Праваабарончы цэнтр «ВЯСНА»

Навіны за Кастрычнік 2013

16.10.2013 Валянцін Стэфановіч у дыскусіі пра смяротную кару TUT (аўдыё, відэа)

Чаму кожны з нас павінен ведаць пра смяротнае пакаранне ў Беларусі? Дыскутавалі на гэтую тэму 15 кастрычніка дэпутат Мікалай Самасейка, доктар юрыдычных навук Рыгор Васілевіч, палітык Алег Гайдукевіч і праваабаронца Валянцін Стэфановіч.

16.10.2013 Павел Севярынец пра “хімію”, палітыку і асабістае

У суботу сканчаецца тэрмін абмежавання волі вядомага сябра ГА “БАЖ” Паўла Севярынца. Палітык і публіцыст быў арыштаваны на выхадзе з Плошчы Незалежнасці ў ноч з 19 на 20 снежня 2010 года, пяць месяцаў правёў у СІЗА КДБ, а 16 мая 2011-га быў асуджаны да трох гадоў абмежавання волі за нібыта арганізацыю масавых беспарадкаў.

16.10.2013 Мікалай Аўтуховіч: Калі са мной здарыцца інсульт - не верце

Палітвязень асцерагаецца новых рэпрэсій з боку адміністрацыі Гарадзенскай турмы. Пра гэта ў інтэрв'ю сайту charter97.org заявіў кіраўнік арганізацыі «Прававая дапамога насельніцтву», былы следчы пракуратуры Алег Воўчак.

15.10.2013 Мазырскі праваабаронца сустрэўся з дэпутатамі парламента

15 кастрычніка мазырскі праваабаронца Уладзімір Целяпун сустрэўся са старшынёй Пастаяннай камісіі ПП НС РБ “Па ліквідацыі наступстваў аварыі на ЧАЭС” Сяргеем Каноплічам і дэпутатам Мікалаем Расоха. Абвестка аб прыёме грамадзян была загадзя надрукаваная ў мясцовай газеце “Жыццё Палесся”, і праваабаронца запісаўся на прыём.

15.10.2013 У Віцебску забаранілі яшчэ два пікеты

Абедзьве забароны – з Чыгуначнай раённай адміністрацыі, і падпісаныя адной і той самай асобай - намесніцай старшыні раённай адміністрацыі Наталляй Ляпёшкінай. Але віцебскія актывісты спрабуюць зноў і зноў дастукацца да раённых уладаў, якія раз за разам ім адмаўляюць.

15.10.2013 Крычаў: чарговы суд супраць газеты “Вольны горад”

Працаўнікі КУП “Чэрыкаўскае ПМК-280” -- штукатур Байгола і столяр Конеў патрабуюць ад журналістаў кампенсацыі маральнай шкоды ў памеры 16 мільёнаў рублёў за выкладзеныя ў артыкуле “З абвяржэннем пачакаем” звесткі. Згодна пазоўнікаў, выкладзеныя ў артыкуле звесткі пра тое, што з імі не заключаны належным чынам працоўныя дамовы, даставілі ім маральныя пакуты.

15.10.2013 Магілёўскага апазіцыянера хочуць выселіць з інтэрнату праз суд

Актывіст Беларускай сацыял-дэмакратычнай партыі (Грамады) Мікалай Залозны атрымаў позву ў суд Ленінскага раёна Магілёва. Паводле яе, 24 кастрычніка 2013 года суддзя Юлія Трапыніна разгледзіць пытанне высялення актывіста з інтэрнату без прадастаўлення яму іншага жылля.

15.10.2013 Галадоўка на Мазырскім НПЗ: новыя метады ціску з боку намесніка гендырэктара, былога кіраўніка гарадскога аддзелу КДБ?

Працаўнікі МНПЗ абвясцілі трохдзённую галадоўку пасля несправядлівага звальнення пяцёх актывістаў БНП, з якімі не прадоўжылі тэрміновыя працоўныя кантракты. Ціск на сябраў альтэрнатыўнага прафсаюзу з боку адміністрацыі не спыняецца з 2008 года.

15.10.2013 Лідар БКДП патрабуе ад міністра працы і сацабароны тэрмінова разабрацца ў канфліктнай сітуацыі на Мазырскім НПЗ

Старшыня Беларускага кангрэсу дэмакратычных прафсаюзаў (БКДП) Аляксандр Ярашук накіраваў зварот міністру працы і сацыяльнай абароны Марыяне Шчоткінай у сувязі з галадоўкай прафсаюзных актывістаў на Мазырскім нафтаперапрацоўчым заводзе.

15.10.2013 Яшчэ адзін раённы начальнік папаўся на парушэнні правілаў дарожнага руху

У Клімавіцкім раёне абмяркоўваюць верагодную адстаўку намесніка старшыні мясцовага райвыканкама, начальніка ўпраўлення сельскай гаспадаркі і харчавання Аляксандра Судзілоўскага. Супрацоўнікі праваахоўных органаў спынілі яго за парушэнне правіл дарожнага руху. Высокі раённы чыноўнік павёў сябе не зусім адэкватна.

15.10.2013 Праваабарончая праграма “Людзьмі звацца!” на Беларускім Радыё Рацыя

"Падзея тыдня": Прэс-канферэнцыя з удзелам маці асуджаных да смяротнай кары Любові Кавалёвай і Тамары Сялюн у Сусветны дзень барацьбы супраць смяротнага пакарання. "Асоба. Дзяржава. Грамадства": Таццяна Рэвяка - удзельніца міжнароднай канферэнцыі “7-я Дублінская платформа для праваабаронцаў”.

15.10.2013 Міжнародная назіральніцкая місія і запуск Маскоўскага механізма АБСЕ у дачыненьні да Беларусі

Працяг лістоў зняволенага праваабаронцы Алеся Бяляцкага, напісаных ім у бабруйскай калоніі, з блогу на "Белпартызане".

14.10.2013 Распачаты набор валанцёраў у кампанію «У Беларусь і Еўропу – БЕЗ ВІЗЫ!»

Кампанія «У Беларусь і Еўропу – БЕЗ ВІЗЫ!» шукае актыўных маладых людзей, якім блізкія мэты кампаніі і якія гатовы працаваць дзеля спрашчэння візавага рэжыму паміж Беларуссю і Еўропай. Набор новых удзельнікаў адкрыты да 31 кастрычніка.

14.10.2013 Праблему смяротнага пакарання абмеркавалі ў Рэчыцы

Сустрэча-дыскусія, прысвечаная праблеме смяротнага пакарання ў Беларусі адбылася ў мінулыя выходныя, 12 кастрычніка, у Рэчыцы. Яна была арганізаваная кіраўніком мясцовага аддзялення Праваабарончага цэнтру “Вясна” Валерыем Пуціцкім.

14.10.2013 У Глыбокім плануюць правесці пікет салідарнасці з палітвязнямі

Заяўка на 23 лістапада ўжо пададзена ў Глыбоцкі райвыканкам. Увогула ж мясцовыя актывісты хочуць праводзіць пікеты салідарнасці з палітзняволенымі штомесяц. Заяўку ў райвыканкам падаў актыіст аргкамітэту па стварэнні партыі БХД Зміцер Лупач.