэбу ў вашай салідарнасці? Даведайцеся гэта і многае іншае 19 кастрычніка на семінары «Правы чалавека на пальцах» у Магілёве

11.10.2013 Алесь Бяляцкі працягвае літаратурную працу за кратамі

Да выдання рыхтуецца кніга публіцыстыкі і ўспамінаў палітзняволенага кіраўніка праваабарончага цэнтра "Вясна" Алеся Бяляцкага. У яе ўвойдзе ў асноўным напісанае за кратамі. Па словах укладальніцы кнігі Паліны Сцепаненка, pараз ідзе завяршальная праца над гэтым вялікім выданнем.