Праваабарончы цэнтр «ВЯСНА»

Навіны за Ліпень 2013

02.07.2013 Рэчыца: прадпрымальнікі плануюць накіраваць пратэст у парламент

Рэчыцкія прадпрымальнікі вырашылі накіраваць пратэст у беларускі парламент у сувязі з тэхрэгламентам Мытнага саюза. Раніцай 2 ліпеня ІП Рэчыцы планавалі правесці бестэрміновы страйк: прыйсці на працу, але не адчыняць свае гандлёвыя кропкі.

02.07.2013 Барысаў: супрацьстаянне паміж уладамі і жыхарамі

З лютага гэтага года цягнецца супрацьстаянне паміж Барысаўскім райвыканкамам і жыхарамі былога ваеннага гарадка, цяпер гарадскога мікрараёна Печы. Тут без грамадскага абмеркавання высеклі дрэвы пад будаўніцтва крамы і піцэрыі.

02.07.2013 Назіральнікі працягваюць маніторынг адміністратыўных працэсаў

Група назіральнікаў 1 ліпеня правяла маніторынг дзесяці звычайных судовых паседжанняў па справах аб адміністратыўных правапарушэннях.

02.07.2013 Натальля Радзіна: “Здароўю і жыцьцям палітвязьняў пагражае сур’ёзная небясьпека”

Сёньня досыць шмат словаў гучыць пра тое, што неабходна патрабаваць вызваленьня палітвязьняў ў Беларусі, але амаль не агучваецца пра тое, ў якіх ўмовах за кратамі знаходзяцца вязьні сумленьня. Рэдактарка сайту “Хартыя-97” Натальля Радзіна не адзін месяц правяла ў так званай “амэрыканцы” – СІЗА КДБ.Пра катаваньні і ў тым ліку ў дачыненьні да палітычных вязьняў рэсур піша досыць часта. Пра гэта, ды іншыя асьпекты журналістка распавяла сайту palitviazni.info

02.07.2013 Партыя БНФ патрабуе спыніць пераслед за палітычныя погляды

Партыя БНФ заяўляе пра актывізацыю практыкі звальнення з працы прадстаўнікоў апазіцыйных партый. «Сродкам для пазбаўлення іх працы стала адмова працягу працоўных кантрактаў», - гаворыцца ў заяве намесніка старшыні партыі Ігара Лялькова.

02.07.2013 "Перспектыва": Многія прадпрымальнікі прыпыняць працу з 2 ліпеня

Яны ідуць на гэты крок з-за немагчымасці працаваць ва ўмовах патрабаванняў уведзенага тэхрэгламента Мытнага саюза.

02.07.2013 Гродзенскі абласны суд знайшоў парушэнні ў дзеяннях суддзі па справе Belarus Press Photo

Але адмовіўся распачынаць супраць Аляксандра Давыдава дысцыплінарную вытворчасць.

02.07.2013 Праваабарончая праграма “Людзьмі звацца!” на Беларускім Радыё Рацыя

"Падзея тыдня” - прысуд Віцебскага абласнога суда Андрэю Гайдукову, які праваабаронцы лічаць палітычна матываваным. Госця рубрыкі "Асоба. Дзяржава. Грамадства" - маці палітвязня Ігара Аліневіча, з якой кіраўніцтва Беларускага дзяржаўнага эканамічнага ўніверсітэта адмовілася працягнуць працоўны кантракт.

01.07.2013 Брэст: грамадскасць хоча ведаць, як дэпутаты вядуць прыём выбаршчыкаў

Усім 40 дэпутатам Брэсцкага гарадскога Савету накіраваны зварот, у якім выказваецца просьба паведаміць, якім чынам народныя абраннікі ажыццяўляюць прыём грамадзян.

01.07.2013 Прысуд Андрэю Гайдукову - паўтары гады калоніі

Аператару наваполацкага НПЗ «Нафтан» Андрэю Гайдукову вынеслі прысуд - паўтары гады калоніі па артыкуле 356.1 (усталяванне супрацоўніцтва са спецыяльнымі службамі арганаў дзяржбяспекі замежных дзяржаў)

01.07.2013 Баранавіцкія прадпрымальнікі прынялі рашэнне 1 ліпеня спыніць працу і аплату падаткаў

Сёння баранавіцкія прадпрымальнікі трох гарадскіх кірмашоў, якія гандлююць лёгкапрамысловымі таварамі, сабраліся каля будынка гарадской падатковай інспекцыі. На гэтым стыхійным сходзе яны прынялі рашэнне спыніць працу і аплату падаткаў, пратэстуючы такім чынам супраць новых правілаў гандлю ў рамках Мытнага саюзу.

01.07.2013 Баранавічы: афіцыйная газета праз суд адкажа за запрашэнне на Мілавідскі фэст

Грамадскі актывіст Віктар Сырыца падаў на афіцыйную газету “Наш край” зыск у суд Баранавіцкага раёна і г. Баранавічы у сувязі з публікацыяй 30 траўня 2013 года аб’явы з запрашэннем на Мілавідскі фэст, у арганізацыі якога ён пазней быў абвінавачаны РАУС.

01.07.2013 Заява Праваабарончага цэнтру "Вясна" і Беларускага Хельсінкскага камітэта адносна вынясення прысуду Андрэю Гайдукову

1 ліпеня 2013 года Андрэй Гайдукоў асуджаны па частцы 1 артыкула 14 і артыкуле 356-1 Крымінальнага кодэкса Рэспублікі Беларусь (замах на ўсталяванне супрацоўніцтва са спецыяльнай службай, органам бяспекі або разведвальным органам замежнай дзяржавы) і прысуджаны да 1,5 гадоў пазбаўлення волі.