Праваабарончы цэнтр «ВЯСНА»

Навіны за Кастрычнік 2013

17.10.2013 Брэст: незалежная журналістка скардзіцца старшыні Вярхоўнага суда

Фотакарэспандэнт Мілана Харытонава аспрэчвае раней вынесенае рашэнне суда першай інстанцыі і вызначэнне калегіі па грамадзянскіх справах Брэсцкага абласнога суда ў справе абароны гонару, годнасці і дзелавой рэпутацыі.

17.10.2013 У Берліне збіралі подпісы за адмену смяротнага пакарання ў Беларусі

Акцыя супраць смяротнага пакарання ў Беларусі адбылася нядаўна ў Берліне. Яна была арганізаваная актывістамі Берлінскага аддзялення праваабарончай арганізацыі “Міжнародная амністыя” (Amnesty International) і прымеркаваная да Сусветнага дня барацьбы супраць смяротнага пакарання.

17.10.2013 Брэсцкая журналістка працягвае судзіцца за абразу. І бачыць у гэтым сэнс

Сябра ГА “БАЖ” з Брэста Мілана Харытонава накіравала скаргу на імя старшыні Вярхоўнага суда РБ, у якой аспрэчвае раней вынесенае судамі раённага і абласнога ўзроўню рашэнне ў справе абароны гонару, годнасці і дзелавой рэпутацыі.

17.10.2013 Рэчыца: следчы камітэт вырашае, ці ўзбуджаць крымінальную справу па заяве дэмакратаў

16 кастрычніка сьледчы рэчыцкага раённага следчага камітэта Дзмітрый Блізьнюк правёў пісьмовае апытанне палітыка Уладзіміра Кацоры па заяве аб узбуджэнні ў дачыненні да супрацоўнікаў ДАІ Гомельскага аблвыканкама крымінальнай справы, звязанай з пераследам і затрыманнем дэлегатаў рэспубліканскай канферэнцыі "За сумленныя, справядлівыя выбары для лепшага жыцця".

17.10.2013 Разгляд касацыйнай скаргі асуджанага за забойства – 18 кастрычніка ў Вярхоўным судзе

18 кастрычніка Вярхоўны суд Беларусі разгледзіць касацыйную скаргу жыхара Гомеля Аляксандра Грунова, асуджанага да выключнай меры пакарання за забойства студэнткі.

17.10.2013 Парламенцкая камісія зрабіла заўвагу дэпутатам ад Салігоршчыны аб парушэнні закона і сама яго парушыла

Генеральная пракуратура “адфутболіла” ў Палату прадстаўнікоў скаргу сябра партыі АГП Віктара Малочкі аб парушэнні Закона “Аб зваротах грамадзян” дэпутатамі парламента ад Салігоршчыны Яўгенам Абаленскімі і Таісай Данілевіч. У параламенце ж з довадамі апазіцыянера пагадзіліся.

17.10.2013 Брэст: на дарожныя праблемы ў горадзе адрэагаваў урад

Скарга на ігнараванне мясцовымі ўладамі калектыўнага зввароту жыхароў брэсцкага мікрараёна Паўднёвы наконт добраўпарадкавання вуліц і стану дарог была накіраваная ў Савет Міністраў і прынесла станоўчыя вынікі.

16.10.2013 Баранавічы: Мікалай Чарнавус дабіваецца выдзялення памяшкання для арганізацыі праз суд

16 кастрычніка ў судзе Баранавіцкага раёна і горада Баранавічы адбыўся папярэдні разгляд скаргі грамадскага актывіста Мікалая Чарнавуса на дзеянні начальніка ўпраўлення эканомікі Баранавіцкага гарадскога выканаўчага камітэта Раісы Уласовіч.

16.10.2013 Бабруйск: Блогер Алег Жалноў звернецца па дапамогу да адваката

15 кастрычніка ў бабруйскім судзе прайшло другое пасяджэнне па справе Алега Жалнова. Нагадаем, супрацоўнікі ДАІ даводзяць суддзі Наталлі Чарапуха, што блогер і яго сын Аляксей аказвалі ім супраціў, прымянялі фізічную сілу. Жалновы настойваюць на тым, што наадварот самі сталі ахвярамі перавышэння паўнамоцтваў з боку супрацоўнікаў ДАІ.

16.10.2013 У Мазыры ўганаравалі лаўрэатаў конкурсу «Народны журналіст»

Павіншаваць з перамогай у гэтым конкурсе непрафесійных журналістаў Дзяніса Рабянка з Калінкавічаў і Уладзіміра Целепуна з Мазыра, а таксама маральна падтрымаць іх прыехалі з Мінска адзін з каардынатараў грамадскай акцыі Вінцук Вячорка і сябры журы.

16.10.2013 Салігорскае ТБМ працягне барацьбу за выкананне Закона "Аб найменнях геаграфічных аб'ектаў"

15 кастрычніка Салігорск наведаў старшыня Анамастычнай (Тапанімічнай) камісіі Таварыства беларускай мовы Вінцук Вячорка. Падчас сустрэчы з мясцовымі актывістамі ТБМ была абмеркавана далейшая стратэгія барацьбы за выкананне ў сталіцы шахцёраў Закона “Аб найменнях геаграфічных аб'ектаў”.

16.10.2013 Даклад “Human Rights Watch” па выбарчых падзеях у Менску спрыяў выпрацоўцы агульнай пазіцыі міжнароднай супольнасьці

Ужо ў студзені 2011 года, занепакоеная сітуацыяй з правамі чалавека ў Беларусі, міжнародная праваабарончая арганізацыя “Human Rights Watch” прыслала ў Менск кіраўнічку свайго маскоўскага офіса для напісаньня адмысловага дакладу.

16.10.2013 Віншуем Уладзіміра Лабковіча з нараджэннем двойні!

“Вясноўцы” шчыра віншуюць свайго калегу, сябра рады Праваабарончага цэнтру “Вясна” Уладзіміра Лабковіча з нараджэннем двойні! 16 кастрычніка Уладзя стаў бацькам цудоўных хлопчыкаў.

16.10.2013 Інваліда Валерыя Міснікава пазбавілі шанца на сацыяльнае жыллё

Віцебскі гарадзкі выканаўчы камітэт адмовіўся ўнесьці ў асобныя сьпісы на атрыманьне жылога памяшканьня сацыяльнага карыстаньня інваліда другой групы праваабаронцу Валера Місьнікава.

16.10.2013 Юрыст: Новы прэзідэнцкі ўказ датычна вяшчання і паліграфіі выклікае шмат пытанняў

«Ажыццяўленне ліцэнзійнай дзейнасці ў мэтах, якія супярэчаць інтарэсам Рэспублікі Беларусь» будзе лічыцца грубым парушэннем заканадаўства аб ліцэнзаванні.