Праваабарончы цэнтр «ВЯСНА»

Навіны за Верасень 2013

11.09.2013 Брэст: жыхары пяць гадоў дамагаліся ад уладаў рамонту сваёй вуліцы

Актыўнае змаганне за добраўпарадкаванне тэрыторыі вуліцы Тарфяной на ўскрайку Брэста дало плён пасля кампаніі па збору подпісаў, накіраваных у гарвыканкам. На працягу больш чым пяці гадоў асобныя жыхары вялі перапіску з гарадскімі уладамі, каб прывесці ў належны стан невялікую вуліцу ў мікрараёне Бярозаўка.

10.09.2013 Суд Крычаўскага раёна спагнаў з журналістаў “Вольнага горада” грошы за судовыя выдаткі

10 верасня адбылося паседжанне суда Крычаўскага раёна, на якім быў разгледжаны чарговы пазоў з боку КУП “Чэрыкаўскае ПМК-280” да журналістаў незалежнай газеты “Вольны горад”.

10.09.2013 Ігар Пастноў скардзіцца ў пракуратуру

Ён напісаў скаргу ў пракуратуру, якую перадаў для адпраўкі фіцебскаму палітыку Сяргею Рыжову – сваёй даверанай асобе. Аднак ужо ў гэтай якасці Рыжову забаронена сустракацца з Ігарам Пастновым, змешчаным у віцебскім абласным цэнтры псіхіятрыі і наркалогіі.

10.09.2013 Сітуацыя з правамі чалавека ў Беларусі ў жніўні 2013 года

У жніўні захоўвалася складаня сітуацыя ў галіне правоў чалавека, пры гэтым станоўчая падзея -- выхад на волю палітзняволенага Дзмітрыя Дашкевіча -- не змяніла агульных кепскіх тэндэнцый і не разглядаецца праваабаронцамі як прыкмета паляпшэння.

10.09.2013 У Слоніме запланаваны пікет супраць забароны пікетаў

Кіраўнік Слонімскага згуртавання дэмакратычных сіл Іван Шэга падаў заяўку ў Слонімскі райвыканкам на правядзенне 28 верасня пікету-пратэсту супраць практыкі забаронаў мясцовымі вертыкальшчыкамі правядзення пікетаў і іншых масавых мерапрыемстваў.

10.09.2013 Закон – не для суддзяў?

Паводле рашэння Мінгарсуда суд Савецкага раёна Мінска перагледзіць адміністратыўную справу праваабаронцы Уладзіміра Лабковіча, тым часам як аналагічную пастанову пра штраф яго калезе Таццяне Рэвяка касацыйная інстанцыя пакінула без зменаў.

10.09.2013 Аляксандр Валчанін прапанаваў МЗС абмеркаваць пытанні ўзаемадзеяння з грамадзянскай супольнасцю ў Беларусі

Дэпутат Жодзінскага гарадскога Савета двух скліканняў, сябра Каардынацыйнага камітэта Нацыянальнай платформы “Усходняга партнёрства” Аляксандр Валчанін прапанаваў намесніцы міністра замежных спраў Беларусі Алене Купчынай абмеркаваць пытанні ўзаемадзеяння з грамадзянскай супольнасцю ў Беларусі.

10.09.2013 Праваабарончая праграма “Людзьмі звацца!” на Беларускім Радыё Рацыя

"Падзея тыдня": Міжнародны дзень салідарнасці журналістаў. "Асоба. Дзяржава. Грамадства": госць рубрыкі - былы палітвязень Аляксандр Францкевіч, які 3-га верасня выйшаў на свабоду.

10.09.2013 Выгнаныя з хатаў цыганы сустрэнуць «Дажынкі» ў шатрах

Сем непрэзэнтабэльных хатаў, якія цыганы самавольна пабудавалі чвэрць стагодзьдзя таму, мясцовыя ўлады разбурылі і цяпер закопваюць у дол. Цыганскія сем’і змушаны шукаць сабе прытулку па ўсёй Гомельшчыне. Некаторыя зь іх наважаны ставіць на месцы разбураных сялібаў цыганскія шатры.

10.09.2013 Ігар Пасноў заявіў, што яму піхаюць лекі гвалтам

9 верасьня віцебскі актывіст Сяргей Рыжоў атрымаў падпісаную лекарамі віцебскага абласнога псыхіятрычнага шпіталя даверанасьць прадстаўляць інтарэсы лекара Ігара Паснова, зьмешчанага на прымусовае псыхіятрычнае лячэньне. Але празь некалькі гадзінаў яму паведамілі, што забараняюць сустракацца з Пасновым.

10.09.2013 Ветэраны-«афганцы» заклікаюць урад аднавіць іх льготы

Былыя воіны-інтэрнацыяналісты, ветэраны афганскай вайны, заклікаюць урад аднавіць іх сацыяльныя льготы і гарантыі. Адпаведны зварот адпраўлены прэм’ер-міністру Міхаілу Мясніковічу сустаршынямі рэспубліканскага грамадскага аб’яднання ветэранаў вайны ў Афганістане «Абаронцы Айчыны» Аляксандрам Камароўскім і Алегам Волчакам.

10.09.2013 Фотафакт: Салігорцы працягваюць дасылаць паштоўкі палітвязню Алесю Бяляцкаму

Па ініцыятыве мясцовых праваабаронцаў жыхары сталіцы шахцёраў у чарговы раз выказалі сваю салідарнасць са зняволеным кіраўніком Праваабарончага цэнтру “Вясна” Алесем Бяляцкім.

10.09.2013 Чытачы бароняць “Газету Слонімскую”

9 верасня сябра Слонімскай суполкі БХД Алесь Масюк падаў у мясцовы райвыканкам заяўку на правядзення 29 верасня ў гарадскім парку пікету ў падтрымку незалежнага выдання. Каторы год жыхары Слоніма спрабуюць адстаяць сваё права свабодна афармляць на пошце падпіску на "Газету Слонімскую" і свабодна яе набываць ў кіёсках "Белсаюздруку".

09.09.2013 Бабруйскаму блогеру пагражаюць крымінальнай справай

4 верасня сп. Жалноў з сынам каля будынка мясцовага ДАІ (вул. Лынькова, 6) знялі на відэа парушэнне правіл дарожнага руху – няправільную паркоўку машын на тратуары. Па словах Жалнова, машыны належалі супрацоўнікам аддзела наркакантролю, які месціцца ў тым жа будынку.

09.09.2013 Гарадзенскія праваабаронцы атрымалі позву ў суд

Гарадзенскія праваабаронцы Віктар Сазонаў і Уладзімір Хільмановіч атрымалі позвы ў суд Ленінскага раёна Гародні. Яны мяркуюць, што гэта рэакцыя на пададзеную імі скаргу на дзеянні гарвыканкаму, які забараніў пікет у падтрымку палітвязня Алеся Бяляцкага.