Праваабарончы цэнтр «ВЯСНА»

Навіны за Верасень 2013

09.09.2013 У Баранавічах міліцэйскія кадры збягаюць

"У нас вельмі шмат чыноўнікаў-бюракратаў у пагонах, якія пільна сочаць за прадстаўнікамі грамадзянскай супольнасці. Але відавочна, што цяпер дакладна не хапае тых супрацоўнікаў міліцыі, хто канкрэтна змагаецца са злачынствам і забяспечвае парадак на вуліцах горада".

09.09.2013 Ці прыслухаюцца пружанскія ўлады да цвярозага голасу гараджан?

Жыхары Пружан патрабуюць перанесці ў іншае месца фірмовую краму “Склад” Берасцейскага лікёра-гарэлачнага завода, якая нядаўна адчынілася насупраць сярэдняй школы № 4. Людзі лічаць такое размяшчэнне крамы шкодным для дзяцей і падлеткаў.

09.09.2013 Бабруйск: Бузінаеву вярнулі асобнікі партыйнай газеты “Голас розуму”

Віктар Бузінаеў, старшыня бабруйскай суполкі АГП, расказаў, што міліцыянты вярнулі яму ўсе асобнікі партыйнай газеты “Голас розуму”. Нагадаем, 14 жніўня актывіст разам з Анатолем Лябедзькам раздаваў яе каля прахадной ААТ “Белшына”, але іх затрымалі супрацоўнікі міліцыі.

09.09.2013 Пра "мурзілкі" і скокі з вакна

Працяг лістоў зняволенага праваабаронцы Алеся Бяляцкага, напісаных ім у бабруйскай калон з блогу на "Белпартызане".

09.09.2013 Бабруйскія ідэолагі забаранілі «апазіцыйныя» фота

«Пад «апазіцыйнымі» мясцовыя ўлады традыцыйна маюць на ўвазе ўсе фотаздымкі, публікацыі, якія, на іх думку, не ўпісваюцца ў афіцыйную ідэалагічную дактрыну, – кажа галоўны рэдактар «Бабруйского курьера» Анатоль Санаценка. – Таму «апазіцыйным» можа быць названа, напрыклад, фота бамжа, дрэнных дарог або, скажам, шыкоўнай машыны мясцовага «мэра».

09.09.2013 Баранавіцкая міліцыя груба парушыла закон аб СМІ

Баранавіцкі ГАУС адмовіўся падаць мясцовай газеце “Intex-press” статыстыку па правапарушэннях, здзейсненых у стане алкагольнага ап'янення, фактах самагонаварэння, нелегальнага продажу спіртнога і інш.

09.09.2013 Самае закрытае для журналістаў беларускае ведамства – Мінздароўя

ГА “Беларуская асацыяцыя журналістаў” правяло апытанне сябраў арганізацыі адносна доступу да інфармацыі ў дзяржаўных ведамствах, міністэрствах, камітэтах і іншых установах.

09.09.2013 Пяць памылковых поглядаў на прызыў у войска

Ад пачатку жніўня ў Беларусі абвешчаны чарговы прызыў. Да канца лістапада ваенкаматы будуць спрабаваць выканаць план па наборы каля 10 тысяч салдат. Многія прызыўнікі тым часам зробяць усё магчымае, каб не апынуцца на бліжэйшыя паўтара года ў казарме.

09.09.2013 Улады здымаюць фільм пра Плошчу-2010

"Гэта афіцыйны адказ уладаў на «Жыве Беларусь!" — камэнтуе Курэйчык. А прадусар просіць не палітызаваць праект і кажа, што Плошча — толькі адзін з фрагмэнтаў.

09.09.2013 У Віцебску хочуць правесці пікет супраць размяшчэння расійскіх вайсковых баз

Гэта ўжо другая спроба правесці пікет супраць размяшчэння ў Беларусі расійскіх вайсковых баз: у ліпені гэтага году сябра КХП БНФ Ян Дзяржаўцаў ужо звяртаўся ў адміністрацыю Кастрычніцкага раёну з падобнай заяўкай, але прапанаваную ім акцыю забаранілі.

09.09.2013 Гомельскія праваабаронцы скардзяцца пракурору на невыкананне закону аб масавых мерапрыемствах

Нагодай для звароту стала прыняцце Гомельскім гарвыканкамам новага рашэння «Аб масавых мерапрыемствах», якое ўступіла ў сілу 5 верасня. Праваабаронцы лічаць гэтае рашэнне незаконным, якое супярэчыць закону «Аб масавых мерапрыемствах».

09.09.2013 Віцебскага сябра партыі "Справядлівы свет" аштрафавалі за ўлёткі

За распаўсюд улётак пра "Народны рэферэндум" у Віцебску сябра партыі "Справядлівы свет" Андрэя Андрэева аштрафавалі на два мільёны рублёў. Суд Кастрычніцкага раёну прызнаў яго парушальнікам заканадаўства аб СМІ.

09.09.2013 Жонка Алеся Бяляцкага: Званок таксама як момант сустрэчы

Праваабаронца Алесь Бяляцкі раз на тыдзень дасылае дамоў лісты і зрэдку тэлефануе.

08.09.2013 Правядзенне пікету супраць замежных вайсковых баз у Быхаве таксама забаранілі (дакумент)

Быхаўскі райвыканкам забараніў правядзенне пікету супраць размяшчэння ў Беларусі замежных вайсковых баз 8 верасня ў мясцовым парку “50 год Перамогі”. Адпаведны адказ з райвыканкаму атрымаў 7 верасня старшыня Быхаўскай раённай арганізацыі Партыі БНФ, пісьменнік і журналіст Сяргей Антонаў.

08.09.2013 Адам Міхнік папрасіў прабачэння ў Алеся Бяляцкага

Польскі публіцыст, эсэіст, гісторык, галоўны рэдактар выдання “Gazeta Wyborcza” Адам Міхнік яшчэ раз папрасіў прабачэння ад імя польскага ўрада за прыкрую недарэчнасць у адносінах да Алеся Бяляцкага і ягонай сям’і. Гэтае прабачэнне спадар Міхнік выказаў у мястэчку Крынкі на Беласточчыне.