Праваабарончы цэнтр «ВЯСНА»

Навіны за Жнівень 2013

02.08.2013 Рэчыца: пікет салідарнасці з Алесем Бяляцкім не дазволілі

Пікет салідарнасці, замоўлены на 4 жніўня з 16-00 да 18-00 каля Гарадскога Дома культуры ў Рэчыцы не адбудзецца.

02.08.2013 Берасцейскі гарвыканкам забараніў пікет у падтрымку Бяляцкага

Берасцейскім прадстаўнікам праваабарончага цэнтра “Вясна” забаранілі праводзіць акцыю ў падтрымку палітзняволенага Алеся Бяляцкага, які знаходзіцца за сваю дзейнасць за кратамі ўжо два гады.

02.08.2013 Віцебскія журналісты атрымалі лісты з пагрозамі

Сяргей Серабро і Алена Сцяпанава ў адзін дзень атрымалі аднолькавыя лісты з загалоўкам "Ведай, куды язык можа давесці". Нехта, падпісаўшыся імем Яўген Мішакоў, крытыкуе інфармацыйную палітыку "Радыё Свабода" і "БелаПАН" і зневажае незалежных журналістаў.

02.08.2013 Патэнцыйны кандыдат задае пытанне ЦВК адносна “маральна-этычных прынцыпаў”

Сябра грамадзянскай кампаніі “Гавары праўду!” са Слуцку Аляксандр Солап звярнуўся з адкрытым лістом да старшыні Цэнтральнай выбарчай камісіі Лідзіі Ярмошынай. Нагодай для ліста сталі набліжаючыюся выбары ў мясцовыя Саветы дэпутатаў.

02.08.2013 Петрыкаў: на вёсцы больш чым на тры гады затрымліваецца толькі 1% маладых спецыялістаў

Пра бясхібную і пераможную палітыку дзяржавы па праграме «Адраджэння вёскі» грамадзяне нашай краіны чулі і бачылі па ўсіх інфармацыйных каналах шмат разоў. Толькі вось лічбы гавораць іншае.

02.08.2013 Баранавічы: суд вярнуў справу абвінавачанага ў арганізацыі прадпрымальніцкіх страйкаў на дапрацоўку

Баранавіцкі прадпрымальнік і грамадскі актывіст Мікалай Чарнавус атрымаў ліст за подпісам старшыні суда Баранавіцкага раёна і г. Баранавічы Мікалая Кміты, у якім паведамляецца, што ў адпаведнасці з пастановай суда 29 ліпеня 2013 года яго справа аб адміністацыйным правапарушэнні вяртаецца назад у міліцыю для выпраўлення недахопаў.

01.08.2013 Як будуць адзначаць Міжнародны дзень салідарнасці з грамадзянскай супольнасцю Беларусі

У Дзень салідарнасці 4 жніўня 2013 года і напярэдадні яго ў розных гарадах і краінах пройдуць акцыі падтрымкі актывістаў і арганізацый грамадзянскай супольнасці Беларусі: вулічныя пікеты, перформансы, дыскусіі, кінапаказы, выставы ды іншыя акцыі.

01.08.2013 Паўла Вінаградава выклікалі ў транспартную міліцыю

Лідэра «Зьмены» Паўла Вінаградава выклікалі праз тэлефон у транспартную міліцыю, якую актывіст плянуе наведаць 2 жніўня.

01.08.2013 Бабруйск: звольнены сябра Свабоднага прафсаюза Беларускага

31 ліпеня на бабруйскім заводзе трактарных дэталяў і агрэгатаў быў звольнены Дзмітрый Курмаз, наладчык аўтаматычных ліній і агрэгатных станкоў 5 разраду. Ён працаваў на прадыпрыемстве з 2007 года, і ад таго часу не меў дысцыплінарных спагнанняў. Звольнены рабочы ўпэўнены, што ад яго пазбавіліся, бо ён з’яўляецца сябрам завадской пярвічкі СПБ.

01.08.2013 Барысаўскі святар: Я не веру, што ксёндз Лазар замешаны ў шпіянажы

У Беларусі разгараецца дзіўны шпіёнскі скандал. Пільную ўвагу беларускіх спецслужбаў гэтым разам прыцягнуў каталіцкі святар.

01.08.2013 Улады пагражаюць сялянам турмой за трыманне свіней у раёнах пад забаронай

Крымінальная адказнасць прадугледжана для тых, хто абавязаны, але не заб’е сваіх свіней. А таксама для тых, хто будзе вырошчваць свіней, у той час як гэта рабіць забаронена. Але толькі ў тым выпадку, калі гэта прывядзе да распаўсюду заразных хвароб.

01.08.2013 Магілёўскім праваабаронцам адмоўлена ў правядзенні пікета

Мерапрыемства з патрабаваннем вызвалення праваабаронцы Алеся Бяляцкага мусіла адбыцца 4 жніўня ў цэнтры горада. Адпаведны адказ за подпісам кіраўніка справамі Магілёўскага гарвыканкама Ігара Аўсенкі атрымалі праваабаронцы Барыс Бухель і Аляксей Колчын.

01.08.2013 У Бабруйску створаны камітэт абароны дзяцей

У сувязі з выкраданьнем дачкі бабруйскага актывіста аргкамітэта партыі «Беларуская хрысьціянская дэмакратыя» Вячаслава Шэлега праваабаронцы, журналісты, прадстаўнікі палітычных рухаў стварылі камітэт абароны дзяцей.

01.08.2013 Кнігу «Справа Бяляцкага» прэзэнтуюць у Маскве

4 жніўня, у другую гадавіну арышту праваабаронцы Алеся Бяляцкага, у многіх краінах сьвету пройдуць акцыі ў рамках Міжнароднага дня салідарнасьці з грамадзянскай супольнасьцю Беларусі.

01.08.2013 Улады Жодзіна не дазволілі пікет салідарнасці з Алесем Бяляцкім

Пікет салідарнасці, замоўлены на 4 жніўня з 18-00 да 19-00 ля галоўнай канцэртнай пляцоўкі Гарадскога парку культуры і адпачынку ў Жодзіне не адбудзецца.