Праваабарончы цэнтр «ВЯСНА»

Навіны за Ліпень 2013

09.07.2013 Адвакат Андрэя Гайдукова абскардзіў прысуд

Абарона Андрэя Гайдукова абскардзіла ў вышэйшай судовай інстанцыі прысуд, які на мінулым тыдні вынес грамадзкаму актывісту Віцебскі абласны суд.

09.07.2013 Будуць судзіць незалежную журналістку Алену Сцяпанаву

Віцебскую сябру ГА “БАЖ” Алену Сцяпанаву вінавацяць у парушэнні заканадаўства аб СМІ. У міліцыі лічаць, што Алена супрацоўнічае з замежным СМІ без акрэдытацыі.

09.07.2013 Медвыцвярэзнікі перайменуюць у СІЗА, каб не было негатыву

У Беларусі рэарганізуюць цэнтры ізаляцыі правапарушальнікаў і медвыцвярэзнікі. Адпаведны ўказ № 307 «Аб пытаннях удасканалення дзейнасці органаў унутраных спраў Рэспублікі Беларусь» Аляксандр Лукашэнка падпісаў 8 ліпеня.

09.07.2013 Парушэнні правоў прызыўнікоў – у цэнтры увагі кампаніі “За альтэрнатыўную грамадзянскую службу ў Беларусі”

Цэнтр правоў прызыўніка кампаніі «За Альтэрнатыўную грамадзянскую службу ў Беларусі” падрыхтаваў “Маніторынг прызыву на тэрміновую службу ў лютым - траўні 2013” (у адпаведнасці з Указам Прэзідэнта Рэспублікі Беларусь ад 1 лютага 2013 г. № 53).

09.07.2013 Праваабарончая праграма “Людзьмі звацца!” на Беларускім Радыё Рацыя

"Падзея тыдня” - новыя крокі ў межах кампаніі “Праваабаронцы супраць смяротнага пакарання ў Беларусі”, скіраваныя на замену меры пакарання для Рыгора Юзэпчука. Госць рубрыкі "Асоба. Дзяржава. Грамадства" - беларускі дысідэнт і праваабаронца Міхась Кукабака.

09.07.2013 Журналіста Сержука Серабро хацелі пабіць цаглінай

5 ліпеня фотакарэспандэнт інтэрнэт-газеты "Народныя навіны Віцебска"Сяржук Серабро рыхтаваў фотарэпартаж пра наступствы моцнага ліўня, які прайшоў напярэдадні ў Віцебску. У прыватнасці, яго зацікавіла яма, якая ўтварылася ў самым цэнтры горада, насупраць гандлёвага цэнтра "Марка-сіці".

08.07.2013 Прысуд Паўлу Пракаповічу - штраф у 25 базавых велічынь

Суд Савецкага раёна Менска прысудзіў Паўлу Пракаповічу штраф памерам у 25 базавых велічынь. Актывіста аргкамітэта па стварэнні партыі "Беларуская Хрысціянская Дэмакратыя" пакаралі за акцыю памяці ахвяры гвалтоўнага знікнення - журналіста Дзмітрыя Завадскага.

08.07.2013 Слонім: чыноўнік з Гродна “не заўважыў” заяваў доктара Шэгі аб жаданні працягнуць кантракт

Працягваецца супрацьстаянне пацыентаў слонімскага доктара Івана Шэгі па пытанні яго звальнення. Нядаўна адказ на зварот слонімцаў прыйшоў ад начальніка ўпраўлення аховы здароўя Гродзенскага аблвыканкама за подпісам начальніка ўпраўлення А.А.Стрыжака.

08.07.2013 У Магілёве склалі адміністрацыйны пратакол на арганізатара пікета супраць расійскай авіябазы

Сёння, 7 ліпеня, актывіст Аб’яднанай грамадзянскай партыі Мікалай Гладышаў адпаведнай позвай быў выкліканы ў Ленінскі РАУС г.Магілёва. У міліцыі актывіста АГП у чарговы раз апыталі і склалі пратакол аб адміністрацыйным правапарушэнні. Мікалая Гладышава абвінавацілі ў парушэнні артыкула 23.34.

08.07.2013 Калі на мапе Бабруйска з’явяцца вуліцы імя Мікуліча і Грахоўскага, пакуль невядома

Актывістка Вольга Піманава паведаміла, што атрымала чарговы адказ з гарвыканкама на зварот гараджан з просьбай назваць вуліцы ў гонар Барыса Мікуліча і Сяргея Грахоўскага. Нагадаем, ідэю сабраць подпісы пад гэтым зваротам падказаў бабруйчанам праваабаронца Алесь Бяляцкі.

08.07.2013 Баранавічы: суд другі раз вярнуў адміністрацыйны пратакол у міліцыю

Старшыня суда Баранавіцкага раёна і г. Баранавічы Мікалай Кміта другі раз адправіў адміністрацыйны пратакол, складзены на арганізатара святочнага мерапрыемства ў гонар 150-х угодкаў Мілавідскай бітвы 1863 года Віктара Сырыцу, назад у міліцыю для выпраўлення недахопаў. Гэта стала вядома з ліста, які ён атрымаў 6 ліпеня з гарадскога суда.

08.07.2013 Белаазёрск: з-за самаўпраўства ЖКГ у інваліда адключылі электрычнасць

Хаця спачатку жыллёва-камунальная гаспадарка адказнасць за адключэнне брала на сябе, пасля ўмяшальніцтва пракуратуры, калі зразумелі, што зрабілі промах, аргументуючы адлючэнне запазычанасцю, якой не было - пайшлі ў адказную. Маўляў, хто адрэзаў, не ведаем, але падключаць не будзем, бо Леўчанка мае запазычанасць за кватэру.

08.07.2013 Малады медык Дзмітрый Лучыц звольнены

Маладога медыка Брэсцкай абласной бальніцы, сябра РЭП, Дзмітрыя Лучыца звольнілі 5 ліпеня па заканчэнні кантракта, нягледзячы на напісанне заявы на імя галоўнага ўрача аб датэрміновым разрыве кантракта 4 ліпеня па прычыне парушэння наймальнікам працоўнага заканадаўства.

08.07.2013 Шклоў: недахопы працы па прафілактыцы правакуюць злачынствы

Трое маладых людзей ва ўзросце 15 да 18 гадоў забілі пажылога мужчыну-пенсіянера і спалілі яго аўтамабіль разам з целам ахвяры. Злачынства маладыя людзі здзейснілі пасля распіцця спіртных напояў, сярод забойцаў была дзяўчына шаснаццацігадовага ўзросту.

08.07.2013 Міжнародная назіральная місія па Беларусі прызначыць Прадстаўніка па абароне праваабаронцаў

Сёння Міжнародная назіральная місія Камітэта міжнароднага кантролю за сітуацыяй з правамі чалавека ў Беларусі абвясціла аб адкрыцці конкурсу на пасаду Прадстаўніка па становішчы праваабаронцаў.