Праваабарончы цэнтр «ВЯСНА»

Навіны за Верасень 2013

05.09.2013 У Бялынічах таксама забаранілі пікет супраць размяшчэння замежных вайсковых баз

Бялыніцкі райвыканкам адмовіў мясцовым прадстаўнікам Партыі БНФ у правядзенні 8 верасня пікету супраць размяшчэння замежных вайсковых баз на тэрыторыі нашай краіны. Падставай для адмовы паслужыла тое, што менавіта 8-га верасня на мяркуемым месцы пікету адбудзецца кірамаш па продажы сельскагаспрадукцыі.

05.09.2013 Дата разгляду касацыйных скаргаў пра прымусовае псіхіятрычнае лячэнне Пастнова пакуль не вядомая

Касацыйную скаргу на рашэнне Віцебскага райсуду адвакат віцебскага "лекара-праўдаруба", прымусова змешчанага ў абласны цэнтр псіхіятрыі і наркалогіі, падаў 30 жніўня. Яшчэ раней Ігар Пастноў даслаў у абласны суд уласную скаргу – ен напісаў яе самастойна, калі зразумеў, што знаходзіцца ў ізаляцыі, і што яго пазбавілі юрыдычнай дапамогі.

05.09.2013 Бярозаўскія праваабаронцы будуць судзіцца з райвыканкамам

Адмову ў пікеце, які заяўляўся на 4 жніўня бягучага году ў падтрымку палітзняволенага старшыні праваабарончага цэнтра “Вясна”Алеся Бяляцкага і іншых палітвязняў, праваабаронцы лічаць неабаснаванай і неправамернай.

05.09.2013 Расійскія ўлады пераводзяць праваабаронцаў з замежнага фінансавання на дзяржаўнае

Урад Масквы даў грамадскаму руху «За правы чалавека» новыя памяшканні ў цэнтры Масквы. Офіс плошчай 141 кв.м праваабаронцы атрымаюць у бязвыплатнае карыстанне тэрмінам на 49 гадоў «пад адміністрацыйныя мэты».

05.09.2013 Пікет прафсаюзу РЭП у Віцебску – пад забаронай

Валерый Міснікаў , прававы інспектар прафсаюзу работнікаў радыёэлектроннай прамысловасьці па Віцебскай вобласці, атрымаў адмову на сваю заяўку на правядзенне пікету, прысвечанага сацыяльным праблемам працоўных. Адміністрацыя Чыгуначнага раёну забараніла акцыю.

05.09.2013 З'явілася другая частка фільму з цыклу "Шэсць аргументаў супраць смяротнага пакарання"

Пра спецыфіку дзейнасці і псіхалагічны стан людзей, якія выконваюць смяротныя прысуды, распавядае Алег Алкаеў. Таксама ў фільме гучыць меркаванне праваабаронцы Валянціна Стэфановіча і псіхіятра Валдаса Банайціса.

05.09.2013 Пачаўся збор ахвяраванняў у падтрымку родных ксяндза Лазара

Па словах каардынатара грамадзянскай ініцыятывы “За Волю” Ганны Шапуцькі грошы патрэбныя найперш на аплату паслуг адваката і перадачаў у СІЗА.

05.09.2013 Андрэя Гайдукова перавялі ў магілёўскую калонію

Пакараны годам і 6 месяцамі зняволення 23-гадовы грамадскі актывіст, былы працоўны наваполацкага "Нафтана" Андрэй Гайдукоў пераведзены з Віцебскага следчага ізалятара ў Магілёўскую калонію №19.

04.09.2013 Баранавіцкі гарвыканкам забараніў пікет супраць расійскай авіябазы

4 верасня стала вядома, што Баранавіцкі гарвыканкам не дазволіў пікет супраць расійскай авіябазы, які запланаваў грамадскі актывіст Мікалай Чарнавус на 8 верасня – у Дзень беларускай вайсковай славы.

04.09.2013 Сумесная заява Беларускага Хельсінкскага Камітэта і ПЦ «Вясна» з нагоды прымусовай шпіталізацыі Ігара Пастнова

Праваабаронцы заклікаюць кампетэнтныя органы неадкладна вызваліць Ігара Пастнова з псыхіятрычнага стацыянара і перагледзець рашэнне аб яго прымусовай шпіталізацыі ў адкрытым працэсе з захаваннем устаноўленых працэдур і прынцыпаў справядлівага судовага разбіральніцтва.

04.09.2013 Аляксандр Францкевіч: «У мяне з'явілася ўпэўненасць у сваіх сілах»

Аляксандр Францкевіч, прыйшоўшы ў Праваабарончы цэнтр "Вясна" ў дзень вызвалення з Івацэвіцкай калоніі № 22 , найперш папрасіў паперу і канверты, каб напісаць лісты сябрам. Гэты занятак пастаянна перарываўся званкамі і візітамі журналістаў з віншаваннямі і роспытамі пра тры гады ў няволі палітвязня, асуджанага па «справе анархістаў» . Сёе-тое Аляксандр распавёў і ў інтэрв'ю для сайта "Вясны".

04.09.2013 Дзянісу Сахару прысудзілі штраф - 40 базавых велічынь

Сёння актывіст нацыянал-бальшавіцкага руху быў прызнаны вінаватым у непадпарадкаванні законным патрабаванням службовай асобы (арт 23.4 КаАП РБ) і пакараны штрафам на суму 4 млн. рублёў.

04.09.2013 Журналістку TUT.BY выклікаюць у Следчы камітэт

Следчы ўпраўлення Следчага камітэта па горадзе Мінску Андрэй Еўлаш хоча апытаць журналістку TUT.BY Кацярыну Сінюк з нагоды публікацыі інфармацыі, афіцыйна прадстаўленай міліцыяй.

04.09.2013 Мінскі гурт Crowblack прысвяціў песню нявінна асуджаным на смяротнае пакаранне

Мінскі гурт Crowblack прадставіў на Ultra -Music песню «Burning Cage of Justice» . Песня распавядае пра нявінна асуджаных на смяротнае пакаранне людзях.