Праваабарончы цэнтр «ВЯСНА»

Навіны за Ліпень 2013

05.07.2013 Кубінскі дысідэнт заклікаў Еўрапарламент прыняць жорсткую пазіцыю адносна Беларусі

Гіллерма Фарынняс урэшце змог атрымаць прызначаную яму яшчэ ў 2010 годзе прэмію Сахарава – раней улады не дазвалялі яму пакідаць «выспы свабоды». І падзяліўся меркаваннямі пра сітуацыю ў Беларусі.

05.07.2013 Затрыманні нацыянал-бальшавікоў у Менску

У Менску 2 ліпеня былі затрыманыя актывісты нацыянал-бальшавіцкага руху Зміцер Паліенка, Аляксандр Палякоў і Дзяніс Гаўрыкаў. Супрацоўнікі міліцыі паведамілі, што яны падазраюцца ў рабаванні, аднак калі актывістаў адвезлі ў Кастрычніцкі РУУС, на іх былі складзеныя пратаколы па артыкуле 17.1 КаАП РБ за нібыта нецэнзурную лаянку ў грамадскім месцы.

04.07.2013 FIDH выказвае занепакоенасць з нагоды прысуду Андрэю Гайдукову

FIDH выказвае занепакоенасць з нагоды прысуду, вынесенага ў дачыненні да 23-гадовага моладзевага актывіста Андрэя Гайдукова, які 1 ліпеня 2013 г. быў прысуджаны да 1,5 года пазбаўлення волі за спробу “усталявання супрацоўніцтва са спецслужбамі замежнай дзяржавы” (артыкул 14, частка 1 і артыкул 356.1 Крымінальнага кодэкса Беларусі).

04.07.2013 Брэст: да апублікавання пастановы прадпрымальнікі не маюць магчымасці працаваць легальна

Большасць гандлёвых месцаў на рынках Брэста - “Юбілейны”, “ЦУМ”, “Лагуна”, “Варшаўскі” – па-ранейшаму зачыненыя, бо ў гандляроў няма ўпэўненасці, што пасля 1 ліпеня яны не будуць пакараныя за тое, што іх праца не адпавядае тэхнічнаму рэгламенту Мытнага саюзу.

04.07.2013 Прысуджаны да расстрэлу гамяльчук падаў касацыйную скаргу

Маці прысуджанага да расстрэлу гамельчука Аляксандра Грунова падала касацыйную скаргу ў Вярхоўны суд. У межах кампаніі "Праваабаронцы супраць смяротнага пакарання" жанчыну наведаў Леанід Судаленка.

04.07.2013 Адзіночны пікет у Магілёве: затрыманне і выклік у міліцыю

Актывіст Аб’яднанай грамадзянскай партыі з Магілёва Мікалай Гладышаў, які 4 ліпеня ладзіў пікет у знак пратэсту супраць разьмяшчэння расійскай авіябазы ў Беларусі, быў затрыманы супрацоўнікамі мясцовага РАУСа.

04.07.2013 Магілёў. Адзіночны пікет супраць расейскай авіябазы

Жыхар Магілёва Мікалай Гладышаў пікетуе Магілёўскі гарвыканкам у знак пратэсту супраць разьмяшчэньня расейскай авіябазы ў Беларусі.

04.07.2013 Міколу Статкевічу дазволілі кароткатэрміновае спатканне з жонкай

2 ліпеня палiтвязень Мікалай Статкевіч сустрэўся з жонкай у магілёўскай турме №4.

03.07.2013 Гомель: праваабаронцы дапамагаюць рыхтаваць скаргу ў Камітэт ААН па справе асуджанага да смяротнага пакарання

Праваабаронца Леанід Судаленка сустрэўся з маці асуджанага да вышэйшай меры пакарання гамяльчаніна Аляксандра Грунова. Абмяркоўвалася пытанне вычарпання ўсіх эфектыўных сродкаў прававой абароны ўнутры краіны для падачы індывідуальнай скаргі ў Камітэт па правах чалавека ААН.

03.07.2013 Гарадзенцам падказваюць, як абараніць свае прыватныя дамы

Гарадзенская гарадская арганізацыя Партыі БНФ правяла інфармаванне людзей, якія пражываюць па вуліцы Будзёнага, дзе зараз адбываецца карэнная рэканструкцыя і пашырэнне дарогі. Нагадаем, што пры кардынальнай рэканструкцыі вуліцы Будзёнага ў Гродна ўжо ўзнікла некалькі лакальных канфліктаў паміж будаўнікамі і мясцовымі жыхарамі.

03.07.2013 Віктар Малочка судзіцца з Салігорскім тэлеканалам

Сябра Аб'яднанай грамадзянскай партыі Віктар Малочка накіраваў іскавую заяву ў суд на Салігорскі тэлеканал. Рашэнне судзіцца з мясцовымі тэлевізіёншычкамі актывіст прыняў з-за адмовы апошніх паставіць у эфіры у сакавіку 2013 году віншаванні з 95-годдзем Беларускай Народнай Рэспублікі ды адказамі на свае звароты на рускай мове.

02.07.2013 Бярозаўскія і івацэвіцкія прадпрымальнікі падтрымалі працяг страйку

Бярозаўскія прадпрымальнікі паведамілі, што накіроўвалі двух прадстаўнікоў у райвыканкам, якія сустракаліся з намеснікам старшыні райвыканкама па эканоміцы Данутай Гардзейчык. Яна таксама пагадзілася, што рашэнне па тэхрэгламенту для дробных прадпрымальнікаў памылковае.

02.07.2013 У Быхаўскім раёне значна ўзрос узровень карупцыйнай злачыннасці

За студзень-травень 2013 года ў Быхаўскім раёне выяўлена пяць карупцыйных злачынстваў. Нагадаем, што менавіта ў Быхаве ў 2013 годзе будзе адзначацца Дзень беларускага пісьменства. У межах падрыхтоўкі да свята ў горадзе зараз вядуцца разнастайныя работы па яго добраўпарадкаванні.

02.07.2013 Баранавічы: прадпрымальнікі страйкуюць, супрацоўнікі міліцыі спрабавалі затрымаць Мікалая Чарнавуса

Калі Мікалай Чарнавус 2 ліпеня зайшоў на Цэнтральны рынак і стаў размаўляць з тымі прадпрымальнікамі, якія сёння працуюць, то да яго адразу падбеглі некалькі міліцыянераў. Імі камандаваў вядомы сваім удзелам у разгоне апазіцыйных акцыяў маёр міліцыі Павел Кульгавік.

02.07.2013 Пасяджэнні віцебскіх гар- і аблсавета таксама сталі "закрытымі"?

Старшыня Віцебскай абласной арганізацыі Партыі БНФ Леанід Аўтухоў накіраваў у гарсавет і аблсавет афіцыйныя заявы пра тое, што ён хоча прысутнічаць падчас пасяджэнняў гэтых органаў улады. Прайшло ўжо два месяцы, але адказу няма, гаворыць партыйны актывіст.