Праваабарончы цэнтр «ВЯСНА»

Навіны за Жнівень 2013

04.08.2013 БАЖ накіравала зварот кіраўніку Папраўчай калоніі №2 у Бабруйску

Сябры журналісцкай арганізацыі адзначаюць, што па атрыманай інфармацыі нядаўна адміністрацыяй калоніі да зняволенага праваабаронцы былі прымененыя неабгрунтаваныя меры пакарання.

03.08.2013 Заява Дзяржадэпартамента ЗША з нагоды другой гадавіны з дня арышту Алеся Бяляцкага

4 жніўня – другая гадавіна арышту Алеся Бяляцкага, старшыні вядучай беларускай праваабарончай арганізацыі ПЦ “Вясна” і лаўрэата Прэміі Дзяржаўнага дэпартамента ў галіне абароны правоў чалавека за 2011 год. Бяляцкі аказваў прававую і практычную падтрымку ахвярам палітычных рэпрэсій і іх сем'ям, і рэгістраваў парушэнні правоў чалавека.

03.08.2013 Смалявічы: подпісы «нязгодных» перададзеныя ў райвыканкам

У пятніцу, 2 жніўня, актывісты руху па зборы подпісаў пад зваротам да ўладаў аб пераносе месца будаўніцтва Кітайска-беларускага індустрыяльнага парку перадалі ў Смалявіцкі райвыканкам подпісы 749 нязгодных.

03.08.2013 Барысаўская праваабаронца не змагла даведацца, дзе ўтрымліваецца ксёндз Уладзіслаў Лазар

Не змагла высветліць, у якім горадзе змяшчаецца ксёндз, каб перадаць яму неабходныя рэчы, і праваабаронца Марына Статкевіч, актыўная прыхаджанка барысаўскага касцёла Нараджэння Святой Панны Марыі.

03.08.2013 Гродна: пікет забаронены, участковы папярэджвае пра адказнасць

Гарадзенскія праваабаронцы апошнімі ў краіне атрымалі адмову на правядзенне пікету 4 жніўня ў падтрымку зняволенага кіраўніка ПЦ “Вясна” Алеся Бяляцкага. Адпаведны ліст з гарвыканкаму прыйшоў праз пошту сёння, 3 жніўня.

03.08.2013 Ушанаванне памяці Міхала Валовіча прайшло пад наглядам міліцыі

У вёсцы Парэчча Слонімскага раёна адбылося традыцыйнае штогадовае ўшанаванне памяці аднаго з кіраўнікоў паўстання 1830-1831 гадоў супраць Расійскай імперыі Міхала Валовіча і яго паплечнікаў. Увесь час за ўдзельнікамі мерапрыемства сачыў белы “Фольксваген” з нумарамі 4421АТ-4.

03.08.2013 Брэст: улады ігнаруюць вынікі грамадскага абмеркавання

Актывісты Беларускай сацыял-дэмакратычнай партыі (Грамада) атрымалі адказ з Брэсцкага гарвыканкаму наконт сваёй заявы, што тычыцца будаўніцтва ў мікрараёне Рэчыца шматпавярховага дому на месцы стадыёна.

03.08.2013 Міклаш Харашці заклікае ўрад вызваліць Алеся Бяляцкага і спыніць пераслед праваабаронцаў

ЖЭНЕВА (2 жніўня 2013 г.) - Спецыяльны дакладчык ААН па пытанні аб становішчы ў галіне правоў чалавека ў Беларусі Міклаш Харашці заклікаў урад Беларусі "неадкладна і безумоўна" вызваліць і рэабілітаваць праваабаронцу Алеся Бяляцкага. "Зняволенне сп. Бяляцкага з'яўляецца сімвалам рэпрэсій супраць праваабаронцаў", — сказаў ён.

03.08.2013 Паштоўкі салідарнасці палітвязням даслалі з Бялыніч

2 жніўня грамадскія актывісты з Бялыніцкага раёна даслалі паштоўкі салідарнасці беларускім палітвязням. Акцыя была прымеркаваная да другой гадавіны з дня арышту кіраўніка Праваабарончага цэнтру “Вясна” Алеся Бяляцкага і да адзначаемага 4 жніўня Міжнароднага Дня салідарнасці з грамадзянскай супольнасцю Беларусі.

03.08.2013 Магілёўскі гарсавет разгледзіць ініцыятыву адносна закона “Аб грамадскіх слуханнях”

Зробіць ён гэта на бліжэйшым пасяджэнні прэзідыума Магілёўскага гарсавета з камісіяй Савета па мандатах, дэпутацкай этыцы, мясцоваму самакіраванню і самакіраванню. Адказ за подпісам намесніка старшыні Магілёўскага гарвыканкама Мікалая Міхалені атрымалі актывісты Беларускай сацыял-дэмакратычнай партыі (Грамады).

02.08.2013 Бабруйск: Пікет салідарнасці з палітвязнямі не дазволены (дакумент)

У лісце гаварыцца, што да атрымання дазволу на правядзенне пікета нельга распаўюджваць інфармацыю аб ім. Напрыканцы ліста заяўнікаў традыцыйна папярэджваюць аб адказнасці, якую яны панясуць у выпадку ўдзелу ў несанкцыянаваным мерапрыемстве.

02.08.2013 Гомельскім левым забаранілі праводзіць пікет... з-за рэпетыцый ансамбляў

Адмовы на правядзенне масавых мерапрыемстваў у Гомелі робяцца ўсё больш абсурднымі (калі абсурд можна нечым вымераць). Так, прадстаўнікі Беларускай партыі левых «Справядлівы свет» планавалі 6 жніўня правесці пікет з мэтай прапаганды і данясення да насельніцтва ідэй партыі на адзінай дазволенай у горадзе пляцоўцы.

02.08.2013 Паўла Вінаградава адпусцілі, узяўшы тлумачэнні наконт бел-чырвона-белага сцяга на цягніку

Транспартная міліцыя ўзяла тлумачэнне з актывіста Паўла Вінаградава за размяшчэнне нацыянальнага сцяга на электрычцы. Пра гэта ён напісаў на сваёй старонцы ў Facebook.

02.08.2013 Алесь Бяляцкі: “Гомельскія руляць!”

Алесь Бяляцкі даслаў з-за кратаў водгук на кнігу “Зямля пад крыламі Фенікса” (Нарысы з паралельнай гісторыі Беларусі) пісьменьніка-постмадэрніста Сяргея Балахонава, які жыве і працуе ў Гомелі.

02.08.2013 Адам Бяляцкі: Я ўдзячны ўсім, хто падтрымлівае нашу сям’ю

4-га жніўня – сумная гадавіна. Два гады таму быў арыштаваны стваральнік і кіраўнік Праваабарончага цэнтра “Вясна” Алесь Бяляцкі. У студыі Беларускага Радыё Рацыя - ягоны сын Адам Бяляцкі.